MENÚ SEMANA DO 3 Ó 7 DE MAIO DE 2021

 

MENÚ SEMANA 26 Ó 30 DE ABRIL

MENÚ SEMANA 19 Ó 23 ABRIL

Z-Millennials. Capítulo 2: As redes sociais

 

Ola a todas e a todos, hoxe compartimos con vós o segundo capítulo de Z-Millennials: As redes sociais. Espero que o disfrutedes tanto como nós facelo! Subscribédevos á canle e deixade algún comentario! Grazas!

Cribado COVID-19 ao alumnado de Secundaria nas farmacias

Estimadas familias:

A Consellería de Sanidade vai levar a cabo un programa para a detección de COVID-19 con mostra de saliva entre o alumnado de ESO (de 12 a 17 anos) coa colaboración das farmacias da provincia de Pontevedra.

Para participar podedes acudir xa a calquera farmacia e alí xa vos explicarán con detalle o procedemento.

A proba é moi sinxela, xa que require unha simple mostra de saliva auto recollida no domicilio do alumno. 

Non é necesario que o menor acuda á farmacia, senón que pode ir unicamente un dos seus pais ou o titor legal levando a tarxeta sanitaria do menor, e asinar alí o consentimento informado.

O farmacéutico solicitaralle un número de teléfono de contacto e facilitaralle as indicacións para realizar a recollida na súa casa de 1ml de saliva ao levantarse en xaxún, sen beber auga e sen lavarse os dentes.

Unha vez recollida a mostra de saliva, entregarase o tubo coa mostra na farmacia que o facilitou canto antes e sempre antes das 10:30h dese mesmo día no que se recolla a mostra de saliva.

Unha vez analizada a mostra, o SERGAS  comunicaravos o resultado través do teléfono móbil que se indicou no consentimento informado. En caso de obter un resultado positivo indicaranvos o procedemento a seguir para realizar unha proba PCR.

Para participar neste cribado o menor non debe ter síntomas compatibles coa infección por COVID-19. No caso de que presente síntomas, o farmacéutico derivarao ao seu centro de saúde para que lle soliciten unha PCR.

O éxito deste cribado depende da participación masiva dos vosos fillos e fillas.

Moitas grazas pola vosa colaboración.

 

A Dirección  

8M-Mulleres traballadoras de Pazos de Borbén

 

Curtametraxe realizada polo alumnado de Código Diverse para celebrar o Día da Muller.

Desde o CPI Curros Enríquez desexámosvos un feliz día!

SOLICITUDE DE ADMISIÓN PARA O CURSO 21-22


PRAZO PARA A SOLICITUDE DE ADMISIÓN
: Dende o 1 ao 22 de marzo.

As solicitudes de admisión poderán presentarse  tanto de xeito telemático na aplicación ‘AdmisionAlumnado’ (https://www.edu.xunta.es/admisionalumnado) como de xeito presencial nos centros escolares que se elixan como primeira opción.

DOCUMENTACIÓN NECESARIA: 

- Anexo II

- DNI ou libro de familia do/a alumno/a

- Certificado de convivencia da unidade familiar.

- Sentencia de divorcio /separación, de ser o caso.

- Certificado de matrícula, no caso de proceder doutro centro educativo.

A publicación das listas provisionais de persoas admitidas e non admitidas publicaránse antes do 25 de abril, e as definitivas antes do 15 de maio. Posteriormente abrirase o prazo de fomalización de matrícula, que será do 20 ao 30 de xuño para alumnado de Infantil e Primaria, e do 25 de xuño ao 10 de xullo para o de ESO . Estes últimos contarán, ademais, cun prazo extraordinario de matrícula entre o 1 e o 10 de setembro.

 

Z-Millennials: boa e mala cultura.

                                                                      

Ola a todas e todos, alégranos moito compartir con vós o inicio dun novo proxecto: O podcast do CPI Curros Enríquez, Z-Millennials.

RECOLLIDA DE MÁSCARAS

Estimadas familias:

Xa temos no centro as máscaras para todo o alumnado que é beneficiario desta axuda. Para evitar aglomeracións, temos establecido un horario  no que as familias poderán recoller as máscaras:

- Venres 26 de febreiro, de 9:35 a 11:00 h: familias de alumnos/as de 1º, 2º e 3º de primaria.

- Luns 1 de marzo, de 9:35 a 11:00 h: familias de alumnos/as de 4º, 5º e 6º de primaria.

- Martes 2 de marzo, de 9:35 a 11:00 h: familias de alumnos/as de ESO.

Un saúdo.

ENTROIDO E COVID

Estimadas familias:

Como sabedes, a incidencia do COVID 19 no concello de Pazos de Borbén está en niveles moi altos. Xa están aquí as festas do Entroido e dende o centro queremos lembrarvos a importancia de seguir as recomendacións sanitarias e de limitar o contacto social ó imprescindible. É responsabilidade de todos cumprir coas medidas de seguridade para poder frear a transmisión do virus. Os vosos fillos e fillas voltarán ó cole o xoves 18 e debemos contribuir todos a que poidan vir a clase con normalidade.

Coma sempre, agradecémovos a vosa colaboración.

Un saúdo e moito ánimo.

 

O Claustro do CPI Curros Enriquez 

 

Distribuir contido