Noite de teatro no Principal co noso alumnado

Este xoves 23 de febreiro todo o noso alumnado estaba convidado a asistir a representación da obra teatral "O soño dos vagalumes" a cargo do grupo de teatro de nais/pais da Universidade Laboral de Ourense. Unha obra creada por Ángeles Álvarez partindo do libro "As marías de Santiago" da autora Áurea Sánchez e na que se nos conta a historia de María e Coralia Fandiño Ricart.

A partires das 19:30 alumnado, profesorado e acompañantes fómonos achegando ata o Teatro Principal ata case ateigar o seu aforo. As máis de vinte persoas que integran este grupo fixéronnos desfrutar e permitiron que o noso alumnado se achege ao mundo do teatro. 

A continuación podedes ver unha pequena escolma de fotografías feitas polo noso compañeiro Santiago.