O 12 de Xuño como remate do noso traballo fixemos unha excursión ao Castelo de Vimianzo. Despois comimos na área recreativa de Gabenlle en A Laracha. Pasámolo moi ben.
Co motivo da celebración do Día das Letras Galegas, o martes 12 de maio, o Concello convidounos a un concerto didáctico no I.E.S. Universidade Laboral. Titulábase "DE AQUÍ PARA ALÁ". Foi moi divertido ... ademáis os nosos profes Bea e Iván subiron ao escenario a bailar.
O mércores 6 de maio achegámonos ao Museo de Belas Artes para vela exposición "O PRIMEIRO PICASSO" despois de investigar sobre este famoso pintor nas escolas. Alí ademáis de ver parte da súa obra, tamén fixemos de pintores e debuxamos un retrato de PABLO PICASSO. Foi moi interesante estar no museo.
O 23 de abril é o Día do Libro. Uns días antes apareceron nas nosas escolas uns paquetes voando que tiñamos que abrir ese xoves 23. Así o fixemos e dentro había UN CONTO que despois nos leu a profe.
Ao día seguinte, venres 24, leváronnos á Choeira para visitala Biblioteca do CRA. Alí estaba esperándonos a DRAGONA RAMONA para contarnos "A FANTÁSTICA LENDA DA PRINCESA E O DRAGÓN". Despois fixemos talleres literarios e o pasamos moi ben.
O 13 de febreiro celebramos a festa do Entroido as DAMAS e CABALEIROS de Culleredo, eso si, baixo as ordes dos DRAGÓNS que nos acompañaron en todo momento. Houbo torneo, baile, banquete ... todo un acontecemento. Pasámolo moi ben.
Moitas grazas aos pais, nais, avós, avoas e demais que nos acompañaron nesta festa tan medieval.