Skip to Content

Educación Infantil

MENÚ DO DEPARTAMENTO

PROGRAMACIÓN CURSO 19-20 MEMORIA CURSO ACTUAL 19-20
.

.

PRESENTACIÓNS PROFESORADO

MARZO, MARZOLO, TREBÓN E RAIOLO. COMEZA A COLLEITA.

Neste último mes os brócolis e os repolos medraron moito,  a

primeiros xa tiñamos a flor.

                 

A finais de marzo chegou o momento da colleita e da cociña.

Desde logo, temos unhas cociñeiras que son unhas artistas, así da gusto comer as verduras!

   

A HORTA EN FEBREIRO

Estamos a mediados de febreiro, xa pasaron dous meses e medio desde que plantamos. Durante estes meses, por quendas, vimos ao invernadoiro a ver as nosas verduras, airear, regar e sacar as malas herbas. Moitos días non puidemos vir porque co que está chovendo hai días que é imposible saír da escola, pero aínda así todo vai sobre rodas.

 

Os brócolis medran fachendosos, cun talo alto e forte.

 

As plantas dos chícharos xa piden un apoio para comezar a trepar.

 

E os repolos non hai máis que mirar para eles, da gusto velos.

 

A HORTA EN XANEIRO.

Algo que nos preocupaba era o mantemento da horta durante as vacacións de Nadal, pois a escola estaría pechada. Por sorte, temos a Juan, un home con recursos, que nos instalou un rego automático que daría de beber as nosas plantiñas.

Á volta das vacacións constatamos que todo estaba no seu sitio, incluso descubrimos a algún visitante como esta lombriga de terra e algunha que outra babosa que xa andaba comendo nas plantas.

Tamén nos chamaron a atención unhas manchas brancas con peliños negros que había nas follas dos repolos que estaba en contacto coa terra, algún xa tiña visto algo parecido nalgún alimento en mal estado. Tiña toda a pinta de ser algún fungo que saía polo exceso de humidade da terra.

Discurrendo e preguntando atopamos varias solucións.

  • 1.    Para o exceso de humidade. Como o repolo ten un talo curto e está moi pegado á terra o regaremos levantando as follas e procurando mollar a terra e non a planta. Se iso non chega pódese protexer da terra con un cartón, tipo o dos cereais.
  • 2.    Para as babosas. Ao redor das plantas podemos poñer cinzas ou sal mariña. En principio preferimos cinzas porque o sal seguramente ademais de afastar os bichos os mataría.

A mediados de xaneiro a horta xa nos está dando alegrías. Cos constantes coidados nin a humidade nin os bichos comeron as plantas. Os chícharos xa brotaron e medran con forza.

Os brócolis e os repolos tamén están contentos cos nosos coidados.

Sacar as malas herbas, remover e airear a terra da cama quente e regar a colleita son agora parte das nosas tarefas escolares.

E por suposto, ao rematar o traballo hai que recoller!

POR QUE UNHA HORTA ESCOLAR?

POR QUE UNHA HORTA ESCOLAR?

A horta escolar é un recurso educativo no que prevalecen os criterios pedagóxicos sobre os agrícolas. Non é soamente unha parcela na que cultivamos tomates e leitugas, senón un espazo dentro do Centro no cal abordarmos unha serie de contidos encamiñados a desenvolver as capacidades dos nosos nenos e nenas.

Nela podemos traballar a lateralidade, a orientación espazo- temporal, a motricidade fina, a exploración cos sentidos, podemos facernos preguntas e desenvolver estratexias de investigación, realizar observacións de seres vivos, interrelacionar conceptos de diversas áreas...

E ademais de todo isto, podemos prolongar o traballo na aula elaborando calendarios, investigando en internet ou na biblioteca e transformando os froitos obtidos en deliciosos pratos de cociña.

Nestas actividades desenvolvemos a socialización e o traballo en equipo, secuencializando e respectando as quendas naturais, favorecemos a valoración do propio esforzo e a súa relación co aprecio aos produtos conseguidos, a importancia da constancia e a orde, etc.

Traballando con elementos tan primarios e vitais como a comida, a auga, a terra e o sol, o horto escolar proporciónanos o soporte idóneo para que se materialice o espírito creador do neno e a nena de forma tanxible.

POR QUE ECOLÓXICA?

Ter unha horta ecolóxica é unha opción e nós a escollemos porque vimos moitas máis vantaxes que inconvenientes. É o único xeito de ser consecuentes se queremos inculcar hábitos de alimentación saudable e equilibrados e o respecto e coidado da natureza.

Porque a agricultura ecolóxica axuda a manter a biodiversidade ao non danar a outras especies vexetais e animais e favorece o bo sabor dos alimentos e a súa calidade nutricional.

Porque axuda a manter libre de produtos químicos a auga, o subsolo e os acuíferos.

Porque ademais axuda a reducir a contaminación xa que na súa produción se require menos enerxía (gástase menos enerxía en ir ao campo a coller esterco de animais que no proceso de elaboración, envasado e transporte de fertilizantes e insecticidas industriais).

Parte desta información esta sacada da páxina www.ecoagricultor.com

COMEZAMOS A PLANTAR

No mes de decembro xa estabamos listos para empezar a plantar, o único problema era a nosa falta de coñecementos e experiencia polo que este era o momento perfecto para pedir axuda ás familias e comezar a traballar xuntos.

Na reunións de principio de curso xa falamos sobre os plans para este curso e contábamos con moitas familias animadas a participar.

Neste caso chamamos a Paula, Uxía e Álex e grazas a eles o proxecto despegou.

O primeiro foi estruturar a horta, pensar en que espazos plantamos primeiro, ver cales tiñan máis luz, cales máis sombra e cales eran os cultivos máis apropiados para esa época do ano, o inverno.

 

O primeiro que plantamos foron os chícharos. Chamounos a atención que os chícharos que empregamos eran vermellos e non verdes. Uxía nos explicou que era porque tiñan un produto que axuda a conservar as sementes. Para que medraran fortes botámoslles caquiñas de coello.

Despois plantamos o brócolis e os repolos. Estes xa viñan algo medrados, aínda así era difícil diferencialos.

 

Na parte máis escura sementamos unhas leitugas. Nos contaron que era unhas leitugas de follas coloradas, e que nesta época do ano tampouco era seguro que nacesen, aínda así decidimos probar a ver que pasaba.

 

Nas partes onde non plantamos fixemos a cama quente, que é un espazo que abonamos con esterco de burro e que de vez en cando podíamos sachar para axudar a misturala.

Ao rematar o día a nosa horta xa tiña moito mellor aspecto, todo o traballo mereceu a pena.

O INVERNADOIRO

ALÁ POLO MES DE OUTUBRO ACHEGÁMONOS AO INVERNADOIRO A VER QUE ERA O QUE HABÍA ALÍ DENTRO...

 

E NON O PENSAMOS DÚAS VECES, MANS Á OBRA!

OUTUBRO E NOVEMBRO FORON DOUS MESES ADICADOS A PREPARAR O INVERNADOIRO.

METEMOS PARTE DAS FOLLAS SECAS NOS COMPOSTOIROS DEIXANDO AS QUE XA ESTABAN EN PROCESO DE DESCOMPOSICIÓN.

SACAMOS AS PEDRAS E PLÁSTICOS QUE ATOPAMOS.

SACHAMOS A TERRA PARA AIREALA E MISTURALA COAS FOLLAS.

CO DURO TRABALLO DOS NENOS E NENAS DE INFANTIL E COS CONSELLOS E AXUDA DE JUAN O CONSERXE, NO MES DE DECEMBRO O INVERNADOIRO XA ESTABA EN CONDICIÓNS PARA PODER EMPEZAR COA NOSA HORTA.

PROPÓSITOS PARA O 2014

Este ano, en infantil, tiñamos varios propósitos. Os tres máis importantes eran:

  • *     Abrir a escola ás familias favorecendo a súa participación en experiencias levadas a cabo en horario lectivo.

  • *     Aproveitar un recurso tan rico para a escola como é o invernadoiro.

  • *     Tendo constancia das melloras que supón a nivel de aprendizaxes, convivencia e adquisición de valores, formarnos no Aprendizaxe Cooperativo para poder implantalo como práctica habitual nos procesos de ensino-aprendizaxe na nosa escola.

Todo cambio que se quere facer na escola require un tempo para axustarse ao novo, vencer as inseguridades e, a base de erros e acertos, ir mellorando.

Como veredes pasiño a pasiño imos alcanzando as metas.

2013/2014_GUSTAV KLIMT

NO PRIMEIRO TRIMESTRE, DESPOIS DE COMEZAR OS PROXECTOS SOBRE OS ANIMAIS DAS NOSAS AULAS, COMEZAMOS A INVESTIGAR A VIDA E OBRA DE GUSTAV KLIMT.

FOI ASÍ COMO DESCUBRIMOS MOITAS COUSAS. POR EXEMPLO QUE FOI UN GRAN PINTOR, QUE AS SÚAS OBRAS ESTÁN CHEAS CORES DOURADAS, QUE LLE ENCANTABAN OS GATOS E TRABALLAR VESTIDO CON UNHA TÚNICA E SANDALIAS.

OBSERVAMOS CON ATENCIÓN ALGUNHAS DAS SÚAS OBRAS MÁIS IMPORTANTES, AS REPRESENTAMOS...

E FIXEMOS AS NOSAS PROPIAS ÁRBORES DA VIDA.

LISTAS DE EDUCACIÓN INFANTIL. CURSO 2013/14.

LISTAXES DE EDUCACIÓN INFANTIL. CURSO 2013/14

Distribuir contido


by Dr. Radut