ESTIMADAS FAMILIAS
Ante todo queremos transmitirvos o noso ánimo nestes momentos difíciles para todos e todas.
O primeiro que vos solicitamos é algo de tranquilidade e actuacións con sentido común ante esta situación. Debemos ter como prioridade o cumprimento do Estado de Alarma e a seguridade sanitaria de todos e todas.
QUEDAR NA CASA é nestes momentos unha obriga como sociedade.
As familias estades a recibir información e tarefas para os vosos fillos e fillas, empregando distintas canles (correos electrónicos de traballo, plataforma EVA EDIXGAL, Google Suite, web do centro, blogs das materias, etc.). Para a súa correción ou para resolver calquera dúbida podedes contactar co profesorado a través das canles que xa vos teñan comunicado.
É conveniente que as nenas e nenos teñan unha rutina de traballo diario. Pero tamén vos queremos transmitir tranquilidade, cada un dos vosos fillos e fillas ten un ritmo de traballo distinto. Non se trata de facer todas as tarefas nun mesmo día. Pero tampouco de desentenderse de todo. A rutina de traballo faralles a volta ás clases un pouco máis levadeira.
Todo o profesorado estamos traballando para coordinar e desenvolver toda esta estructura de ensino e aprendizaxe a distancia. É moi importante que toda a comunidade educativa actuemos dun xeito coordinado e que contedes coa nosa axuda e asesoramento para facervos máis fácil como pais e nais a vosa tarefa diaria cos nenos e nenas.
Ademáis do sistema que vos teña comunicado cada profesor ou profesora, tedes á vosa disposición os seguintes medios de contacto co centro:
Teléfono: 886110501 ou 684012258
Correo electrónico: cpi.curros.enriquez.pazos@edu.xunta.gal
Agradecemos a vosa colaboración e gardamos poder vernos pronto.
O Profesorado do CPI Curros Enriquez
