IES de Arzúa

Religion 3

Ata o 31 de xaneiro, en colaboración co Concello de Arzúa, contaremos no noso centro coa exposición “Mulleres libres e diversas”, organizada por Movemento pola Paz, na que se reflicte a diversidade das mulleres do mundo. O próximo 30 de xaneiro, Día da Paz Escolar, o alumnado da ESO participará nunha actividade, desenvolvida por Movemento pola Paz , na que se fará unha análise das situacións reflectidas en cada unha das fotografías, para impulsar a igualdade e a xustiza social.

Mulleres libres e diversas CIAM

CARTAZ.pdf

O 25 de xaneiro celebramos no Departamento de Ingles "Burns Night", xunto con todas as persoas que queremos o pobo escocés. Recitaremos poesía, cantaremos e faremos actividades gamificadas con metodoloxía DUA.

Diseño

Horario de Nadal

Varias empresas foron visitadas polo alumnado de formación profesional do Centro. Os da familia profesional de Xestión e Administración coñeceron Miramar Cruises, unha axencia online especializada na venda de viaxes de cruceiros. O seu CEO, Hugo Iglesias explicoulle a súa traxectoria profesional no que especificou cómo deu o paso para converterse en emprendedor e ofreceulles unha visita guiada pola empresa situada no porto da Coruña. Pola súa parte o alumnado da Agraria visitou Os Biosbardos, unha empresa de Cambre de agricultura ecolóxica baseada nos principios da Permacultura. Esta empresa produce diversos produtos ecolóxicos, tendo como un dos seus principais clientes os empregados de Inditex, da sede de Arteixo. Ademais a empresa tamén supón un espazo colaborativo onde compartir coñecemento con toda aquela xente que queira unirse ao proxecto. Na visita, o alumnado puido ver como xeran o seu propio fertilizante a través da compostaxe de residuos vexetais da propia parcela e de empresas de xardinería que traballan pola zona e que llos ceden. A maiores coñeceron como elaboran biofertilizantes asesorados por un técnico orixinario de Colombia e con ampla experiencia no sector. Outro elemento destacable da visita foi o galiñeiro automatizado a modo experimental O emprendedor desta empresa indicou que ten unha forte demanda de produto que non son capaces de cubrir. A visita rematou coa experiencia de Paula Patiño, unha emprendedora que abandonou o sector asegurador para crear a súa propia empresa no mundo da alimentación e lanzou este emprendemento de por en marcha unha rede sostible conformada por produtores ecolóxicos da zona e o seu propio laboratorio en Os Campóns. Da súa empresa, Acastrexa saen produtos culinarios cunhas receitas singulares que contan con demanda en distintas partes do mundo como Xapón, Alemaña ou Estados Unidos entre outro.

Diseño

O segundo e último día do seu job shadowing, o profesor Xurxo Feijoo tivo a ocasión de visitar unha mostra sobre o 50 aniversario do 25 de abril no vestíbulo da ES Jerónimo Emiliano de Andrade. O obxectivo da exposición é concienciar a rapazada sobre as importantes mudanzas que trouxo a instauración da democracia para a República portuguesa. A mediodía, Xurxo Feijoo puido visitar brevemente a escola secundaria Vitorino Nemésio e conversar coa súa vicedirectora acerca de posibilidades de colaboración futuras. Esperamos poder voltar de novo con mobilidades á illa Terceira para seguir incidindo na mellora cultural, ambiental e lingüística do noso alumnado.

Job shadowing Xurxo azores

Vendo que chega o final da nosa estadía na Illa, decidimos aproveitar este último día con intensidade. Comezamos a mañá coa visita á Reserva Florestal de Recreio das Furnas. Quedamos marabillados coa soltura dos alumnos do IES de Arzúa, Antón e Laura, guiándonos polo viveiro de produción de planta endémica e de madeira, así como polo posto acuícola de cría de troita arcoiris. Tamén nos acompañaron os responsables da súa formación durante a FCT na Illa de São Miguel, Carina Nobrega, Lourdes Peñil, Adriano Pizarro e outros traballadores do servizo florestal, que recalcaron a calidade técnica destes alumnos e manifestaron o seu interese en continuar colaborando coa nosa escola. A continuación, no Centro de Monitorização e Investigação das Furnas, coñecemos a orixe volcánica dos Açores. A seguir, puidemos experimentar de primeira man os efectos de vivir sobre un volcán activo no parque das fumarolas, onde aproveitando esta fonte de calor, cociñaron o cocido que degustamos no xantar. Cando parecía que o día non podía depararnos máis sorpresas, adentrámonos no xardín botánico Terra Nostra. Este parque romántico incorpora unha secuencia de espazos ideados para non deixar ninguén indiferente: o paseo de gingkos bilobas, as coleccións de bromelias e camelias, a sucesión de lagos e lagoas e, especialmente, o estanque de augas ferruxinosas onde puidemos tomar un último baño termal rodeados de maxestosas Araucarias, especie sempre presente nas fincas señorais dos Açores. Chegou a noite e quixemos despedir esta mobilidade cun grupo de alumnos de FP dual nos Açores, cunha cea nunha tasca típica no centro da cidade de Ponta Delgada.

Azores crónica final

Azores venres

Hoxe arrincaron dúas experiencias paralelas que responden ao noso proxecto de internacionalización: a mobilidade de FP Dual e a experiencia de observación Erasmus+ KA121, ambas na illa Terceira dos Azores. Ao chegar ao aeroporto de Lajes, fomos calorosamente recibidos por Nuno Azevedo, coordinador Erasmus+ da Escola Secundaria Jerónimo Emiliano de Andrade. Fíxonos un percurso por Angra do Heroísmo, cidade patrimonio da humanidade e de gran importancia xeoestratéxica ao longo da historia.

Azores