CALENDARIO DAS PROBAS DE SETEMBRO 2019

Podedes acceder ao calendario das probas de setembro dende o seguinte enlace:  calendario

Viaxe a Lugo

O venres, 7 de xuño, un total de 36 alumnos de 1º e 2º da ESO do Instituto Alfoz-Valadouro, acompañados dos profesores Pilar Díaz, Simeón Neira e Pepe Peinó, viaxaron ata Lugo, onde visitaron tres lugares:

- En primeiro lugar pararon na fábrica que ten Leite Río no polígono industrial do CEAO, onde un guía os conduciu a través das instalacións e lles explicou o proceso de limpeza e envasado do leite.
- Ás 12 da mañá visitaron o Vello Cárcere, un museo municipal situado nas instalación do antigo cárcere da capital lucense. A guía conduciunos polas diversas dependencias e explicoulles anécdotas relacionadas cos presos, así como historias interesantes sobre os cárceres e as penas en épocas pasadas da nosa historia.
- Pola tarde visitamos o Museo Etnográfico de San Paio de Narla, en Friol, onde puidemos contemplar as diversas salas con materiais doutras épocas, como armaduras, carruaxes, aparellos da labranza, etc. Incluso puidemos ver en directo a unha auténtica meiga galega, que saíu da lareira, e a un antigo cabaleiro medieval, seguramente un fantasma que habita no castelo.
   A comida foi no centro comercial As Termas, no CEAO. Unha xornada completa, na que mesturamos a modernidade das fábricas actuais e a historia dos nosos antepasados, tanto actual como remota.
 

O 20 de maio é día non lectivo

O luns 20 de maio foi elixido polo centro como día non lectivo polo que voltaremos ás clases o martes 21.

XOGOS TRADICIONAIS

O venres 12 de abril celebramos no centro unha xornada de xogos tradicionais. As actividades foron organizadas pola profesora de Educación Física, Yolanda Flórez, e o alumnado de 3º de ESO.

Máis fotos

Festival Imaxiña 2018

Neste mes de abril celebrouse a oitava edición do festival da Mariña Imaxiña 2018 e, unha vez máis, alumnas do noso centro recibiron un recoñecemento ao seu traballo: Nerea Yáñez e Adâh Guisasola de 4º de ESO rebiciron o premio de vídeo sobre paisaxes da Mariña con imaxes nocturnas da costa e do interior.

Noraboa polo voso traballo e pola vosa creatividade!

 

Mar e Montaña triunfan no Imaxiña 2018

Podedes ver máis información dende aquí.

 

ENTROIDO 2019

O un de marzo celebramos o entroido con actuacións musicais e teatrais. Xa podedes disfrutalo!

BOLETÍN DE NOTAS

O vindeiro venres 22 de marzo entregarase a cada alumno/a o boletín de notas correspondente á segunda avaliación.

AXUDAS PARA ACTIVIDADES DE FORMACIÓN EN LINGUAS ESTRANXEIRAS

Convocadas axudas para a realización de actividades de formación en linguas estranxeiras no ano 2019, destinadas ao alumnado dos centros docentes sostidos con fondos públicos.

O prazo está aberto ata o 20 de marzo.

https://www.edu.xunta.es/axudasle/

 

 
 

 

DÍA DA PAZ E A NON VIOLENCIA

O luns 28 de xaneiro no recreo organizamos unha actividade co gallo do Día Escolar da Paz e Non Violencia. Cociñamos a paz escollendo un ingrediente para elaborar a receita. Aquí temos o resultado, só queda poñela en práctica:

 

 

Xubilación de Aurora

O pasado 21 de decembro xubilouse Aurora Paulina Geada Pena, a nosa profesora de matemáticas nos últimos 21 anos. Queremos agradecerche moito toda a adicación que sempre tiveches ao teu traballo e o gran cariño que nos mostraches a todos.

O seu último día no centro foi moi especial, recibiu o cariño de todos os alumnos e un ramo de flores. Despois celebramos unha comida homenaxe, onde tivo un agasallo sorpresa de un retrato dela con fotos de todos os alumnos que pasaron polo centro.

Esperamos que recordes a túa etapa aquí con moita alegría e nos visites moi a miúdo. Desexámosche todo o mellor para este novo período no que seguro vas ser moi feliz!

 

Fotos

Distribuir contido