Skip to Content

Enlace Aula Virtual

   

   

Dinamización Lingüística

,

Xov, 13/01/2022 - 16:22 — admin

Síguenos nas redes sociais:

          

 

 

Programación Equipo de Normalización e Dinamización da Lingua

23 de abril: día do libro

Lun, 08/04/2024 - 14:53 — admin

O equipo de dinamización da lingua galega da Epapu convídanos a celebrar o vindeiro día do libro compartindo con toda a comunidade da escola o nome dese libro que nos atrapou, que non poidemos parar de ler ata a derradeira páxina. Anímaste a contarnos cousiñas sobre o teu libro favorito...

 

Exposición 8M: mulleres anónimas

Lun, 11/03/2024 - 16:05 — admin

O Equipo de Dinamización Da Lingua Galega do Epapu de Ourense conmemorou o pasado 8M cunha exposición para dar visibilidade a algunhas das moitas mulleres anónimas que loitaron e/ou loitan a cotío na súa vida para construír o cambio e axudar a mellorar as vidas de todas as mulleres.

Grazas a todas elas.

Voltamos o luns día 8 de xaneiro

Xov, 21/12/2023 - 06:18 — admin

A partires de hoxe 21 de decembro estamos de vacacións. Desfrutade moito destas festas e recordade que voltamos o vindeiro luns 8 de xaneiro con enerxías renovadas.

Agradecer o esforzo do equipo de dinamización lingüística para decorar o centro e contaxiarnos o espírito do nadal coa organización  das distintas actividades dos últimos días. Especial agradecemento a Belén Sanmiguel sobre a que recaeu o groso do traballo. Moitas grazas!!!

 

 

Terceira edición do Certame literario Loureiro: Aconteceu no Couto

Ven, 24/11/2023 - 05:32 — admin

Animate a participar na terceira edición do Certame literario Loureiro: Aconteuceu no barrio do Couto. Poderás gañar un bono de 50 euros e un lote de libros.

Trátase dunha actividade promovida pola Asociación de Veciños Loureiro en colaboración coa EPAPU Ourense, o IES O Couto, o CEIP O Couto e o Colexio Santo Ángel. Os relatos deben estar redactados en galego, ter unha extensión mínima dun folio e máxima de cinco e, o máis importante, estar ambientados no barrio do Couto. Calquera dúbida pódecha aclarar o teu profesorado.

 

25-N: Día Internacional para a eliminación da violencia contra as mulleres

Mar, 14/11/2023 - 16:48 — admin

Na EPAPU Ourense continuamos realizando diferentes actividades para conmemorar o vindeiro 25 de novembro. Así, aos marcapáxinas ilustrados sumámoslle as follas reivindicativas nas que os teus mellores desexos poderán quedar expostos no taboleiro do corredor principal.

                                   

 

 

 

 

25-N: Día Internacional para a eliminación da violencia contra a muller

Xov, 02/11/2023 - 15:10 — admin

Dende a EPAPU Ourense este 25-N, día internacional para a eliminación da violencia contra a muller, queremos aportar o noso gran de area na loita contra a violencia de xénero. 

Animámosvos a que deseñedes un marcapáxinas ilustrado cun lema en galego seguindo o modelo que atoparedes na conserxería do centro. Utilizarémolos na biblioteca do centro para darlle visibilidade.

 

Gañadores concurso debuxos e microrrelatos terroríficos

Mér, 25/10/2023 - 04:59 — admin

Xa temos os debuxos e microrrelatos gañadores da última edición do noso concurso de Samaín.

Os nosos parabéns a todo o alumnado participante e especialmente ás persoas gañadoras!

Gañadores modalidade debuxo:

  • 1° Anónimo ( Begoña Acebedo Carpintero 2° Bach)
  • 2° kiefer (Daniela Soraya Laprea Jamarillo 4° tarde)
  • 3° La monja ( Margarita Flores 4° tarde)

Gañadores modalidade microrrelatos:

  • 1°Anonimo ( Begoña Acebedo Carpintero 2° Bach.)
  • 2° Berta ( Concha Parada González Ebis 2)
  • 3° Maléfica ( Cristina Gonçalves López Ebis 2)

Gozade deses merecidos premios!!

 Fai clic nas imaxes para velas ampliadas

DEBUXOS GAÑADORES
     
 

MICRORRELATOS GAÑADORES
 
 
 

Concurso de debuxos e microrrelatos terroríficos 2023

Dom, 01/10/2023 - 13:02 — admin
Xa volve unha nova edición do noso concurso de debuxos e microrrelatos terroríficos!!
 
BASES DO CONCURSO:
1. Bases Xerais:
- Enviar un correo a debuxoserelatos.epa23@gmail.com
- ASUNTO: o voso pseudónimo.
- CORPO DA MENSAXE: Nome e apelidos, curso e grupo, teléfono de contacto.

2. Modalidades de concurso:
- DEBUXO:
- Folio A-4
- Encabezamento co voso pseudónimo.
- Modalidade aconsellable para a ESA.
- MICRORRELATOS:
- Folio A4, á man e en galego. Será conveniente respectar a extensión máxima dunha cara do folio.
- Modalidade aconsellable para Bacharelato.
E lembrade que podedes participar en calquera das modalidades, aínda que sería mellor respectar o aconsellado.
Os traballos non deben levar ningún sinal ou dato que permitan identificar ao alumnado participante.
 

23 de abril: Día do Libro

Ven, 21/04/2023 - 04:57 — admin
Desde a EPAPU de Ourense promovemos a aprendizaxe permanente ao longo de vida, de xeito que a idade non sexa impedimento para iniciar, continuar ou retomar a formación.
Todas e todos temos moito que dicir e que aportar a esta sociedade, independentemente da nosa idade.
Con esta reivindicación na nosa mente, este ano conmemoramos o Día do Libro o vindeiro 23 de abril con esta exposición de libros antigos que, malia ser “vellos”, “aínda teñen moito que contarnos”.
Distribuir contido


by Dr. Radut