CEIP Plurilingüe Xulio Camba

Esta semana estamos realizando distintas actividades relacionadas coa PAZ. Entre elas fixemos murais, bailes, lecturas interniveis, visionamos curtametraxes e lemos un manifesto. Se queredes acceder ao texto do mesmo, podedes facelo clicando en manifesto.

Facendo clic na seguinte foto podedes ver un vídeo da actuación polo Día da Paz.

Estimadas familias,

Este ano a biblioteca de Don Mexillón está a tope de enerxía e queremos incluir na mochila viaxeira unha idea máis para fomentar a actividade física e a motricidade na casa, tanto para ter entretidos aos nenos/as uns minutos como para compartir tempo en familia.

Deixámosvos o enlace dun mestre de Educación Física que propón diferentes retos sinxelos, que podedes adaptar segundo as vosas habilidades. Unhas risas estan aseguradas!

https://www.youtube.com/@david_vera_ef/videos

Dende a biblioteca escolar propoñen un novo reto (como cada mes). Neste caso trata sobre mulleres olímpicas e o alumnado pode realizar esta actividade de xeito voluntario para conseguir un selo no seu carné de puntos.

Dende a Biblioteca de Don Mexillón facémosvos chegar unhas recomendacións lectoras organizadas por ciclos. Aínda estades a tempo de incluír algún libro na vosa carta! Facede clic na imaxe.

Celebramos a I Carreira Solidaria Xulio Camba de Nadal a favor do Banco de Alimentos de Vilanova de Arousa. Foi todo un éxito! Agradecémosvos a colaboración e esperamos vervos para o ano alí de novo. Temos un colexio cheo de campións e campioas!