ACTIVIDADES
SEMANA DO LIBRO
Para celebrar o Día do Libro (domingo 23), organizamos cinco obradoiros durante toda a semana na sesión de Hora de Ler :
★ Un Bookflix por aula para colocar no novo recuncho de Peiti, na planta baixa, que se fará ao longo da semana do 17 ao 21 e colgarase o día 24.
Estacións:
1ª Conto tolo: En roda cada alumno escolle nun par de minutos un parágrafo do libro que lle tocou na man e despois lemos todos seguidos para crear un conto tolo.
2ª Torre de libros: Preparamos unha torre de libros de xeito que lendo os títulos das portadas, permitindo engadir algunha palabra conector, creamos un conto.
3ª Abano esconde conto: A partir dun comezo de conto que lles damos, a primeira parella/trío de nenos/-as escribe unha frase e dobra a anterior para esconder, así sucesivamente cada grupiño engade unhas frases ao conto e dobran. Ao rematar abrimos todo o abano para ler a historia.
4ª Rosco literario: preguntas estilo “Pasapalabra”
5ª Bookface: A arte de encaixarse nunha portada de libro. Terán materiais, disfraces, teas e accesorios para preparar a foto.
★ “Lecturas compartidas” o luns 24 faremos parellas ou tríos para ler todas/os xuntos no patio.
POESÍA CON ANXO IGLESIAS
Tivemos a gran sorte de ter conosco a Anxo Iglesias, que nos transmitíu a súa paixón pola poesía.
Ensinounos o seu libro «Unha nova dimensión», Premio Merlín de Literatura Infantil 2022, e a partir del fixemos actividades moi divertidas; trabalinguas, rapeamos, cantamos cancións de corro, inventamos fonemoramas, repasamos os adverbios de lugar cunha adiviña e un poema ...
30 XANEIRO - DÍA DA ILUSTRACIÓN - "LETTERING POLA PAZ"
“Lettering pola PAZ”!!!
Cada 30 de xaneiro (dende 2014) celébrase o “Día da Ilustración” por ser o aniversario do nacemento de Castelao.
O Día da Ilustración é unha iniciativa da Consellería de Cultura da Xunta de Galicia en colaboración coa Asociación Galega de Profesionais da Ilustración (AGPI).
O Día da Ilustración 2023 homenaxeará á pintora galega María Antonia Dans
Xa que o día 30 tamén conmemoramos o DENIP (Día Escolar da Non-violencia e PAZ), a nosa Peiti quere unir as dúas actividades e animarvos a que deseñedes un cartel con mensaxe de PAZ para colgar e encher a entrada do cole.
RETO DE CINE
Estades listas e listos para aprender sobre cine, seguro que siiii!Que tendes moitas ganas de investigar cal son as películas que vos van propoñer. Para iso tendes que estar moi atentas e atentos as pistas e ir completando as respostas.
Moito ánimo e a investigar!!!
2º CONCURSO DE CONTOS DE INVERNO
PREMIOS PARAOS GAÑADORES E GAÑADORAS E PARA O ALUMANDO QUE PARTICIPOU.
PARABÉNS PARA TODAS E TODOS
II Concurso de Contos
Organizamos un concurso!!!!!
“II Concurso de Contos”
Escribe un pequeno relato. Unha historia de xenerosidade, amizade, amor, sorpresas, alegrías, humor, enxeñosa,…
Totalmente voluntario, pode ter a extensión que cada quen precise. Con presentación limpa e coidada (letra, marxes, ortografía).
Tamén podes incluír algunha ilustración.
- Participación individual.
- Haberá premios en tres categorías:
1º ciclo, 2º ciclo e 3º ciclo
- Data límite de entrega: o venres 18 de decembro.
- Non esquezas poñer: Título, nome e curso.
- Os contos tédelos que entregar na caixa do correo (azul, vermella e verde) que estará na mesa da bibliotecaria.
A vosa amiga, Peiti.
Día bibliotecas 2022 - O Cinema tamén se le
Este luns, 24 de outubro, xuntámonos para celebrar o día das Bibliotecas Escolares. Grazas á investigación de todo o alumnado, puidemos comprobar que a primeira carteleira do noso cine está composta por películas que naceron de grandes libros.
Matilda, Wonder, Elmer, Pippi Calzaslongas ou Harry Potter; xa están dentro das nosas recomendacións e seguiremos lendo as súas aventuras na nosa biblio Anisia Miranda.
Pero a nosa celebración non se quedou aquí. Un xurado composto por 11 expertos, representantes de todas as aulas, deliberaron xuntos para otorgarlle ao noso cinema e proxecto un nome. Despois de escoitar e revisar todas as propostas e ante a expectación dos asistentes...
"The Oscar goes to..."
