Segundo a resolución do 5 de outubro de 2022, que está previsto que se publique no Diario Oficial de Galicia mañá 14 de outubro, establécese que os beneficiarios do vale para adquirir material escolar por un importe de 50€(entregados a finais do curso pasado), recibirán un vale adicional de 25€.

A resolución dispón que as familias poden recoller o vale de 25€ nos centros docentes a partir do día seguinte (hábil) ao da publicación no DOG.

A partir do luns farémoslle entrega dos vales ás familias pertinentes. 

O vale debe empregarse preferentemente na libraría/establecemento antes do 1 de decembro de 2022.

Ao igual que sucede cos vales de libros de texto e material escolar de 50€, o centro deberá levar un control dos vales que entrega ás familias xa que no suposto de extravío pola familia ou pola libraría, nunca se expedirá un duplicado. 

Podedes consultar a información no seguinte enlace: AMPLIACIÓN VALES e tamén no DOGA de mañá.