Estimadas familias:
A Consellería enviou na tarde do venres pasado unhas recomendacións provisionais para o funcionamento do terceiro trimestre, pero as instrucións definitivas non sairán ata que o Ministerio de Educación envíe as instrucións sobre as cuestións que son da súa competencia.
Nestas recomendacións establécense unha serie de pautas para os centros que xa estamos pondo en marcha, á espera das instrucións definitivas. Os titores e titoras dos vosos fillos e fillas poranse en contacto con vos para informarvos de maneira máis precisa.
No cole sabemos que as situacións familiares son moi diversas, en canto a saúde, en canto a medios informáticos, en canto a conexión a internet, en canto ó manexo das ferramentas informáticas,...
Quero transmitirvos tranquilidade, o importante é que os nenos e nenas manteñan unha rutina de traballo que lles axude na volta ás clases, pero sen estrés nin agobios, mantendo o contacto co que é a vida escolar, pero sen que se converta nun suplicio para todos. O profesorado está traballando para levar adiante esta situación, que tamén é nova para nos e que nos pillou a todos de sorpresa. Estamos pondo todos os medios e tempo ó noso alcance, conscientes de que nos toca por todo da nosa parte para atender ós nenos e nenas, que son o que realmente importa.
Con todo isto e para axudarvos, o centro pon en marcha os seguintes servizos:
1. SERVIZO DE IMPRESIÓN DE TAREFAS, en colaboración co Concello. Aquelas familias interesadas en que se vos impriman tarefas dos vosos fillos/as debedes enviar un correo electrónico ó cole indicando o nome e curso dos vosos fillos e que tarefas necesitades imprimir. O centro fará a impresión e o reparto levarao a cabo persoal do Concello.
CORREO PARA SOLICITAR AS FOTOCOPIAS: cpi.curros.enriquez.pazos@edu.xunta.gal
2. SERVIZO DE PRÉSTAMO DE MATERIAL INFORMÁTICO: O centro está prestando ás familias ordenadores portátiles. Os recursos son limitados pero estamos intentando atender a todas as familias que o precisan.
•A Consellería enviou tres ordenadores portátiles con conexión a internet.
•O centro está prestando para as casas os ordenadores portátiles ós grupos Edixgal (5º e 6º de Primaria) e Abalar (1º e 2º de ESO) nos casos nos que lles fan falta.
•Solicitamos máis portátiles con conexión á Consellería, aínda non sabemos se nolos poden enviar (as necesidades son moitas en toda Galicia).
•Estamos intentando conseguir algún medio de conexión a internet para os nenos que non teñen conexión nas súas casas. Non podemos garantir que o vaiamos a conseguir pero estamos traballando nesta posibilidade.
Para repartir este material contamos coa colaboración da Garda Civil do Posto de Fornelos de Montes, que se ofreceron para facilitarnos ó cole e ás familias non ter que expoñer a saúde desprazándonos para levar ou vir buscar os equipos.
3. SERVIZO DE PRÉSTAMO DE LIBROS DA BIBLIOTECA: Sabemos que os nenos e nenas xa leron todos os libros que tedes na casa. Ademais, traballar a comprensión lectora é unha das cuestións máis importantes que poden facer para aproveitar o tempo, aprender e estar entretidos.
Aquelas familias que esteades interesadas en que se vos presten libros da biblioteca do centro debedes enviar un correo indicando o nome e curso dos vosos fillos. Este servizo de préstamo farase cada 15 días e cando o solicitedes xa vos indicaremos como se vos van a entregar.
4. ENTREGA DE MATERIAL ESCOLAR: No caso de que os vosos fillos deixaran no centro material coma libros, cadernos, etc, contactade co centro, a través de correo electrónico ou do teléfono do cole para ver como podemos facervos entrega.
Se algunha familia precisa con urxencia folios ou outro tipo de material escolar básico podedes contactar co centro tamén. Neste caso conto co voso sentido común para facer uso deste servizo só se realmente vos vai falta.
Grazas por colaborar con nos, moito ánimo e unha aperta.
A Dirección
