Os nenos e nenas de 2ºA estudamos o universo e todos os seus elementos. Con todo o que aprendemos, decidimos construir un planetario para a nosa aula. Reutilizamos cartón para facer os planetas, a lúa e o sol; buscamos información e curiosidades sobre cada un deles e...asi nos quedou!!!

O alumnado en pequeno grupo, organizouse e elaboraron  un vídeo educativo para os seus compañeiros. Tiveron que buscar, resumir, estruturar, organizar... información para poder conseguir un resultado que agradase a todos.

Os alumnos e alumnas de 5ºA de Educación Primaria realizaron cadansúas maquetas das células eucariotas animais e vexetais e expuxeron o seu traballo na Biblioteca. Convidaron aos rapaces e rapazas de cuarto de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca que falan sobre as células.

Podes ver as imaxes da exposición aquí.

Os alumnos e alumnas de 5ºA de Educación Primaria realizaron cadansúas maquetas do Sistema Solar e expuxeron o seu traballo na Biblioteca. Convidaron aos rapaces e rapazas de primeiro e segundo de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca sobre astronomía. Os pequenos estiveron moi atentos ás explicacións, preguntaron moitas dúbidas e disfrutaron moito da actividade.

Podes ver as imaxes da exposición aquí.

Aproveitando que o día da Terra é o 5 de xuño o alumnado de 6º recibiu unha charla sobre economía circular; aprendendo o que significa ese termo e a importancia de realizar un consumo responsable.

O 8 de marzo o alumnado de 6º curso realizou un mural colaborativo para celebrar o día da Muller.

Aproveitamos o Entroido para facer unha obra de teatro con tod@as as personaxes das que nos disfrazamos. Cada un tiña adquirida unha responsabilidade para que todo funcionase. 

Día de convivencia en Naturmaz onde todo o alumnado participou nas distintas actividades ofertadas. Realizaron actividades como: tiro con arco, escalada, busca do tesouro... 

Para poder realizar algunha das actividades era necesario o traballo en equipo, para así conseguir o obxectivo marcado.