Actividades

A semana pasado o tempo por fin deu un acougo e deixounos sair á HORTA DE LOLA

Os nenos e nenas de 4º fixemos sementeiro de pipas de xirasol e plantamos patacas.

Os de 5º tamén fixemos sementeiro, pero dos pementos vellos colleitados en outono, e ademáis plantamos patacas no bancal de arriba que tiñamos baleiro.

Os rapaces e rapazas de 6º plantamos verzas e botamos compost ao redor, e ademáis estivemos repasando todas as hortalizas que temos ou tivemos plantadas nalguna ocasión na nosa horta. 

Este mes de novembro os nenos e nenas de 4º aprendimos que cousas podemos plantar na horta e que cousas non, agora xa sabemos que na horta so van os cultivos pequenos. Plantamos brécoles.

Na clase de quinto limpamos  e recollemos os cultivos que non aguantan o frío do inverno e despois plantamos coliflor. Ademais tocounos coller a semente do pemento, buscamos  no seu interior para sacala e deixala secar. Quedou gardada nun bote ata a primavera.

Os maiores de 6º limpamos e plantamos novas plantiñas que aguantan a choiva coma os allos porros. Ademais collemos a semente do pepino, para iso cortamos o cogombro, sacamos semente e deixamos secar.

E por fin empezamos de novo a coidar a Horta de Lola. Este mes de setembro os nenos e nenas de 3 anos coñecemos a horta e aproveitamos para recoller algunhas das fresiñas que medraron durante o verán. Os peques de 4 saímos a regar para que algunhas das plantacións que temos (cabazas, pepinos e fresas) non deixen de medrar. Na aula de 5 anos colleitamos os últimos pementos e tomates da tempada!

EN XUÑO APAÑAMOS AS PATACAS QUE PLANTARAMOS NO BANCAL DE ARRIBA E MAIS PLANTAMOS PEPINOS.

CANTO NOS GUSTA IR Á HORTA DELOLA !