Reserva e solicitude de praza

Benqueridas familias de 6º de Primaria que reservaron praza no IES Xelmírez II e familias que solicitáchedes praza no CEIP de Vite para o curso 2019/20:

 TODOS OS SOLICITANTES OBTIVERON PRAZA.

 

Un saúdo.

 -O director

Conciliación Semana Santa: programa do Concello

Transmitimos a información que nos chega dende o Concello (adxuntamos 3 arquivos coa solicitude)

Programa municipal de conciliación de Semana Santa 2019

Estimada/o amiga/o

O venres día 15 de marzo ábrese o prazo de inscrición no Programa de Conciliación laboral e familiar de Semana Santa 2019, organizado polo Departamento de Educación e Cidadanía. 

Este programa concíbese como un espazo educativo e de promoción do lecer, ademais de ser unha alternativa  de conciliación para as familias no tempo de vacacións de Semana Santa. Está dirixido a nenos e nenas con idades comprendidas entre os 3 e os 12 anos. As actividades desenvolveranse os días 15, 16, 17 e 22 de abril nos CEIP Monte dos Postes e CEIP Raíña Fabiola, de alcanzarse o número mínimo de participantes requirido.

Poden participar nenos e nenas empadroados no  Concello de Santiago de Compostela ou que cursen estudos en centros de educación infantil e primaria de Santiago de Compostela, con idades comprendidas entre os 3 e os 12 anos. Teñen a opción de escoller entre participar todos os días do programa ou en días soltos. 

A inscrición realizarase a través Rexistro Xeral do Concello de Santiago (rúa Presidente Salvador Allende, 4),ou no rexistro auxiliar do Centro Sociocultural o Ensanche (Rúa de Frai Rosendo Salvado, 14-16) cubrindo o formulario dispoñible nesta web, no Departamento de Educación e Cidadanía ou no propio rexistro. A admisión será por rigorosa orde de inscrición.

 

 O prazo de inscrición estará aberto dende o venres día 15 de marzo ata o venres 29 de marzo de 2019.

 

O horario será de 7:45 a 16:00 horas. O servizo de madrugadores funcionará de 7:45 a 9:00 horas e poderá ser con ou sen almorzo. De 9:00 a 14:00 horas realizaranse os obradoiros e actividades. Finalmente, entre as 14:00 e as 16:00 horas, existe a posibilidade de solicitar o uso do servizo de comedor.

 

Prégoche que difundas, se es tan amable, esta información dentro da comunicade educativa da cal formas parte. Podes atopar detalles, no texto explicativo que se acompaña, así como a ficha de inscrición no programa

 

Grazas de antemán pola túa colaboración

 

Manuel Dios Diz 

Concelleiro delegado de Educación e Cidadanía

 

Concello de Santiago de Compostela

Departamento de Educación e Cidadanía

Edificio Cersia. Rúa Alcalde Raimundo López Pol, S/N. 

San Lázaro. Santiago de Compostela 15707

Teléfono: 981 554 400

Fax: 981 571 511

www.santiagodecompostela.gal <http://www.santiagodecompostela.gal/> 

dptoeducacion@santiagodecompostela.gal <mailto:dptoeducacion@santiagodecompostela.gal>

Cuestionario Convivencia Escolar

Estimadas familias,

O vindeiro luns 11 de marzo faremos entrega ao alumnado dunha folla cun código único para cada familia para participar na enquisa de convivencia anual derivada do Decreto 8/205 que desenvolve a Lei 4/2011 de Convivencia; forma parte das medidas da Estratexia Galega de Convivencia Escolar 2015-2020.

Esta enquisa deberedes cubrila en liña entrando na páxina https://edu.xunta.es/convfamil, inserindo o código que vos corresponda. Ás veces dá un erro de seguridade, pero garántennos que a páxina é segura, así que avanzade que non haberá problema. Cúbrese só 1 enquisa por familia, non por alumno/a.

O alumnado de 5º e 6º cubrirá outra no propio centro.

Completar o cuestionario de familias non leva máis de 5-10 minutos.Teredes até o 17 para participar; de facelo, canto antes a completedes, mellor.

Páxina de preguntas frecuentes

 

Moitas grazas.

 

Pablo Fernández Otero

Director do CEIP de Vite

Festival Atlántica

"Os contos de fadas van alén da verdade. Non porque digan que os dragóns existan realmente, senón porque nos din que poden ser derrotados"

-Neil Gaiman

Hai algo atávico na narración oral; algo que nos transporta á prehistoria, a aqueles narradores que, ao redor do lume, contaban historias de heroes, monstros e grandes fazañas.

Este ano convidáronnos ao Festival internacional de narración oral Atlántica. Os nosos grupos de 1º e 2º poderán disfrutar o vindeiro venres 15 da versión de Pepepérez de A Bela Dormente, acompañada da Banda Municipal de Música de Compostela, no Auditorio de Galicia.

Tamén haberá outras actuacións por todo Santiago: no noso CSC teremos a Laura Escuela, de Tenerife, contando unha "Animalada".

 

Folga 8M

08/03/2019 00:00
08/03/2019 23:59
Europe/Madrid

En previsión da folga convocada para este 8 de marzo, esta dirección informa:

O transporte escolar, madrugadores e comedor funcionarán con normalidade.

O centro abrirá en horario lectivo, e contará cuns servizos mínimos que consistirán en:

  • O director
  • Unha coidadora
  • A bedel

A actividade lectiva non será a normal para un venres, e buscarase facer agrupamentos dependendo do número de docentes e de alumnado.

En caso de que as familias consideren secundar a folga cos seus fillos e fillas, traerán o vindeiro día lectivo a falta xustificada correspondente.

 

-O director

Festivos marzo

Bo día. 

 

Como xa se informou en diversas ocasións, os días NON LECTIVOS de marzo son o 4, 5, 6 e 19. 

Lembrade que podedes integrar no voso Google Calendar estas informacións, engadindo en "outros calendarios" ao usuario sysopvite, tal e como explicamos nesta entrada.

 

Documento de Solicitude de Praza

Xúntase o documento normalizado de admisión curso 2019/20.

LIGAZÓN

En referencia á solicitude de praza

Información para todos os solicitantes:

 Xa viñeron varias persoas preguntando, e traendo informacións doutros lugares que nos parece preocupante.

O CEIP de Vite non é un centro nin "de preferencia" nin "de referencia" para alumnado de necesidades educativas especiais cos datos cos que contamos a día de hoxe. 

Somos un CEIP: Colexio de Educación Infantil e Primaria. Un centro ordinario. Non temos nin máis nin mellores medios que o resto de centros de Compostela. Simplemente pelexamos polo alumnado que nos corresponde por zona de escolarización e solicitamos os medios, persoal docente e persoal non docente axeitado por medio de proposta motivada á nosa Xefatura Territorial. É dicir: temos os medios xustos que precisamos despois de pelexalos moito.

Se no centro que che corresponde por zona de escolarización, ou en calquera outro, che din sobre o teu fillo ou filla NEAE que "eiquí non temos medios para atendelo; proba en Vite que alí vai a estar mellor" estante enganando.

Tedes dereito a solicitar praza para escolarizar aos vosos fillos e fillas en calquera centro, pero que non vos mintan facendo que pensedes que tedes que solicitar nun centro que non vos corresponde por zona. O centro que che corresponde DEBERÁ pedir os medios pertinentes para atender á diversidade, tal e como tentamos facer nós.

 Defendemos a inclusión, pero rexeitamos a guetificación do alumnado. Tes todo o dereito a estudar no teu cole.

 

-- O Director

Solicitude de Praza curso 2019/20

01/03/2019 09:30
20/03/2019 14:30
Europe/Madrid

Benqueridas familias,

O prazo de solicitude de prazas escolares para o curso 2019/20 comeza o 1 de marzo e remata o 20 dese mesmo mes. Tedes aquí toda a información (LIGAZÓN).

Para poder presentar unha solicitude tedes que:

  1. Cubrir esta instancia (LIGAZÓN)
  2. Traer documentación acreditativa de idade e filiación (copias do libro de familia) 
  3. Entregalo todo en prazo na secretaría do centro a algún membro do equipo directivo (importante!).
  4. Importante: Se na instancia os 3 primeiros centros que solicitades son PÚBLICOS, sumarás +1 punto en caso de que haxa que facer baremación (artigo 19-i da Orde do 12 de marzo do 2013).

Lembrade que este ano cadra o Entroido e o San Xosé (todos NON lectivos) durante o prazo.

VACANTES (a día 18 de Febreiro 2019; pode haber cambios se entra alumnado novo para este curso, ou se hai alumnado que se dea de baixa)
Curso Vacantes (RESERVADAS en caso de Necesidades Educativas Apoio Educativo; artigo 3.2 da Orde do 12 de marzo 2013)
INF4º 25 (das que se reservarían 3 para NEAE)
INF5º 1
INF6º 8
PRIM1º 9 (das que se reservarían 3 para NEAE)
PRIM2º 23
PRIM3º 0
PRIM4º 3*
PRIM5º 15
PRIM6 3*

 *Número modificado por matrícula extraordinaria

 

Consello Escolar 2018-20

Os membros do Consello Escolar 2018-20 son os seguintes:

Presidente: Pablo Fernández Otero.

Xefa de Estudos: Luisa García Garrido.

Secretaria: Pilar Grille Hermida.

Nome Sector Mandato
Dona Begoña Nieto Barreiro Familias 2018-22
Dona Raquel Bermúdez Rodal Familias 2016-20
Don David Serrano Amerelle Familias 2018-22
Don José Luis Soto Campos Familias 2016-20
Dona Beatriz Boquete Seoane PAS 2016-20
Dona Rita Coira Durán Docentes 2018-22
Dona Laura Illobre González Docentes 2016-20
Dona Beatriz Veneranda García Precedo Docentes 2016-20
Dona Alicia Leboráns Budiño Docentes 2016-20
Dona Teresa Márquez Fernández Docentes 2018-22
Dona María José Gigirey Suárez ANPA Asignación
Don Xan Xesús Duro Fernández Concello Asignación

Powered by Drupal - Design by artinet