Constitución do Consello Escolar

O pasado 11 de Decembro do 2018  constituíuse o Consello Escolar do noso centro educativo. Os seus membros son os seguintes:

Equipo Directivo:

Presidenta: Dona Ángeles Rivela Machado

Xefa de Estudos: Dona Purificación Moure Barrio

Secretaría (sen voto): Dona Ángeles Rey Sánchez

Representantes do profesorado:

Dona María Luisa Ferrero Rodríguez

Dona Carmen Laz Pavón

Dona Isis Alonso González

Dona Beatriz Morán Díaz

Dona María Yáñez Calviño

Representantes dos pais/nais/titores legais:

Dona María Escudeiro Rossignoli --  Representante da ANPA

Dona Uxía Barreiro Pérez

Dona Aurora Muíños Marcos

Dona Iria Salvante Lorenzo

Dona Patricia Suárez Álvarez

Representante do Concello:

Don Pedro Vázquez Iglesias

Representante do PAS:

Vacante

Tags: Notas informativas, Consello Escolar

CONCURSO PILABOT

 

CONCURSO PILABOT

 

O noso centro participa no Concurso Pilabot que promove a Xunta de Galicia xunto a Ecopilas, ERP e Ecolec.

 

Pilabot é un robot que foi creado para cumprir unha misión: protexer o medio ambiente minimizando a contaminación xerada polos residuos de pilas. Fabricárono co obxectivo de realizar unha recollida selectiva de pilas, pero o seu traballo está a complicarse.

 

Considéranse pilas e acumuladores portátiles calquer pila, pila botón, acumulador  ou batería que estea precintado, poida portarse coa man e non sexa industrial nin de automóbiles. Teñen esta tipoloxía as pilas botón e estándar e os acumuladores utilizados en calquera aparello presente nos fogares e as oficinas, tales como mandos a distancia, teléfonos móbiles, computadores portátiles, xoguetes eléctricos e electrónicos, ferramentas portátiles,etc,…

 

Pilabot ten que cumprir coa súa misión, polo que solicita axuda ás novas xeracións a través dun concurso para centros educativos: o que máis pilas recolla, terá premio.

 

Colocarase no centro un contedor para depositar as pilas de forma colectiva.

 

O alumnado levará unhas caixas para que garden as pilas que xa non usan nos seus fogares. Despois, levarán as pilas ata o centro e as depositarán no contedor.

 

A Reciclar!!!

 

O derradeiro día para entregar as pilas é o 24 de xaneiro.

 

 

Tags: Notas informativas

O CIENTÍFICO ANTONIO FIGUERAS NO SEIS DO NADAL

 O científico do Instituto de Investigaciones Marinas(IIM) do CSIC de Vigo, Antonio Figueras, viu ao colexio e nos explicou as súas investigacións sobre o mexillón: como viven, como se alimentan, a súa importancia na Ría de Vigo. Co microscopio conseguiron ver a sangue do mexillón. Tamén trouxeron os peixes cebra que utilizan nas súas investigacións e fan un servicio importante na ciencia. Aprenderon moito porque Antonio é un gran divulgador da ciencia e investigación e apostamos que servira para no futuro teñamos moitos máis científicos no pais. Os nenos lle fixeron moitas preguntas e quedaron coa unha idea da importancia do labor científico.

NOTICIA NO FARO DE VIGO: 27/11/2018

 

Tags: Novas

ELECCIÓNS AO CONSELLO ESCOLAR 2018/2022

CIRCULAR     INFORMATIVA.

Tags: Notas informativas, Consello Escolar

ELECCIÓNS AO CONSELLO ESCOLAR 2018/2022

De acordo coa 1ª reunión da Xunta Electoral publicamos o seguinte calendario:

  • Día 7 de novembro:

    • Publicación das convocatorias de eleccións nos distintos sectores educativos: profesores, pais/nais e, de ser o caso, persoal de administración e servizos.
    • Publicación provisional dos censos dos sectores educativos citados.
  • Do 8 ao 15 de novembro:

    • Prazo de presentación de candidaturas.
  • Día 16 de novembro: (Celebración da 2ª reunión da Xunta Electoral)

    • Proclamación e posterior publicación de candidaturas por sectores de representación.
    • Aprobación definitiva de censos electorais, unha vez resoltas as posibles reclamacións.
    • Aprobación de modelo de papeletas e sobres dos distintos actos electorais.
    • Sorteo público da designación dos membros das mesas electorais.
  • Día 27 de novembro: Celebración das votacións de:

    • Persoal de administración e servizos, de 10 a 11 horas.
    • Profesorado de 17 a 18 horas.
    • Pais, nais e titores legais do alumnado: de 9 a 10 horas, de 13 a 14 horas, e de 16 a 18 horas.
  • Día 29 de novembro (Celebración da 3ª e última reunión da Xunta Electoral):

    • Proclamación de candidatos electos.

Tags: Notas informativas, Consello Escolar

ELECCIÓNS AO CONSELLO ESCOLAR

   
    De conformidade co establecido na RESOLUCIÓN conxunta do 25 de setembro de 2018, da Dirección Xeral de Centros e Recursos Humanos e da Dirección Xeral de Educación, Formación Profesional e Innovación Educativa, pola que se establece o calendario para a celebración de eleccións de membros dos Consellos Escolares de centros docentes sostidos con fondos públicos  (DOG do 8 de outubro de 2018), realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Colexio.

    A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

    - A  directora do Centro.
    - Un profesor ou profesora.
    - Un pai ou nai ou titor legal.
    - Un representante do persoal de administración e servizos
       
    Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste Centro o próximo día 25 de outubro  ás 9 horas.

Este curso procédese á renovación de dous/dúas representantes do profesorado, dous/dúas representantes das familias e un/unha representante do persoal non docente.

RESOLUCIÓN do 25 de setembro de 2018, conxunta da Dirección Xeral de Centros e Recursos Humanos e da Dirección Xeral de Educación, Formación Profesional e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos

 

Tags: Notas informativas, Consello Escolar

ACTO COLECTIVO 25 N

O luns 26 fixemos una acto colectivo con motivo do 25 de novembro, Día Internacional da Eliminación da Violencia contra a Muller.

 

Durante a semana estivemos traballando e reflexionando sobre o tema nas aulas con lecturas, contos,...
Previamente en cada clase debuxamos en cartulinas a nosa man, recortámola e puxémola como un colgante.
Dispuxémonos en forma de U, seguindo as indicacións  de mestra de música e ao alumnado de sexto escenificando a canción e o retrouso en lingua de signos.
O alumnado dos distintos cursos, por turnos, foi pintando unha porta violeta.
O remate do acto foi o mural que montamos cos debuxos da canción.
 
 
 

Vestidos de negro reunímonos no pavillón para cantar todos xuntos  "La puerta violeta" de Rozalén.

 

 

 

Tags: Novas

RETRATOS DA NOSA CONTORNA. FOTOGRAFÍA EN CURSO. CULTURGAL

O noso colexio, fai uns cursos(2013-14), participou cos alumnos de cuarto no proxecto do CGAI Fotografía en curso. O noso proxecto era sobre os oficios é profesións. Veu a facer o obradoiro con nós o fotógrafo José Caruncho. Os nenos fixeron os retratos con José Caruncho de: mariñeiros, armadores en Bouzas e dos traballadores do mercado de Coia.

Dende o 30 de Novembro ata o 2 de decembro no marco de Culturgalega recolleron varios proxectos fotográficos que se fixeron cos centros e alumnos participantes estos anos co título:"Retrato da nosa contorna".

O CGAI pensa que está expsición viaxe a outros lugares

 

 

 

 

 

Tags: Novas

MAGOSTO 2018

O martes 13, fixo un maravilloso día de sol e celebramos o noso MAGOSTO. 

Mentras as mestras asaban as castañas os nenos e nenas xogaron.

Houbo seis xogos : comecastañas, relevos de castañas, ós bolos, tres pés (en parellas), á corda, relevos de pelota (coa pelota espalda con espalda). 

O alumnado de sexto foi o encargado de  axudar ao alumnado nos diferentes xogos a medida que ían rotando dun a outro.

E non podían faltar as castañas. Estaban boísimassss!!! Pasámolo xenial!!!

 

Tags: Novas

SAMAÍN MÁXICO 2018

Na Sala Rosalía recreamos un "Bosque Máxico Galego", no que non faltaron as mouras na súa cova, as serpes coas súas lendas, os corvos como paxaros de mal agoiro, os mouchos e as curuxas berrando, o aquelarre coa danza das meigas ao redor do pote, de feitizos, o gato negro cos pelos de punta, arañeiras, as cabazas polo medio,....e o lobishome, facendo trasnadas e meténdose co público, nenos e nenas e coas familias asustando a todo o persoal.

Foi un Samaín impresionante!!!

Grazas ás familias pola vosa colaboración na preparación das cabazas!!!!

 

Se o queres ver en YouTube, preme no seguinte enlace:

https://youtu.be/AvCF5jo4juI

 

       
 
 
 

Tags: Novas