Nerea Yáñez de 3º de ESO participou no I Concurso Humanísimos - Categoría Fotografía de Bibliotecas ESO, organizado pola Facultade de Humanidades e Documentación do Campus de Ferrol. Non acadou premio, pero a súa fotografía terá un tratamento especial xa que estará exposta durante o acto e incluirase na publicación en papel.

Noraboa de novo, Nerea!

O 12 de xuño, no CENIMA de Foz,  foi a presentación dos proxectos dos centros escolares que participaban nos primeiros premios Juan Puchades Quilis. Os nosos alumnos, cun traballo sobre o Patrimonio Inmaterial, presentaron a curtametraxe "Preguiceiro" e os proxectos "Patrimonio das palabras" e "Esculpindo a luz". Os departamentos que colaboraron foron os de Debuxo, Lingua Galega, Normalización Lingüística, Música, Teatro e Tecnoloxía. 

O domingo 17 de xuño recibimos o primeiro premio da creatividade artística  na categoría de secundaria, compartido co IES San Rosendo.

Disfrutade dun resumo:

O PREGUICEIRO

Curtametraxe realizada polos alumnos de 1º e 2º e está baseada en seis contos do libro Contos populares da provincia de Lugo. É unha homenaxe aos contos populares que tan ben definen a idiosincrasia dos pobos.

 O PATRIMONIO DAS PALABRAS

Foi realizado polo alumnado de 4º e tivo como principal obxectivo traballar un aspecto do patrimonio inmaterial dun pobo, o léxico, que é vital para o mantemento da diversidade cultural fronte á crecente globalización.

Presentáronse unhas mans en posición cóncava simbolizando os galegos que son conscientes da necesidade de recoller e conservar vivo o vocabulario que xa vai quedando en desuso.

ESCULPINDO A LUZ

Foi feito polos alumnos de 3º e é unha instalación que trata de ser unha metáfora de todo o que nos conforma como seres humanos (cultura na que estamos inmersos, persoas coas que nos relacionamos...) e as motivacións interiores (alegrías, penas, medos, sufrimento...). A suma de todo isto confórmanos como sociedade cunhas características particulares que pertencen ao patrimonio inmaterial. 

O individuo está representado por unha media da que saen fíos de dúas cores (estímulos interiores e exteriores), e están máis ou menos tensados en función do impacto que cada un deles tivera na persoa.

A pasada fin de semana do 16 e 17 de xuño o alumnado de 1º e 2º de ESO foi ao parque de multiaventuras de Padrón e á llla de Ons, pasárono xenial!

Podedes ver un vídeo resumo das actividades levadas a cabo.

Saíu a Orde do 9 de maio de 2018 pola que se regula a participación no fondo solidario de libros de texto e se convocan axudas para adquirir material escolar destinadas ao alumnado matriculado en educación secundaria para o curso 2018/19. Para facer a solicitude deberedes entregar  en secretaría os anexos I e II cubertos.

O prazo remata o 22 de xuño de 2018.

Este luns, 21 de maio, desprazámonos ata o CEIP Castro de Ouro de Alfoz para que os rapaces e rapazas do noso centro e do colexio recibiran unha charla de primeiros auxilios.

Os técnicos en emerxencias sanitarias de Burela indicáronnos como actuar ante unha situación extrema e como realizar unha reanimación cardio pulmonar (RCP). Ao remate puidemos ver os vehículos de emerxencias desprazados ata o lugar.

Podeder ver fotos neste enlace.

Parabéns para Nerea Yáñez de 3º!

No mes de abril, na localidade veciña de Burela, celebrouse o Festival Audiovisual Imaxiña que valora a creatividade e orixinalidade na fotografía. Nesta edición Nerea participou cunha imaxe do mar e as rochas e con ela acadou un merecido segundo premio.

Noraboa polo teu traballo!

O luns 30 de abril e o venres 18 de maio son os días non lectivos elixidos polo centro.

Lembramos que o 1 e o 17 de maio son días festivos e, polo tanto, tampouco haberá clase. 

No mes de abril visitamos a exposición da Semana das Artes Plásticas no CENIMA de Foz que, nesta quinta edición, homenaxea ao escultor mindoniense Juan Puchades. Alí puidemos disfrutar das obras de vinteún artistas mariñanos como: Otero Regal, Alberto Pena, Alicia Rodríguez, Cristina Basanta, Lucía Vila, Mauro Leivas, Irma Loureiro e Álvaro Trincado, entre outros. Podedes ver imaxes dese momento:

Enlace

Co gallo do Día da Muller Traballadora, os/as alumnos/as de 3º e 4º de ESO elaboraron carteis con información de mulleres relevantes en diferentes campos ao longo da historia, sendo os de 1º e 2º os encargados/as de descubrir os nomes.

Máis fotos

Ata o 7 de marzo está aberto o prazo para solicitar axudas para a realización de actividades de formación en linguas estranxeiras. Podedes obter máis información no enlace www.edu.xunta.gal/portal/node/24182 .