En cumprimento da Resolución do 25 de setembro de 2018 (DOG nº 189, do 08 de outubro), da Dirección Xeral de Centros e Recursos Humanos e da Dirección Xeral de Educación, Formación Profesional e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos, e aplicando o disposto no Decreto 92/1988, do 28 de abril (DOG do 29 de abril), modificado polo Decreto 279/1990, do 27 de abril (DOG do 17 de maio), e os decretos 324/1996, do 26 de xullo, 374/1996, do 17 de outubro, e 7/1999, do 7 de xaneiro, que establecen as condicións de celebración das eleccións dos membros dos consellos escolares nos centros docentes, por corresponder no curso 2018-2019 a renovación dos consellos escolares, comézase o proceso regulamentario.
A partir do martes 6 de novembro estarán publicados no taboleiro do Centro os censos electorais dos distintos sectores.
O prazo para a presentación de candidaturas comeza o martes 6 e remata o 13 de novembro.
A Xunta Electoral, na reunión do 14 de novembro, resolveu proclamar candidatos ás persoas que figuran no documento adxunto.
As votacións celebraranse de acordo co calendario aprobado pola Xunta Electoral.
Animamos a todos os sectores da comunidade educativa a que participen.