Ainda que sabemos que debemos educar en igualdade durante todo o ano, hai datas que aínda cómpre sinalar no calendario como é o 25 de novembro: Día contra a Violencia Machista. Por iso, deixamos aquí o enlace ao programa "Construimos igualdade" levado a cabo polo CIM do Concello de Muros. É un material moi atractivo e didáctico que nos será de gran utilidade nas aulas.

Hoxe foi un día de alegría e celebración na nosa escola. Logo de tanto traballo, por fin conseguimos rematar a mudanza do Polbo Ramón. Alumnado e profesorado disfrutamos descubrindo cada recuncho da nova biblioteca emocionados pola novidade.

O pasado luns tivemos a visita de XEA, empresa dedicada a xestionar de xeito ético o problema do abandono animal e coa que colabora o noso concello.

Tivemos unha charla moi interesante onde nos explicaron como achegarnos de forma segura a un animal que non coñecemos e faláronnos de como realizar unha adopción garantindo as mellores condicións para os animais. Quedounos moi claro que adoptar unha mascota é algo que implica unha gran responsabilidade polo que hai que valoralo moi ben antes de facelo. Ademais, tivemos a oportunidade de poñerlle o nome a dous cachorriños encantadores. Foi unha experiencia moi bonita e enriquecedora!