Secretaría

Segundo o recollido nas Instrucións da Dirección Xeral de Centros e Recursos Humanos sobre o proceso de admisión de alumnado, a consulta por parte das familias das listaxes provisionais e definitivas só se poderá realizar de forma:

a)      PRESENCIAL no taboleiro de anuncios situado no interior do edificio escolar, ou

b)    NON PRESENCIAL única e exclusivamente a través da aplicación admisionalumnado empregando a Chave365 ou certificado dixital da Fábrica Nacional da Moneda e Timbre.

O prazo de reclamacións é de 1 mes contados a partir do seguinte ao da súa publicación ante a Xefatura Territorial de Pontevedra.

As listaxes non se farán públicas a través desta web seguindo o protocolo de protección de datos.

1. Hoxe mércores 12 de xullo, publicouse no taboleiro de anuncios do centro as listaxes provisionais de alumnado admitido do fondo solidario de libros de texto, tanto de primaria como de secundaria. Poderán consultalas en horario de 10:00 a 13:00 no taboleiro de anuncios do centro ou aquelas persoas que o fixesen en liña, poderán consultalas na aplicación do fondo solidario.

2. No caso de que quedase alguén excluído, o período de reclamacións é do 13 ao 14 de xullo, ambos inclusive.

3. Pasado o período de reclamacións, publicaranse o luns 17 de xullo, as listaxes definitivas de primaria e ESO. Poderán consultalas no taboleiro de anuncios do centro, en horario de 10:00 - 13:00 ou en liña se o solicitaron por vía electrónica. Por recomendación do centro non merquen ningún libro ata que saia a listaxe definitiva

4. As persoas beneficiarias dos vales para a compra de material de 1º de EP a 4º da ESO deberán recollelos persoalmente os pais/nais/titores/as ou poderán autorizar a unha terceira persoa. Ditos vales estarán dispoñibles dende o martes 18 ata o venres 21 de xullo. No caso de que non poidan recollelos nesas datas poderán facelo a partir do 1 de setembro.

Siga as instruccións que se dan na seguinte táboa para facer efectiva a matriculación.

NOTA: Se non pode imprimir os documentos pode recollelos na administración do centro.

* Se non ve correctamente esta táboa pode consultar os datos no documento adxunto "horario_matricula"

Convocadas as becas e axudas para o alumnado con necesidades específicas de apoio educativo (neae) para o curso 2023 - 2024.

 Poden solicitarse do 8 de maio ao 20 de setembro do 2023.

Todo o proceso de solicitude da bolsa farase a través da sede electrónica do Ministerio de Educación e Formación Profesional.

NOVIDADE_ Subsidio para Gastos Adicionais de Carácter Xeral: para todos os solicitantes que acrediten necesidade específica de apoio educativo (neae), segundo os requisitos establecidos na convocatoria, de 400 €.

Achégase unha circular desde a dirección do centro que contén información de interese para o proceso de renovación dos representantes (nais/pais) do Consello Escolar. No documento adxunto pódese visualizar a temporalización do proceso e os puntos destacables do mesmo.