CIFP Porta da Auga

O alumnado dos primeiros cursos dos ciclos Básico de Servizos Administrativos, Medio de Xestión Administrativa e Superior de Administración e Finanzas desprazouse a Santiago de Compostela para visitar o Parlamento de Galicia.

Durante esta actividade recibiron unha amena explicación sobre o funcionamento da Cámara, e puideron coñecer todos os espazos relevantes da súa sede, así como a súa moi importante colección contemporánea de obras de obras de artistas galegos.

Á tarde visitaron o Museo do Pobo Galego, o principal continente da nosa historia sobre os oficios, habitat, festas e xeitos de vida do noso pobo.

Tamén houbo tempo pasa un paseo polos principais lugares da nosa capital, gozando do seu animado ambiente.

Presentamos ás premiadas no concurso "Dalle outra vida":

1º PREMIO “AJEDREZ DE CORCHO”, materiais reutilizados: cartón, papel de periódico, tapóns de corcho. Presentado por Marta Alonso de 1ºC.S. de Administración e Finanzas.

2º PREMIO “ORGANIZADOR DE LÁPICES, BROCHAS”…materiais reutilizados:    botellas de plástico, corda. Presentado por Carmen Barrera de 1º C.M. de Administrativo.

         3º PREMIO “ PAPELEIRA”, materiais reutilizados: neumáticos.

Presentado por Nerea Freije de 1º C.M. de Administrativo

PARABÉNS A TODAS!

O luns 10 de febreiro, o alumnado de 2º curso de Ciclo Medio de Xestión Administrativa e de 2º de Ciclo Superior de Administración e Finanzas realizou a programada actividade complementaria á formación (ACF) Visita aos Xulgados do Social de Lugo.

En concreto puideron asistir a varios xuízos laborais. Un dos mesmos resultou de especial interese dada a importancia do tema, un despedimento improcedente, e a riqueza procesal da vista presenciada, na que, aparte da pertinente documentación presentada polas partes, se viron gravacións de vídeo e compareceron testemuñas, tanto por parte do traballador como da empresa, e dun perito experto no asunto en litixio.

A actividade foi sumamente positiva, dado que se puideron ver claros exemplos prácticos de contidos estudados nas clases de Recursos Humanos, nomeadamente os relativos a contratación laboral e a causas de despedimento disciplinario.

Agardamos agora con impaciencia a coñecer as respectivas sentenzas, que serán obxecto de análise e comentario en clase.

A mañá completouse cun paseo pola zona centro da cidade amurallada, despois do cal se iniciou o regreso ao noso centro.

O día 20 de decembro de 2.016 un grupo de alumnos de 2º de Administración e Finanzas do C.I.F.P. “PORTA DA AUGA” de Ribadeo, acompañados por dous profesores, acudiron a Lugo ás seguintes actividades:

Pola mañá asistiron nos Xulgados do Social a presenciar xuízos sobre cuestións de índole laboral (despedimentos, reclamación de cantidades, etc.). A xuíza, de xeito moi amable, entre xuízo e xuízo, deu unha breve explicación xurídica sobre as cuestións que se acababan de ver, explicacións que, tanto alumnos como profesores agradecemos, pois axudaban a entender o que alí se acababa de dirimir. Esta actividade foi organizada polo profesor de Recursos Humanos, Anxo Martínez Pérez.

                Pola tarde a visita foi ó Rexistro Mercantil onde os alumnos recibiron unha breve charla sobre os seguintes temas: legalización de libros contables, depósito de contas anuais e inscrición das sociedades no Rexistro Mercantil, temas todos eles referidos a trámites de natureza contable que hai que realizar no Rexistro Mercantil. Esta actividade foi organizada polo profesor de Contabilidade e Fiscalidade Xosé María Martínez Fernández.

VISITA AO PARLAMENTO DE GALICIA E AO MUSEO DO POBO GALEGO

Alumnos/as de 1º de Ciclo Medio de Xestión Administrativa e de 1º de Ciclo Superior de Administración e Finanzas acudiron a Compostela o pasado martes 12 de febreiro, para visitar o Parlamento de Galicia e o Museo do Pobo Galego.

Durante a visita matutina ao Parlamento puideron coñecer as distintas dependencias do edificio (salóns, salas de grupos, biblioteca, ...), así como parte da súa importante colección de obras de arte. Recibiron unha explicación sobre a historia deste edificio nobre, e sobre a importante actuación nel realizada para adecualo ás súas funcións como edificio parlamentario. Non faltou, como é lóxico, a asistencia ao Salón de Plenos, onde presenciaron un debate do pleno da cámara.

A primeira hora da tarde visitaron o Museo do Pobo Galego. Nel recóllese a historia recente do noso país no que ten a ver cos oficios, vivenda, hábitat, costumes, ..., importante de cara a coñecer a nosa realidade actual. Non faltou tampouco a subida polas distintas aspas da súa escaleira helicoidal, un prodixio arquitectónico deste edificio nobre en Santo Domingos de Bonaval.

A valoración das visitas resultou moi positiva, sendo do agrado de todas as persoas participantes. Esta actividade complementaria foi programada en relación cos módulos Empresa e Administración do CMXA e Xestión da Documentación Xurídica e Empresarial do CSAF.

VISITA AOS XULGADOS AOS XULGADOS DO SOCIAL DO ALUMNADO DE ADMINISTRACIÓN

As alumnas e alumnos de 2º curso de Ciclo Medio de Xestión Administrativa e de Ciclo Superior de Administración e Finanzas visitaron o luns 17 de decembro os Xulgados do Social de Lugo. Asistiron ás vistas de varios xuízos sobre despedimentos, reclamacións de cantidade, modificacións substanciais das condicións laborais e encadeamento de contratos temporais.

Alumnado e profesorado consideraron moi satisfactoria a actividade, xa que lles permitiu constatar como se aplican no mundo laboral os dereitos e deberes relacionados con distintos aspectos da vida laboral estudados en clase.

As persoas participantes desexan agradecer a todas as persoas intervenientes nos xuízos a súa colaboración para o bon aproveitamento da actividade, e, en especial, á Sra. Xuíza titular do Xulgado nº 3 as súas explicacións.

VISITA A PULL & BEAR

 O 19 de outubro os grupos de 2º do C.S. de ADMINISTRACIÓN E FINANZAS e 2º CICLO MEDIO DE XESTIÓN ADMINISTRATIVA do CIFP PORTA DA AUGA de RIBADEO visitou o CENTRO LOXÍSTICO DE PULL&BEAR, sito en Narón-Ferrol,   que pertence ó grupo INDITEX, que opera nos 5 continentes, co fin de ver o seu proceso loxístico de distribución  e deseño para afianzar os coñecementos adquiridos nas  aulas.

Dende esta páxina dar as grazas ó persoal da empresa que nos explicou e mostrou amablemente as suas instalación.

VISITA A FÁBRICA DE SARGADELOS

O Pasado 9 de outubro os grupos de 2º  C.S. de ADMINISTRACIÓN E FINANZAS e 2º C.M. de XESTIÓN ADMINISTRATIVA do CIFP PORTA DA AUGA de Ribadeo-Lugo VISITOU A FÁBRICA DE SARGADELOS  co fin de coñecer o seu sistema de producción en planta circular e comprobar que son fieles o seu eslogan que é a marca da casa: DESEÑO, CULTURA, HISTORIA E CALIDADE. Dar as grazas polo seuacollemento os/as traballadores/as de esta “pequeña gran industria”.

Visita do alumnado da Familia de Administrativo a INDITEX (ARTEIXO)

Visitáronse, o 15 de decembro,as instalacións de INDITEX en Arteixo na Coruña, uns dos maiores grupos de distribución de moda no mundo con máis de 6.460 tendas en 88 países.

O alumnado puido ver as áreas de diseño, fabricación e loxística

O alumnado da rama de Administrativo fixo o pasado día 11 de novembro unha visita a ENCE-Navia, máis coñecida como a “Papelera” para ver o proceso da obtención da pasta de papel  e a loxística empresarial  levada a cabo por esta  gran empresa da man de José Fernández Vega.

Dende aquí dar as grazas por a sua xentileza e atendernos con tanta amabilidade.

O alumnado das familias profesionais de Administración e Xestión, Automoción e Electricidade asistiron ,o día 9 de outubro no salón de actos do CIFP PORTA DA AUGA de Ribadeo,  a unha charla impartida polo Xefe do dpto. de Capital Humano, José Mª Pérez Parga, e pola responsable da Mellora Continua, Laura Rodriguez Alvarez,  da empresa  ENCE-Navia sobre “ A Mellora Continua na xestión dunha empresa”  na que puideron escoitar  e ver as actuacións que se levan a cabo  en unha gran empresa do noso entorno sobre os avances  na implementación dos máis modernos procedementos  de xestión e innovación continua.

O departamento de Administración e xestión imparte 2 ciclos formativos:

1. Un ciclo formativo de grado superior en réxime ordinario: Ciclo formativo de grado superior de Administración e finanzas. Pincha aqui para información sobre este ciclo.
2. Un ciclo formativo de grado medio en réxime ordinario e en rexime a distancia:Ciclo formativo de grado medio de Xestión Administrativa. Pincha aqui para información sobre este ciclo.

Para máis información sobre a familia profesional:http://www.edu.xunta.es/fp/sites/fp/files/fp/Folletos/2012/administracion_e_xestion.pdf