"E ti que ves sendo?" Esta foi a pregunta coa que nos atopamos en Marzán ao chegar ao cole, por iso un a un nos presentamos achegando unha caixiña coas cousiñas que mellor nos definen (familia, afeccións, etc.) e iniciamos o descubrimento do noso corpo a través dos sentidos e as emocións.
Neste mes de novembro da ciencia, está viaxando polas diferentes aulas do CRA un material moi especial "A maleta científica". Nela hai diferentes recursos para profundizar nesta temática tan interesante e divertida, como son:
- Materiais para realizar un proxecto con plastilina condutora de electricidade de elaboración propia.
- Taboleiros sobre as "CRAOLIMPIADAS" para traballar cos Escornabots.
Os nenos e nenas da escola de Fornelos celebramos o SAMAÍN e o fixemos coa visita do alumnado de Marzán. Pasamos unha mañá moi divertida e tamén terrorífica . Comezamos cunha historia e un conxuro, para posteriormente realizar unha serie de acertixos e de probas que nos abrían a porta da escola deinfantil, na cal comezamos á elaboración de postres maléficos e propios deste día.
Nesta escola temos sorte de estar rodeados de natureza e de árbores froiteiras como o castiñeiro. Así que, xogmos coas súas follas e descubrimos os seus ourizos, que pican e agochan castañas que apañamos e manipulamos para preparalas no forno e papalas.
Entre medias chegou o Samaín, que festexamos converténdonos en bruxas, elaborando as nosas propias basoiras e manipulando misturas noxentas.
O alumnado da escola de Tabagón celebran o Samaín con multitude e variedade de actividades como son: elaboración de galletas de medo, xogos, memory con tarxetas apropiadas á tematica...
Os nenos e nenas da escola de Fornelos (de educación infantil e primaria) saímos ao supermercado do Rosal para mercar os ingredientes necesarios na elaboración das receitas que faremos na celebración dos aniversarios!!!