Aposta por un ensino Público, Rural e en Familia.

Un ano máis, comeza o período de admisión, nesta ocasión tócalle a quenda aos nenos e nenas nados no 2018 e que comezan a súa andaina escolar no vindeiro curso. Este ano por mor da situación sanitaria que estamos a vivir, nos vos podemos convidar a coñecer as nosas 6 escolas e ter a Xornada de Portas Abertas que viñamos celebrando estes anos. Pero aquí estamos para calqueira dúbida que poidades ter acerca do noso funcionamento, das nosas instalacións ou calquera dúbida que vos poida xurdir en calquera delas, xa ven sexa nas de Boqueixón: Camporrapado, Lestedo e Sergude ou ben no concello que Vedra: Sarandón, S Fins e S Xián. Convidámosvos a que visitedes o noso blog: http://rukutru.blogspot.com/ e deste xeito, poidades ver algunha das actividades que levamos a cabo no noso día a día.

Esperamos que para o vindeiro curso continuemos coas nosas saídas mensuais como o Pasabodeghiñas, concertos e sen esquecer os 2  festivais anuais e mesmo a gran festa de fin de curso, organizada pola ANPA na que se "licencian" dun xeito moi especial aos que rematan ciclo.

Cremos firmemente que o mellor xeito de aprender é o contacto directo e da experiencia. Si xa de por si, somos uns privilexiados por situarnos no rural e rodeados de natureza, sempre aproveitamos saídas para aprender máis da nosa contorna e todo iso como si fósemos unha gran familia. 

Por iso, convidámosvos a apostar por un ensino público, rural e de calidade e con un lema,  "Educando en familia",  que quere amosar a importancia que son para nós o voso mellor tesouro. os voso fillos e fillas. 

Agardámosvos!!!

 

 

 

ADMISIÓN ALUMNADO CURSO 2021-2022

Admisión: do 1 ao 20 de marzo de cada ano, ambos incluídos. A solicitude preferiblemente cubrirase na aplicación

admisionalumnado e presentarase en Sede Electrónica ou, de forma presencial, na sede do CRA, os mércores en horario de 9 a 14 horas. de non ser posible este horario, chamar ao telf. do centro: 616440471. Este ano, por mor da situación que estamos a vivir non se recollerán nas escolas.

No caso da reserva ou da admisión, cando o último día do prazo sexa non lectivo prorrogarase ata o primeiro día lectivo inmediato seguinte

NOTA INFORMATIVA PARA AS FAMILIAS

Débese ter en conta que só se pode presentar unha única solicitude no centro que se pon en primeiro lugar. O incrumprimento desta obriga provoca a perda dos dereitos de prioridade que poidan corresponderlle.

  1. O alumnado que ten garantida a permanencia no centro, no caso de presentar solicitude de admisión noutro distinto, deberá comunicalo.

  2. Si o alumnado ten praza reservada nun centro e presenta solicitude de admisión noutro distinto, deberá comunicar a renuncia á reserva antes do inicio do prazo de presentación de solicitude de admisión

  3. A solicitude poderá asinala calquera das persoas titulares da patria potestade, cando se refiran a fillos/as comúns dun matrimonio non separado legalmente nin divorciado ou dunha parella de feito debidamente inscrita no Rexistro de Parellas de Feito de Galicia.  Nos demais casos requírese a sinatura dos dous titulares. agás que a patria potestade estea atribuída a un deles con carácter exclusivo, ou en situacións de vilencia de xénero.

SOLICITUDES:

https://www.edu.xunta.gal/axudaplicacion/files/admisionalumnado/ED550B-G.pdf

Tamén se pode descargar no arquivo adxunto, como versión autocompletable, que atoparán ao final de esta publicación.

DOCUMENTACIÓN A PRESENTAR:

  • Copia do DNI da persoa solicitantes e dos membros da unidade familiar 

  • Copia do libro de familia

PUBLICACIÓN DE LISTAXES:

  • Provisional: antes do 25 de abril. O prazo de reclamación de puntuacións é de 5 días hábiles dende o seguinte á súa publicación

  • Definitiva: antes do 15 de maio

    As persoas solicitantes que conten cun certificado dixital ou chave365 poderán consultar as listaxes correspondentes á súa solicitude ou solicitudes a través da aplicación admisionalumnado

LEXISLACIÓN: 

  •  DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

  • ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

  • ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

FORMALIZACIÓN DE MATRÍCULA:

O alumnado admitido formalizará a súa matrícula do 20 ao 30 de xuño.

 

Inicio do procedemento de admisión de alumnado en centros docentes sostidos con fondos públicos para o curso 2021/2022

Iniciamos o procedemento de admisión coa RESERVA DE PRAZA EN CENTRO ADSCRITO

O alumnado do CRA Boqueixón-Vedra "Neira Vilas" que remate a súa escolarización no CRA, neste curso escolar e vaia continuar a súa escolarización nos centros adscritos correspondentes:

  • CPI Antón Orza Couto (Forte): Escolas de Camporrapado e Sergude  
  • CPI Plurilingüe de Vedra: Escolas de Lestedo, San Fins de Sales, Sarandón e San Xián de Sales,

terán que realizar a solicitude de reserva de praza.

O  prazo de entrega de solicitudes abranguerá do 11 de xaneiro ao 8 de febreiro do 2021, ámbolos dous incluídos.

O impreso de solicitude pode recollerse nas escolas do CRA ou descargarse (está publicado como arquivo adxunto a esta nova en galego e castelán). Haberá que entregalo na escola á que o alumno/a asiste o presente curso 2020-2021.

Este procedemento tamén poderá facerse directamente na aplicación Admisionalumnado

Ante calquera dúbida, chamade ao teléfono de dirección do CRA 616440471.

 

DISTRIBUCIÓN DE MÁSCARAS ENTRE O ALUMNADO

A Consellería de Cultura, Educación e Universidade vén de publicar a Orde do 6 de novembro de 2020 pola que se regulan os criterios e procedemento de distribución de mascaras entre o alumnado matriculado en educación primaria e Secundaria Obrigatoria.

- Beneficiarios: SOLO ALUMNADO DE PRIMARIA  Aqueles alumnos que foron beneficiarios do Cheque de material escolar. Neste caso as familias non teñen que facer ningún trámite.

Aquelas familias que, por calquer circunstancia, non solicitaron axuda de libros pero a súa renda percápita é inferior a 6000 € (para calculalo imos á renda de 2018, sumamos o recadro 432 maiS o 460 e dividimos entre o número de membros da unidade familiar), deben presentar na secretaría do centro ANEXO I xunto cunha copia do libro de familia.

- Prazo de presentación: do 16 ao 27 de novembro de 2020

O centro comunicará ás familias beneficiarias o momento e o modo no que se fará o reparto.

 

CONVOCATORIA AXUDAS AO ENSINO E TRANSPORTE - CONCELLO DE VEDRA

concello de Vedra ven de convocar AXUDAS AO ENSINO E O TRANSPORTE - Curso Escolar 2020-2021.

As bases pódense consultar na páxina web do Concello de Vedra ou no seguinte enlace:

ENLACE AO BOP

NOVO PLAN DE CONTINXENCIA

Bo dia familias. Poñemos á vosa disposición o novo Plan de Continxencia elaborado para darvos unha información clara de cal sería a metodoloxía e a organización do horario de cada escola ante o posible confinamento tanto dun alumno/a como da escola enteira ou un peche xeralizado de toda actividade presencial.

Ante calquera dúbida xa sabedes que podedes contactar tanto cos mestres/as das escolas nos teléfonos de cada unha ou coa directora no teléfono xeral do centro 616440471.

Un saudiño e moitas gracias a todos e todas polo voso compromiso e esforzo en cumplir todas as novas normas que apareceron este ano.

Xuntos sairemos desto!!!!

ADÍANSE AS ELECCIÓNS AO CONSELLO ESCOLAR

ELECCIÓNS ao CONSELLO ESCOLAR

Resolución do 22 de Outubro de 2020 da Secretaría Xeral de Educación e Formación Profesional, pola que se adía a celebración de eleccións para a renovación dos membros dos Consellos Escolares de centros docentes sostidos con fondos públicos.

PLAN DE ADAPTACIÓN COVID-19 E ACOLLIDA ÁS FAMILIAS

Presentámosvos nos arquivos adxuntos, os Plans de Adaptación Cov-19, o Plan de Acollida ás familias, o Plan de continxencia e a Declaración responsable, conforme as familias se comprometen a facer unha enquisa e o . Esta enquisa terá que facela diariamente, toda a comunidade educativa, antes de asistir ao centro educativo. Dita enquisa non hai que entregala no centro, nin tampouco hai que cubrila, será suficiente facela de xeito oral. Porén, no caso de ter algún síntoma ou darse algunha das situación que aparecen na enquisa, mediante a declaración responsable, a familia comprométese a non mandar a/ ao filla/o ao centro educativo. Asemade, tamén adxuntamos a enquisa.

Son documentos que están a ser revisados continuamente atendendo ás instruccións que están a ser publicadas no Portal Educativo e tamén irán sufrindo modificacións en función da efectividade que observemos no día a día das nosas escolas, sempre atendendo as indicacións dos Protocolos indicados pola Consellería de Educación e de Sanidade.

Nas reunións que teremos a vindeira semana falaremos deles e resolveremos todas as dúbidades que teñades.

Un saudiño e vémonos nas Escolas!!!!

INFORMACIÓN SOBRE O INICIO DE CURSO

 Estimadas familias!!

Como xa saberedes, o vindeiro 10 de setembro dará comezo o curso 2020-2021, un novo curso que sen dúbida será moi atípico, ainda que coa colaboración de tod@s, sen dúbida sairemos victorisoso de esta situación que nos tocou vivir.

Para todo o noso alumnado  o centro abrirá as súas portas o 10 de setembro, agás para os do último curso de infantil, 6º de infantil, que será ao día seguinte, o 11 de Setembro. Para máis información, deixámosvos a ligazón ao Portal Educativo da Xunta, onde explica como será esta incorporación por cursos: https://www.edu.xunta.gal/portal/node/31769

Asemade, presentámosvos o período de adaptación, que afecta ao alumnado de 3 anos que se matriculou por primeira vez no segundo ciclo de Educación infantil. Este perído abrangue dende o 10 ao 30 de setembro e no seguinte cadro podedes ver como se levará a cabo:

Por outra parte e como ben sendo habitual, teremos a xuntanza de inicio de curso, pero este ano será no exterior de cada escola, para deste xeito, poder darvos toda a información de primeira man e poder solventar as posibles dúbidas que xurdan. Estas xuntanzas faranse os seguintes días e no horario que se indica:

Por último, lembrarvos que pola situación que estamos a vivir, só poderá asistir unha persoa por familia, respetando a distancia de seguridade e con máscara de protección. Moitas grazas a tod@s pola vosa comprensión. Agardámosvos!!

Matrícula para o vindeiro curso 2020-2021

O período de matrícula para o alumnado de nova incorporación vai do 1 ao 10 de xullo ámbolos dous inclusive. 

Co fin de facilitar o proceso sen ter que desplazarse ao Centro, poden enviar a documentación escaneada e firmada, ao correo electrónico: cra.boqueixon.vedra@edu.xunta.es poñendo no asunto Matrícula e nome do alumno/a. Asemade, tamén se pode pedir cita previa, tal como se indica no  documento adxunto (Formalización de matrícula) no que tamén se expecifica a documentación necesaria que debe acompañar a matrícula. Por outra parte, tamén adxuntamos o anexo que deberán cumplimentar para facer efectiva a matrícula (AnexoIII) e o cuestionario, para saber a lingua materna do alumno/a. Un saúdo!!

MATERIAL ESCOLAR PARA O VINDEIRO CURSO 2020-2021

Poñemos á vosa disposición os listados de material das diferentes escolas que forman o noso CRA para o vindeiro curso. Atoparedes a información dos diferentes materiais premendo nos arquivos adxuntos da parte baixa de esta publicación. Poñédevos en contacto c@s representantes das escolas da AMPA antes de mercar.

RETOS: SEMANA DO 15 AO 19 DE XUÑO

 Esta é a derradeira semana dos retos que vos levamos propoñendo ao longo de este trimestre. Agardamos que os disfrutárades tanto como nós. Unha aperta enorme e que teñades un feliz verán, no que a saúde e ánimo sexan a mellor das rutinas. Ata pronto!!

       

                               

        

RUKUTRÚ 19/20

 Xa está aquí  a revista Rukutrú 19/20 na que podedes ollar moitos dos traballos que fixemos nas escolas, ó longo do curso, así como outras actividades lúdico-didácticas que realizamos. Para abrila tedes que premer enriba da imaxe e para moverse pola presentación utilizar as frechas ou premer sobre as páxinas co cursor do rato. Se queredes saír, pinchar no X. Esperemos que vos guste!!!!

 

RETOS: SEMANA DO 8 AO 12 DE XUÑO

 

  

                            

        

RETOS: SEMANA DO 1 AO 5 DE XUÑO

 

      

                            

        

INFORMACIÓN IMPORTANTE SOBRE A ADMISIÓN DO ALUMNADO PARA O CURSO 2020-2021

Poñemos en coñecemento das familias que reservaron praza para os seus fillos/as no perríodo de admisión que rematou o pasado 18 de maio no noso centro, que TODO O ALUMNADO ESTÁ ADMITIDO. A formalización de matrícula  será do 1 ao 10 de Xullo. Máis adiante xa nos poñeremos en contacto coas familias interesadas.

Quen esté interesado en ver a listaxe terá que entrar nas aplicación de admisión alumnado con chave 365 ou vir á sede do CRA, para o que terá que pedir cita previa no teléfono:616440471.

RETOS DA SEMANA DO 25 AO 29 DE MAIO

 

        

                                 

        

AXUDAS FONDO LIBROS E MATERIAL ESCOLAR PARA O CURSO 2020-2021

A Consellería de Educación vén de publicar a Convocatoria de axudas para a adquisición de libros de texto, participación no fondo solidario e de axudas para a adquición de material escolar.

En dita publicación, que saíu publicada no Diario Oficial de Galicia o día 19 de maio de 2020, produciuse un ERRO, que aparece na páxina 20658:

O recadro da base impoñible xeral da declaración do imposto sobre a renta das persoas físicas do exercicio 2018, aparece o 432 cando o correcto e que hai que ter en conta é o 435. Farase a corrección no Diario Oficial de Galicia.

Prazo de presentación: do  20 de maio ao 19 de xuño.

Podedes acceder aos seguintes enlaces, nos que atoparedes toda a información necesaria:

SOLICITUDES

FONDOLIBROS

SEDE ELECTRÓNICA

O alumnado que pasa para 1º,2º e 3º e faga entrega presencial da solicitude, deberá levala ao Centro no que continuará os seus estudos o vindeiro curso 2020/2021, sempre que esté xa admitido.De non ser así entregarase no Centro no que está matriculado este ano.

Para calqueira dúbida, poñédevos en contacto coa dirección do centro no teléfono 616440471.

DEBIDO A SITUACIÓN NA QUE NOS ATOPAMOS ESTABLÉCENSE AS SEGUINTES NORMAS:

-RECOMÉNDASE A PRESENTACIÓN TELEMÁTICA DA SOLICITUDE A TRAVÉS DA APLICACIÓN FONDOLIBROS

-SI DE XEITO EXCEPCIONAL FACEDES ENTREGA PRESENCIAL, SOAMENTE DE SE ATENDERÁ CON CITA PREVIA NO TELÉFONO 616440471Á HORA DE ENTREGAR A DOCUMENTACIÓN SOLICITADA, SOAMENTE SE PERMITIRÁ A ENTRADA DUNHA ÚNICA PERSOA NO CENTRO, SALVO CASOS DEBIDAMENTE XUSTIFICADOS.

No documento adxunto tedes a información resumida sobre este proceso.

Dia das Letras Galegas

Día das Letras Galegas

  Hoxe 17 de maio todos celebramos o Día das Letras Galegas. Este ano 2020 adicado a Ricardo Carvalho Calero. Lembramos e lemos a súa obra e abrimos esta fiestra da escola cun anaco dun poema do seu libro "Salterio de Fingoi":

        "Mais cintilas abrollan. Alguén abre a fiestra,
      alguén acende a luz na estancia dos cativos.
       Un despertar, un esfregar os ollos,
      unhas salgadas bágoas, uns beiciños,
      un berrar pola nai. Mais despertos ficamos.
      E recibir podemos a presenza paterna
      que ven a nos dicer: ergue-te e vai á escola.
       Se non adeprendéramos o duro silabário,
     nunca ler poderíamos no libro das estrelas".

    Feliz dia do idioma e  "Por mil primaveras mais!".

RETOS: Semana do 18 ao 22 de Maio

 

             

                                 

        

Período de admisión. Agardámoste!!

Si buscas unha escola na que o trato personalizado e os mellores recursos están ao alcance da túa filla ou fillo, este é o teu centro. Educando en familia en grupos reducidos e nun entorno rural. Como di o noso profe Antonio...Contádeo!!!

Para máis información sobre a documentación da admisión preme na seguinte ligazón:

https://www.edu.xunta.gal/centros/craboqueixonvedra/?q=node/663

 

RETOS: Semana do 11 ao 15 de Maio

 

   

                          

        

PROCESO DE ADMISIÓN E MATRÍCULA

APERTURA DO PROCESO DE ADMISIÓN DE ALUMNADO

TAL E COMO ESTABLECE A RESOLUCIÓN DO 5 DE MAIO DE 2020, DA SECRETARÍA XERAL TÉCNICA DA CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA RESTABLECESE O PRAZO PARA A PRESENTACIÓN DAS SOLICITUDES DE ADMISIÓN.

ESTE PROCESO COMPRENDERÁ DENDE O

11 ATA O 18 DE MAIO, ÁMBOLOS DOUS INCLUSIVES.

A ENTREGA DE SOLICITUDES FARASE NA SEDE DO CRA EN LESTEDO: CENTRO SOCIOCULTURAL CAMILO JOSÉ CELA.

 

DEBIDO A SITUACIÓN NA QUE NOS ATOPAMOS ESTABLÉCENSE AS SEGUINTES NORMAS:

-SOAMENTE SE ATENDERÁ CON CITA PREVIA NO TELÉFONO 616440471.

-RECOMÉNDASE A PRESENTACIÓN TELEMÁTICA DA SOLICITUDE A TRAVÉS DA APLICACIÓN ADMISIÓN ALUMNADO.

-Á HORA DE ENTREGAR A DOCUMENTACIÓN SOLICITADA, SOAMENTE SE PERMITIRÁ A ENTRADA DUNHA ÚNICA PERSOA NO CENTRO, SALVO CASOS DEBIDAMENTE XUSTIFICADOS.

-A CONTINUACIÓN INFORMAMOS DA DOCUMENTACIÓN A ENTREGAR:

-A admisión pódese facer de xeito telemático (con chave 365 ou certificado dixital). Máis información no seguinte: https://www.edu.xunta.es/admisionalumnado/

- Tamén se pode descargar do seguinte enlace:   ANEXOII

- DNI ou Libro de Familia e certificado de escolarización en casos de traslado de centro. (Art. 16). 

- Recordámosvos que as solicitudes teñen que vir correctamente asinadas polos proxenitores

 Formalización da matrícula:  DO 1 AO 10 DE XULLO.

 

 

Semana do 4 ao 8 de Maio

        

                              

        

Semana do 27 Abril ao 1 de Maio

           

                                 

        

Semana 20-24 abril

Esta semana comezamos cos retos o xoves, que é o Día do Libro. A partir da próxima semana xa teredes un reto diario, que poderedes ir facendo cando mellor vos vaia!

Para ver os retos podedes premer na imaxe da semana 1 e levaravos ao enlace dos retos do xoves e venres. Tamén o podedes facer premendo no arquivo adxunto que atopades debaixo da imaxe.

Algúns teñen enlaces a vídeos, si premedes enriba das fotos, levaravos ó enlace correspondente!

Boa semana!

 

Terceiro Trimestre

Queridas familias, nenos e nenas,

dada a situación actual, as mestras e mestres do CRA decidimos organizar en conxunto o que resta de trimestre.

A proposta que vos facemos será a de levar a cabo un RETO diario na casa! Nós encargarémonos de facer as propostas, e vos de desfrutalas en familia!

A través dos retos, aprenderedes xogando, e traballaredes de forma implícita distintas capacidades, habilidades e destrezas que vos axudarán no voso desenvolvemento. Plantexamos os retos en conxunto, pero cada un/unha de vós pode adaptalo ás súas capacidades, con mais ou menos axuda por parte dos adultos, ou complementándoo con calquera outra tarefa que vos suxira o reto.

Encantaranos recibir fotos ou vídeos dos vosos retos para ver como estades levando o confinamento e estar un chisquiño máis en contacto!

Si tedes calquera dúbida ou pregunta, poñédevos en contacto cos mestres e mestras, que vos axudaremos encantad@s!

Podedes seguir complementando ademais o traballo na casa coas propostas que as titorías e especialidades fan en cadanseu apartado da páxina web.

 

Disfrutádeos! J

Unha mensaxe moi especial!!

Xa levamos 3 semanas na casa e todos os nenos e nenas estades a demostrar o moito que valedes. Con este vídeo, vaia o noso recoñecemento para con vós nestes días. Para ver esta mensaxe premede na seguinte imaxe. Unha enorme aperta de todo o claustro do CRA Boqueixón Vedra!!

ABALAR MÓBIL

Ferramenta de comunicación coas familias: abalarMóbil

 

Estimadas familias:

Informámosvos que esta semana publicaremos as cualificacións do noso alumnado na aplicación AbalarMóbil como xa viñamos facendo en todas as avaliacións. Esta aplicación, que xa leva en funcionamento varios anos na Consellería de Educación, ofrece as seguintes funcións:

- Acceso a datos persoais.
- Consulta das cualificacións.
- Consulta e xustificación de ausencias.
- Solicitude de cita de titoría.
- Consulta de datos do centro educativo.
- Consulta de avisos ou notificacións dos profesores ou do centro.
- Consulta de incidencias creadas polo profesorado.

Aplicación:      https://www.edu.xunta.es/espazoAbalar/nova/abalarmobil (Descargala no Play store do móbil / App Store).

Guía de uso:     https://www.edu.xunta.es/espazoAbalar/sites//espazoAbalar/files/guia-mobil-familias-galego.pdf

A aplicación está dispoñible para nais/pais e titores legais de todo o alumnado do CRA.

Se non a descargástedes aínda, seguide estas indicacións:

PASOS A SEGUIR:

- Descargar a aplicación abalarMóbil no número de móbil dun dos responsables da alumna/o que foi facilitado ao centro (Descargala no Play store do móbil / App Store).

- Unha vez descargada abrímola e debemos seguir os pasos que nos indica:

- Introducir o número de móbil.

- Introducir o código de 9 díxitos que nos envían ao móbil por sms.

- Introducir unha clave persoal que sexa fácil de recordar.

- Xa se pode acceder á información.

Se algunha familia tivera dificultades para descargar Abalar Móbil pode poñerse en contacto co CRA :

- Teléfono: 616440471

- Correo electrónico: cra.boqueixon.vedra@edu.xunta.es

Recordámosvos que este medio de comunicación é complementario e que seguiremos utilizando ao mesmo tempo as existentes ata o momento.

Este trimestre o boletín de notas non se mandará impreso debido á situación na que nos atopamos.

Distribuir contido

COVID-19

Iniciar sesión

Revista escolar

Eventos

« Febreiro 2021 »
LunMarMérXovVenSábDom
1234567
891011121314
15161718192021
22232425262728

Pais/Nais

Usuarios conectados

Agora mesmo hai 0 usuarios e 1 invitado conectados.