Skip to Content

Avisos

Curso 2024 - 2025

O mércores 11  de setembro iniciamos o curso 2024 - 2025 comenzando as clases no horario de sempre, que ten establecido o centro.

 horario do centro

 

No caso de secundaria, o alumnado fará o horario completo. Ás 9:05h terán a presentación co profesorado titor e dende as 9:55h ata as 14:45h, as demais clases. Para o primeiro día, terán que levar o material necesario para facer as anotacións que lles indique o profesorado.

 

As entradas e saídas do centro, para o alumnado das tres etapas, faranse polos mesmos portais que o ano anterior.

 

1. Infantil. Portal 1. Entrada de administración.

2. Primaria. Portal 3. Entrada Pino Manso.

3. ESO. Portal 2. Entrada preto da aula de Música

 

Para visualizar o plano de portais e portas de acceso, ver o documento adxunto. 

 

  Dámoslle a todas e todos unha afectuosa benvida.

Admisión Formación Profesional para o curso 2024 -2025

información fp

 

INFORMACIÓN IMPORTANTE

ADMISIÓN FORMACIÓN PROFESIONAL

 

Se tes dúbidas, consulta no Departamento de Orientación ou 

en edu.xunta.gal/fp.

As solicitudes faranse de xeito telemático.

Formación en xestión emocional para familias

cartel da formación de xestión emocional para familias

Para máis información, descarga o arquivo adxunto.

Axudas para o alumnado con NEAE

Aberto o prazo de solicitude de axudas para o alumnado con necesidades específicas de apoio educativo (NEAE) para o próximo curso 2024-2025.

becas neae

Como solicitala? A través de internet premendo aquí

 

Que prazo teño? Desde o 30 de abril ata o 13 de setembro.

 

Se tes algunha dúbida, podes consultar co departamento de orientación do centro.

Certame Intercentros - XXVI Edición

Un ano máis, celébrase o Certame Intercentros, que reúne aos centros educativos de Pontecesures, Valga e Catoira, para conmemorar o Día das Letras Galegas. Nesta ocasión encárgase da organización do mesmo a ANPA do CPI de Pontecesures.

Deixámosvos o enlace á nova recollida no Blog do Equipo de Dinamización da Lingua Galega "O trasno paroleiro".

Certame Intercentros

Vacacións de Semana Santa

O centro permanecerá pechado nas vacacións de Semana Santa. Recordade que voltamos ás aulas o vindeiro martes 2 de abril.

Felices festas de Pascua e bo descanso!

ovos de pascua

Convocatoria Becas MEC para o curso 2024 - 2025

becas mec 2024 - 2025

Beneficiarios: alumnado que para o vindeiro curso cursen ensinanzas de Bacherelato, Formación Profesional Básica e Formación Profesional.

Prazo de presentación de solicitudes: 19 de marzo ás 09:00 h. ata o 10 de maio ás 15:00 h.

Formas de presentación: electrónica.

Para máis información sobre a convocatoria pica aquí.

Escola de Nais e Pais

Cartel da Charla infomativa da Escola de Nais e PaisDentro das actividades propostas para a Escola de Nais e Pais organizouse, para o vindeiro luns 18 de marzo ás 20:00 h, unha charla formativa para familias que abordará a problemática do uso tecnolóxico. Nesta abordaranse temáticas de especial interese como son os diferentes riscos na rede; as medidas de prevención que, como responsables de menores, se poden tomar; as idades recomendadas así como os tempos; e o establecemento de normas de uso.

Esta charla terá lugar no Concello de Pontecesures.

 

Pode consultar máis información nos ficheiros adxuntos, onde atopará tanto o cartel da actividade como unha nota informativa.

Xornada de Portas Abertas

O CPI de Pontecesures levará a cabo a Xornada de Portas Abertas

cartel das xornadas de portas abertas

 

As familias que vaian matricular aos seus fillos en 3 anos de Educación Infantil, poden vir coñecer o noso centro, o equipo docente e a nosa forma de traballar co alumnado.

 

Descanso de Entroido

Despois de atender ás comandas do Meco, de ensaios, de nervios e de facer unha magnífica posta en escena é hora dun merecido descanso.

Nestes días toca recuperar forzas para afrontar o final de trimestre da mellor maneira posible.

Coidádevos moito e vémonos no cole o vindeiro xoves 15 de febreiro.

Bo entroido!

adornos de entroido

 

Distribuir contido


by Dr. Radut