CIFP Porta da Auga

Visita á residencia de maiores de burela a ao fogar residencial “ conchita” de Vilaoudrid

O luns, 15 de decembro, os alumnos e alumnas do CM Atención a Persoas en Situación de Dependencia, visitaron a Residencia de maiores de Burela e o Fogar residencial “Conchita”,  en Vilaoudrid - A Pontenova. Aínda que os dous centros teñen como obxectivo procurar a maior calidade de vida das persoas maiores que, por diversas circunstancias, non poden ou non queren permanecer no seu  fogar, cada un deles presta os seus servizos en contextos moi diferentes; “ Conchita”,  oferta un máximo de 12 prazas nun establecemento case de carácter familiar nun entorno rural, mentres que a residencia de Burela, de titularidade pública, ten 88 usuarios e integra, ademais, un centro de día. Deste xeito, os alumn@s tiveron a oportunidade de achegarse á realidade que lles ocupa, coñecendo as diferentes modalidades de servizo  no ámbito da atención a persoas en situación de dependencia.

Durante o día 13 de Novembro de 2014, nas instalacións do CIFP PORTA DA AUGA, tivo lugar a CHARLA FORMATIVA EN RELACION CO PRAN DE AUTOPROTECCION, impartida polo arquitecto técnico D. Jesús Valencia Sar, que tamén está titulado como técnico superior en riscos laborais. A citada charla ten periodicidade anual e consta de 2 horas presenciales de duración. Foi dirixida a todo o persoal membro da comunidade educativa do CIFP.

 Formación continua: empresa APLICA

O departamento de Edificación e Obra Civil do centro integrado de formación profesional Porta Da Auga de Ribadeo, acolleu o pasado dia 27 de Novembro, cunha asistencia duns 40  profesionais do sector da construción un curso sobre morteiros técnicos, impartido pola empresa APLICA, fabricante de morteiros técnicos especiais derivados do cemento, da man do seu representante na zona Hondecor.

 A formación tivo unha parte teórica e una parte práctica, sobre morteiros de renovación e de reparación, pastas niveladoras e impermeabilizantes cementosos, a cargo de persoal de Hondecor e de Javier Fernández, director de Aplica da zona Noroeste.

 O departamento de edificación e Obra Civil quere agradecer a estas empresas a súa  colaboración neste tipo de actividades e tamén a todos os profesionais que asistiron á devandita formación.

Coñecer os recursos locais para a atención a persoas en situación de dependencia:

Co fin de coñecer os recursos que ofrecen os Servizos Sociais do Concello de Ribadeo para a atención ás persoas en situación de dependencia, o alumnado de 1º curso do CM Atención a Persoas en Situación de Dependencia, visitou, o xoves 13 de novembro, as diferentes instalacións que podemos atopar na zona atendendo ós diferentes perfís dos usuarios. Así, os alumnos/as, tiveron a oportunidade de achegarse á realidade neste ámbito, coñecendo  o  Centro de Día “ A Concordia”, a vivenda comunitaria e a Residencia para persoas maiores, da man de persoal do concello e  dos propios responsables de cada unha das instalacións.

O alumnado da rama de Administrativo fixo o pasado día 11 de novembro unha visita a ENCE-Navia, máis coñecida como a “Papelera” para ver o proceso da obtención da pasta de papel  e a loxística empresarial  levada a cabo por esta  gran empresa da man de José Fernández Vega.

Dende aquí dar as grazas por a sua xentileza e atendernos con tanta amabilidade.

O samaín solidario do CIFP Porta da Auga:

O pasado xoves 30 de Outubro as alumnas e alumnos de Educación Infantil do CIFP Porta da Auga de Ribadeo realizamos un samaín solidario para a compra de artigos de primeira necesidade que os Servizos Sociais de Ribadeo repartirán entre as familias que máis o necesiten.

Plantexáronnos dende o equipo docente facer unha actividade pola data do Samaín, e ocorréusenos realizar un “samaín solidario”, pois hoxe en día, hai cada vez máis familias en situación de vulnerabilidade pola crise que estamos a vivir.

 A través de diversas aportacións entre alumnas/os e docentes fomos conseguindo diferentes postres e castañas, que se asaron no centro, para posteriormente poñer todo a venta. Con cada compra regalábamos unhas rifas para entrar nun sorteo, entre os que incluíamos un vale para dúas persoas para unha actividade de rafting e dous vales de compra para a cafetería do noso centro. Ademáis ambientamos o centro con motivo desta festa incluíndo un photocall coa mesma temática.

O día 5 de Novembro, reunímonos no Concello de Ribadeo coa Concelleira de Saúde e Servizos Sociais e o traballador social cos que acordamos invertir o diñeiro recadado en productos frescos para o banco de alimentos do concello, os cales serán mercados na Praza de Abastos do mesmo.

Dende o ciclo de educación infantil queremos dar as grazas a todas as persoas que participaron nesta actividade coa que quedamos moi satisfeitas e esperamos poder realizar outras iniciativas con tan boa acollida durante o que resta de curso.

O alumnado das familias profesionais de Administración e Xestión, Automoción e Electricidade asistiron ,o día 9 de outubro no salón de actos do CIFP PORTA DA AUGA de Ribadeo,  a unha charla impartida polo Xefe do dpto. de Capital Humano, José Mª Pérez Parga, e pola responsable da Mellora Continua, Laura Rodriguez Alvarez,  da empresa  ENCE-Navia sobre “ A Mellora Continua na xestión dunha empresa”  na que puideron escoitar  e ver as actuacións que se levan a cabo  en unha gran empresa do noso entorno sobre os avances  na implementación dos máis modernos procedementos  de xestión e innovación continua.

Pódese descargar o número 1 da revista do CIFP que acabamos de sacar a luz

Para descargar preme na imaxe

Os alumnos do ciclo formativo de grado superior da familia de Electricidade e electrónica participaron o día 14/05/2019 nunha actividade de formación sobre realización de manobras de mantemento e verificacións regramentarias  de Instalacións de Alta Tensión.

            A actividade contou coa colaboración da empresa Frigoríficos de Ribadeo SA, a cal permitiu facer as prácticas no seu Centro de transformación. As  prácticas efectuadas nesta instalación consistiron en corte e reposición da tensión nunha instalación industrial con acometida a 20.000V, reposición dun fusible e realización das medidas que hai que facer nunha inspección así como no mantemento deste tipo de instalacións.

            Asistiron un total de 11 alumnos e dous profesores. Tamén participou a empresa EUROCONTROL de Ames (A Coruña) que foi a que explicou como se verifican e realizan as labouras de mantemento das instalacións de alta tensión deste tipo.

            Queremos agradecer as Empresas citadas que nos permitiran facer estas prácticas moi interesantes para a formación do alumnado.

O xoves 25 de Maio de 2017 celebrouse no Salón de Actos do noso centro, unha charla sobre a nova regulación sobre cables electricos, impartida por Isabel de General Cable e coa colaboración da delegación de Lugo de Digamel.

A mesma asistiron instaladores eléctricos dos arredores de Ribadeo, alumnos e ex-alumnos de Electricidade e Edificación e Obra Civil.

-------------------------------------------------------------------------------------------------------------------------------------------------------------------

O Departamento de Electricidade e electrónica vai organizar unha xornada de formación en colaboración coas empresas

  O curso terá lugar o próximo mércores día 9 de novembro no salón de actos do CIFP e en horario dende as 19:30 ata as 21:00 horas. Vai dirixido a persoas relacionadas coa instalación eléctrica.

Trátase dunha charla técnica que será eminentemente práctica e na que configuraremos un SMARTLINK a través de un PC o cal nos permitirá gobernar os circuitos e as súas proteccións via web.Para elo Dispoñeremos dunha maqueta co producto real o cal configuraráse perante a charla partindo dende CERO empregando un PC, o cal será proxectado para que os asistentes poidan velo.

 O Programa da charla facilitado polas Empresas participantes é o seguinte:

 --------------------------------------------------------------------------------------------------------------------------------------------------------------------------

O pasado xoves día 26/11/2015 varios alumnos dos Departamentos de Electricidade e do de Transporte e mantemento de vehículos visitaron o Parque de Sotavento situado en Xermade (Lugo).

Na visita explicaron varios técnicos do parque o funcionamento do mesmo, o funcionamento dun aeroxerador,  así como tamén visitaron varías instalacións relacionadas coas enerxías renovables, entre elas a Vivenda bioclimática situada dentro do parque.

  Asimesmo observaron como se realizaba a parada e o posterior arranque dun aeroxerador que estaba en funcionamento.

----------------------------------------------------------------------------------------------------------------------------------

O Departamento de Electricidade e Electrónica ven de organizar unha actividade consistente nunha charla sobre a situación do sector relacionado coa Electricidade, máis concretamente sobre a situación actual das Empresas Instaladoras de Electricidade e Telecomunicacións,  da comarca de influencia do Centro Integrado de Ribadeo. Esta reunión celebrouse o pasado venres 17 de abril nun establecemento de hostalería de Ribadeo as 8:30 da tarde.

A reunión foron invitados antigos alumnos que remataron os seus estudios no ciclo de Electricidade no noso Centro Integrado nos últimos 8 anos así como tamén se invitaron a Empresas cuxos Instaladores autorizados fixeron estudios no noso Centro.

Na charla participaron a Asociación de Instaladores Electricistas da Provincia de Lugo (APIEL) , así como a Asociación Empresarial de Instalacións Eléctricas y Telecomunicacións de Asturias (INELTAS). Por parte de APIEL participou D. Eduardo Fernández Vila que é o presidente da citada Asociación. Por parte de INELTAS participou D. Guzmán Fernández López. A charla estivo presentada e presidida pola directora do CIFP Dª Beatriz Dobaño.

 Aparte da charla pasouse un pequeno cuestionario os antigos alumnos asistentes co gallo de coñecer a situación laboral actual así como opinións entorno a formación recibida no Centro. Tamén se lles preguntou por necesidades de formación continua.

---------------------------------------------------------------------------------------------------------------------------------------

Visita de alumnos de electricidade ó parque fotovoltaico de Outeiro de Rei

Os alumnos do Ciclo Formativo de Instalacións eléctricas e automáticas así como os alumnos do curso de Montaxe e mantemento de Instalacións solares fixeron unha visita ó parque fotovoltaico existente en Outeiro de Rei

Comunicamos que xa non existen prazas para participar nas xornadas, por haber máis de 20 pre-inscricións,  inicialmente previstas como máximo. 

Para consultar a lista de participantes inscritos preme aqui