Skip to Content

Novas

XORNADAS DE PORTAS ABERTAS

Solicitude de Reserva para centros adscritos

Fase de reserva de prazas en centros de adscrición

De conformidade coa disposición adicional primeira da Orde da Consellería de Cultura, Educación, Formación Profesional e Universidades do 21 de outubro de 2022, que regula o procedemento de admisión de alumnado en centros docentes sostidos con fondos públicos, o próximo día 16 de xaneiro de 2023 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

  • O prazo de solicitudes abranguerá do 16 de xaneiro ao 6 de febreiro do 2023, ambos incluídos.
  • Tanto a presentación das solicitudes como a consulta das listaxes de admitidos, que se publicarán antes do día 28 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/)

* Este plazo de reserva está dirixido a alumnos que agotan as posibilidades  no centro actual e pasan a un centro adscrito.

Descarga o arquivo adxunto para acceder ao anexo.

 

ESCOLA DE FAMILIAS

Esta semana tivemos na Escola de Taraza a primeira xuntanza do CRA de Vadoviño da:

ESCOLA DE FAMILIAS 22/23!!

A nosa compañeira Lidia, do CEIP Vila de Rutis en Culleredo, acompañounos para mostrarnos unhas pequenas pinceladas do MÉTODO ABN, o cal  empregan os nosos alumnos e alumnas todos os días para aprender Mates na escola.

Xa estamos iniciados no xogo das mates para acompañar os nosos nenas e nenos na súa aprendizaxe dende casa!

Pero ATENTOS! Isto acaba de comezar, xa sabedes: "unha vez que coñeces ata o 10 as posibilidades son infinitas"

Moitas grazas a todas as familias das tres escolas porla participación e pola implicación!

VÉMONOS NA SEGUINTE

RENOVACIÓN PARCIAL DO CONSELLO ESCOLAR

 

Seguindo o Decreto 374/96, do 17 de outubro, polo que se aproba os regulamento orgánico das escolas de educación infantil e primaria e os seus seguintes artículos nos que citan:

No art.41: “dous anos despois de que constituirse o consello escolar con todos os membros, levarase a cabo a primeira renovación parcial do mesmo sendo sustituidos os seguientes membros (en centros de 3 unidades): unha mestra e o representante das familias.

 

Presentado a situación ao claustro, consello escolar e comunidade educativa, a representante do claustro, Lucía Leira Martínez, renova voluntariamente o seu cargo dous anos máis, e a representante das familias, Ana Gesto, renova voluntariamente o seu cargo dous anos máis, quedando a composición do consello escolar, sendo informado o claustro e o consello da seguinte maneira:

 

Presidenta: Paula Curto                                               Secretaria: Vanessa Muiño

Representante do claustro: Lucía Leira                       Representante das familias: Ana Gesto

Representante da ANPA: Cristina Bush                      Representante do concello: Rosana García

 

ACTIVIDADES EXTRAESCOLARES 22/23

                         

O Concello de Valdoviño pon en marcha dende hai varios anos diferentes actividades extraescolares tras asumir a organización a instancias da ANPA Beiramar do CPI Atios. Celébranse durante o curso escolar, en horario de tarde, e varían cada ano segundo a demanda. Habitualmente, a programación contempla ximnasia rítmica, psicomotricidade, multideporte, karate, piscina, patinaxe e patinaxe artística.

Para máis información fai "click" no seguinte enlace:

https://www.concellodevaldovino.com/servicios-sociais-en-rede/programas/conciliacion-igualdade-diversidade-e-violencia-de-xenero/actividades-extraescolares/

Vídeo promocional 2021

Imprescindible solicitar cita previa. Datos de contacto.

 

 

Orde de distribución de máscaras primaria...

Aos alumnos que contan con axudas de material escolar da Xunta as máscaras seranlles asignadas de xeito directo, polo que non precisan tramitar a solicitude
Unicamente terán que formalizar a solicitude os alumnos que reúnen os requisitos de renda aínda que non seu día non solicitaran as axudas de material escolar
Con cargo ao fondo de Reserva de Garantía Educativa, dotado con 7 millóns de euros, os centros poderán adquirir todas as máscaras necesarias para atender ás familias que máis o precisen durante este curso
 
 
Ven, 13/11/2020 - 13:07

A Xunta de Galicia vén de publicar hoxe no Diario Oficial de Galicia a orde pola que se regulan os criterios e o procedemento de distribución de máscaras hixiénicas entre o alumnado matriculado nas etapas de Primaria, ESO e Educación Especial dos centros sostidos con fondos públicos que máis o necesite.

Tal e como establece a convocatoria, todos os alumnos que contan con axudas de material escolar da Consellería de Cultura, Educación e Universidade no presente curso 2020-21 serán beneficiarios directos das máscaras, polo que neste caso non terán que formalizar ningunha solicitude.

O resto do alumnado −aínda que non conte con axuda de material escolar− tamén poderá beneficiarse do subministro de máscaras sempre que reúna o requisito de renda per capita igual ou inferior a 6.000 euros. Así mesmo, disporán de máscaras os alumnos que, independente da renda da unidade familiar, estean matriculados nun centro de Educación especial, suxeitos a garda ou tutela da Xunta de Galicia, ou teñan unha discapacidade igual ou superior ao 65%. En todos estes casos, para poder beneficiarse do reparto de máscaras, é obrigado que tramiten a correspondente solicitude, cuxo prazo para formalizala permanecerá aberto desde o luns día 16 ata o 27 de novembro.

Tendo en conta os criterios xa aplicados para as axudas ao material escolar, a previsión é que se beneficien do reparto gratuíto de máscaras de protección durante todo o curso escolar arredor de 100.000 alumnos de centros sostidos con fondos públicos.

Os encargados da adquisición e reparto de máscaras serán os propios centros educativos, seguindo o procedemento análogo que realizan anualmente co reparto das axudas de material escolar.

Distribuir contido


by Dr. Radut