O 21 DE MARZO CELEBRAMOS O DÍA DA POESÍA BAIXANDO Á PRAIA A RECITAR UNS POEMIÑAS DO LIBRO "MAR DE MAZÁ" DE ELVIRA RIBEIRO TOBÍO. FIXO UN DÍA FERMOSO E PROVEITAMOS PARA MERENDAR E XOGAR UN RATIÑO.
POLO 8 DE MARZO, DÍA DA MULLER TRABALLADORA, RECIBIMOS UNHA VISITA MOI, MOI ESPECIAL: ROSALÍA, A ÚLTIMA REDEIRA DE PANXÓN, QUE VEU ACOMPAÑADA DO SEU FILLO JOSÉ MANUEL, QUE É MARIÑEIRO.
TIVEMOS MOITA SORTE DE PODER COTAR CON ELES E QUE NOS AMOSARAN OS SEUS OFICIOS!!
POLO 15 DE FEBREIRO, DÍA INTERNACIONAL DO CANCRO INFANTIL E, EN COLABORACIÓN COA FUNDACIÓ "LA NINETTA DELS ULLS" (A MENIÑA DOS MEUS OLLOS), PARTICIPAMOS NA 3ª XORNADA DE SUPERHEROÍNAS E SUPERHEROES.
ESTA FUNDACIÓN CREOUSE COA MISIÓN DE POTENCIAR A INVESTIGACIÓN NO RETINOBLASTOMA, O CANCRO OCULAR MÁIS FRECUENTE EN NENOS E NENAS MENORES DE 6 ANOS.
DURANTE UNS DÍAS ACHEGÁMONOS AO TRABALLO DESTE GRUPO DE PERSOAS, COÑECEMOS ESTA ENFERMIDADE E ALGÚNS DOS SEUS SÍNTOMAS E QUIXEMOS SER PARTÍCIPES DESTA FERMOSA XORNADA.
ELABORAMOS UN ANTIFACE CO SELO DA FUNDACIÓN E REFLEXIONAMOS SOBRE OS PODERES QUE TEMOS, AQUILO QUE NOS FAI ESPECIAIS E DIFERENTES AO MESMO TEMPO.
ACCIÓNS COMO ESTA XORNADA AXUDAN A FORTALECER O AUTOCOÑECEMENTO E A AUTOESTIMA, NON SÓ DOS PACIENTES DE CANCRO INFANTIL, SENÓN DE TODOS OS NENOS E NENAS QUE PARTICIPAN.
AGORA XA TEMOS O SELO DE "ESCOLA CON SUPERPODERES".
