|
|
|
|
Breve historia da Escola Oficial de Idiomas da Coruña
A Escola Oficial de Idiomas da Coruña, creada xunto coas de Alacante, Málaga e Zaragoza por decreto do Ministerio de Educación e Ciencia de España en decembro de 1968, foi a primeira de Galicia. A nosa escola foi inaugurada o dia 19 de xaneiro de 1974. Nese curso 1973/74 comezaron a impartir clases 21 profesoras e profesores nunha sede única situada no Instituto Ramón Menéndez Pidal (Zalaeta).
As primeiras linguas que se impartiron desde a creación da EOI foron o inglés e francés e a matrícula custaba 500 pesetas. Aínda no edificio do instituto de Zalaeta, comezaron a impartirse clases de español no curso 1974/75, galego no curso 1977/78 e alemán ao curso seguinte, 1978/79.
O ensino de idiomas en Galicia, orixinalmente competencia do Estado, en 1981 pasa a ser competencia da comunidade autónoma galega porque así o establece o artigo 31 do Estatuto de Autonomía de Galicia. En 1985 a escola trasladouse ao edificio actual, que foi deseñado polo arquitecto Andrés Fernández Albalat, na rúa da Educación, no distrito coñecido como Cidade Escolar.
No curso 1985/86 seguimos ampliando o abano de linguas co italiano, seguido polo ruso desde o 1986/87 e o portugués desde o 1989/90. Algúns anos despois, comezou a súa andaina o departamento de árabe, no curso 1999/2000. As máis recentes incorporacións son as dos departamentos de chinés e xaponés, desde 2007/08.
A EOI tamén creceu xeográficamente coa creación das seccións de Carballo en 2004, Cee e Culleredo en 2007 e Arteixo en 2013.
Noticias sobre a EOI na prensa
En construción
Noticias sobre o comezo do curso 1973-74 de La Voz de Galicia e El Ideal Gallego
Noticia da inauguración da EOI da Coruña o 19.1.1974 no "Boletín de Información Municipal Año XI enero-junio 1974"
*Onde di Manuel Castelo Montero debería dicir Miguel Castelo Montero.
|
|
|
|
Noticias da inauguración da Escola Oficial de Idiomas da Coruña na sección Hace 50 años de El Ideal Gallego
|
|
Percorrido histórico pola historia da institución desde a creación da primeira Escola Oficial de Idiomas en Madrid en 1911