CEIP Plurilingüe Xulio Camba |

ARRANCA O CLUB DE LECTURA

Onte o alumnado de terceiro comezou co Club de Lectura e hoxe foi a quenda de cuarto curso. Fixeron "cupcakes", cociñando como a protagonista do libro que van a ler: "Escarlatina, a cociñeira defunta" de Ledicia Costas.

CONTACONTOS MUSICAL

Hoxe os nenos e nenas de infantil gozaron co espectáculo "Diferentes Diferenzas" de Silvia Penide, que se enmarca dentro da programación contra a violencia de xénero elaborada polo Concello.

CLUB DE LECTURA

Comezamos co CLUB DE LECTURA! Mañá tocaralle o turno ao alumnado de terceiro curso e o venres 10, ao alumnado de cuarto curso.

ARO AMARELO (ASIA)

Neste primeiro trimestre, o alumnado está a investigar sobre a orixe dos Xogos Olímpicos e o significado dos aros. Cada ciclo profundizará nun dos continentes e no caso de quinto e sexto traballarán o aro amarelo, que representa a Asia. Onte contamos coa presenza de Lucía, que foi mestra no cole e que estivo viaxando por este continentes durante 7 meses. Respondeu ás preguntas do alumnado, contounos a súa bonita experiencia, amosounos imaxes e vídeos da súa aventura, así como obxectos que trouxo de alá.

E-ELBE.2

Este ano o alumnado ten acceso a E-ELBE.2, unha plataforma de préstamo de contidos dixitais que ten como obxectivo mellorar a competencia lectora e os hábitos de lectura. No terceiro ciclo cada discente ten o seu portatil (xa que estamos inmersos en E-Dixgal) pero nos demais cursos contamos cunha Aula Móbil grazas ao Programa Educa en Dixital para que todos/as poidan gozar desta experiencia.

OBRADOIROS INTERNIVEL

Como cada venres levamos a cabo outra sesión de obradoiros interniveis en Educación Infantil. Esta vez amosamos o obradoiro de arte, onde realizamos uns útiles de baile hawaiano.

CLUB DE LECTURA

Hoxe comezaron as charlas informativas dirixidas ao alumnado de 3º e 4º de Ed. Primaria, organizadas pola Biblioteca de Don Mexillón, para coñecer o funcionamento do Club de Lectura.

SECCIÓNS BILINGÜES

En Arts o alumnado traballou Samaín/Halloween realizando un mural para a entrada do colexio así como distintos elementos decorativos para as aulas e corredores. Tamén bailaron ao ritmo da canción Spooku Scary Skeletons!