SOLICITUDES DE ADMISIÓN, XORNADAS PORTAS ABERTAS

Benvidos ao Resío!

 

Benqueridas familias, achégase o momento de decidir en que centro queredes matricular aos vosos fillos e fillas.

Dendo o Resío, informamos que neste curso a pandemia fai que non poidamos desenvolver as tradicionais xornadas de portas abertas.

O seguinte video preparouse  con moita ilusión,  para que poidades coñecer as instalacións.

Na seguinte ligazón poderedes ver todas as nosas instalacións en visión 360º. So tedes que premer na ligazón e elexir a/s dependencia/s que queredes coñecer. VISITA VIRTUAL

No Blogue de Picolindo descubriredes o noso xeito de traballo.

De todos xeitos, estaremos encantados de recibirvos, CON CITA PREVIA,  para clarexar as dúbidas que podades ter ( segundo o Protocolo COVID-19 non podemos facer percorrido polas instalacións).

O alumnado quere clarexar todas as vosas dúbidas e vos anima a matricularvos na nosa escola.

A entrega de solicitudes será na secretaría do centro, de luns a venres de 9.15 a 9.55 e os martes de 16 a 17h. Non é preciso solicitar cita previa.

Se non podedes vir, non hai problema. Podedes trasmitirnos as vosas dúbidas a través do ecorreo ou facendonos unha chamada telefónica.

Chamade ao 886120860, 658715569 ou no ecorreo ceip.virxe.rocio@edu.xunta.gal

 

PRAZO: do 1 ao 22 de marzo

MODOS: Pódese facer a través dun dos seguintes:

1. Aplicación <admisionalumnado> (https://www.edu.xunta.es/admisionalumnado)

2. No centro de primeira opción. Presentarase unha única solicitude, na que se poden pór ata 6 centros por orde de preferencia.

 

DOCUMENTACIÓN:

- Copia do DNI da persoa solicitante e dos membros computables da unidade familiar.

- Documento acreditativo do requisito de idade do/da alumno/a.

- Certificado oficial do expediente académico, no seu caso.

- Sentencia xudicial de separación ou divorcio e/ou convenio regulador onde conste a custodia do menor, no seu caso. No caso de separación ou divorcio, será necesaria a sinatura de ambos proxenitores/as, excepto que a patria potestade estea atribuída, con carácter exclusivo, a un deles. En ambos casos será necesario presentar, xunto coa solicitude de admisión , a resolución xudicial correspondiente para a súa comprobación polo centro educativo.

 

FORMULARIOS:

Solicitude de admisión (ED550B).

Os formularios normalizados serán facilitados gratuítamente:

- Nos correspondentes centros docentes

- Na sede electrónica da Xunta de Galicia (https://sede.xunta.gal/modelos-normalizados)

- Na aplicación <admisionalumnado> (https://www.edu.xunta.es/admisionalumnado)

NORMATIVA:

- Decreto 254/2012, do 13 de decembro (DOG 26/12/2012)

- Orde do 12 de marzo de 2013 (DOG 15/03/2013)

- Orde do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

- INSTRUCIÓNS DA DIRECCIÓN XERAL DE CENTROS E RECURSOS HUMANOS SOBRE DESENVOLVEMENTO DO PROCESO DEADMISIÓN DE ALUMNADO EN CENTROS DOCENTES SOSTIDOS CON FONDOS PÚBLICOS PARA O CURSO ACADÉMICO 2021-2022.

 

VACANTES OFERTADAS:

 

ETAPA

 

 

Curso/nivel

 

Grupos

 

Nº Alumn@s

 

Vacantes

 

 

4º EI

1

 

0

22+3*

 

Educación Infantil

 

5º EI

1

 

24

1

 

 

6º EI

1

 

17

8

 

 

 

 

 

 

 

1º EP

1

 

22

0+3*

 

 

2º EP

1

 

21

4

 

Educación Primaria

 

3º EP

1

 

20

5

 

 

4º EP

1

 

25

0

 

 

5º EP

1

 

25

0

 

 

6º EP

1

 

25

0

 * Inicialmente reservados para alumnado con necesidades específicas de apoio educativo (atendendo ao disposto no capítulo V da Orde do 12 de marzo de 2013).

UN ENTROIDO DE CONTO EN TEMPO DE PANDEMIA

Por fín chegou o ENTROIDO, unha festa tradicional e divertida que tivemos o gusto de celebrar. 
Para levala a cabo, por mor da COVID-19, tivemos que modificar moitas das cousas que faciamos en anos anteriores. Cumprindo o protocolo establecido e coidando todas as medidas de seguridade que necesita o momento actual, renunciando ao pasarrúas na nosa vila de Bouzas, seguimos contando coas familias que colaboraron na montaxe dunha  fermosa pasarela, na que dende os máis cativos ata os maiores desfilaron engalanados cos seus fermosos disfraces. 
O día acompañou, e nun día capicúa, 12-02-2021, no que brillou o sol, as cores do entroido invadiron a escola.
O día transcurriú rápido e logo do traballo nas aulas, baixamos ao patio de infantil onde sacamos as tradicionais fotografías de grupo. 
4º EI: NIN BOS NIN MALOS, LOBO FEROZ. 
 

5º EI: OS FEITICEIR@S DOS CONTOS: MEIGAS. 
 
6º EI: ANIMAIS DE CONTO 
 


1º EP: LUGARES DE CONTO 
 
2º EP: OS PRINCIPES E AS PRNCESAS DOS CONTOS 
 

3º EP:OS IMAXINARIOS DOS CONTOS: FADAS, ELFOS, SEREAS, ALICORNIOS E DRAGÓNS 
 
4º EP: APÓCEMA MÁXICA.
5º EP MONIFATES DE CONTO 

 

6º EI MONICREQUES DE LENDA 

 

Tivo lugar o xuizo do Meco, o Sr. OGROVIRUS,  ao que rifamos e castigamos por todo o que nos fixo subrir ao longo da semana. A sentenza foi clara, ducha de viricida, máscara e vacina.


Nós gozamos moito da festa e esperamos que os rapaces chegasen a casa cun gran sorriso neste día tan especial.

 https://photos.app.goo.gl/B2R9qmMP3PZ2ZPfa8

Viva o entroido! 

Nos acompañaron no desfile as seguintes cancións:

  • La brujita tapita. Hernández
  • Los animales. Canciones indantiles, baile mini disco Django Music&Publishing, 
  • Nun castelo, TIC TAC TOC PABLO DÍAZ
  • Suéltalo, sueltalo,... de Frozen y Bidibi badibi bu de la Cenicienta,
  • Cuéntame un cuento de Celtas Cortos,
  • Savage love, de Jason Derulo
  • Guerreira do Arco da vella de GRAMOLA GOMINOLA
  • O Trasno de Pablo Díaz.


 

 

DÍA DA PAZ E A NON VIOLENCIA

Hoxe conmemoramos na escola o DÍA DA PAZ E A NON VIOLENCIA, unha celebración moi especial que levamos preparando coas familias dende hai días. 

Grazas, pola vosa axuda, grazas pola vosa colaboración, grazas...

Neste ano tan especial, no que as celebracións conxuntas non están permitidas, e nun momento de alto risco sanitario, decídese facer unha celebración nas aulas coa colaboración das familias. 

FAGÁMOLO XUNTOS!

Moitas, moitísimas as fotos e preciosas todas e cada unha delas, para formar entre este marabilloso equipo da comunidade educativa do Resío, este fermoso agasallo de paz.

Contamos coa aprobación de CÉ ORQUESTRA PANTASMA, para utilizar as súas cancións na montaxe.

Esperamos que vos guste tanto como a nós!

 

 
 

Nas aulas, entre todos, tamén temos unha pequena sorpresa. Todos os anos xuntabámonos no patio para cantar unha canción; este ano, non ía ser menos, para celebralo adaptámonos ás novas circunstancias pola COVID-19, e... cantando todos ao unísono nas nosas aulas, e coa axuda das novas tecnoloxías... esto é o que sucedeu.

 

 

 

ESTUDIAMOS A PRADEIRA MARIÑA

 O alumnado do 5º e 6º cursos de E.P. recibiron o mércores 13 a unha experta do CEIDA na escola. Verónica, que así se chama, explicoulles que é unha pradeira mariña e fíxolles ver a sorte que teñen por vivir moi preto de unha. A charla foi moi interesante!!!

O venres 15, o mesmo alumnado, acompañado de catro expertos do CEIDA, visitaron, coñeceron e estudaron a pradeira mariña de Bouzas. Desenvolveron unha interesantísima investigación. Esta, continuará no mes de marzo cunha nova visita á pradeira da praia de Bouzas para ver e analizar os cambios ocorridos nestes meses. 

 

 
Aquí podedes velos desenvolvendo

a súa investigación.


 Mesmo descubriron unha posta de chocos!!!

Coñeceron as plantas mariñas con flor e aprenderon a distinguilas das algas. Observaron a cantidade de plantas que hai e mesmo calcularon a porcentaxe de cobertura de plantas.

Aproveitaron, tamén, para recoller todo o lixo que atoparon.

por se queredes saber máis do CEIDA: 

                     PREME AQUÍ

 

AXUDAS MÁSCARAS

 

DISTRIBUCIÓN DE MÁSCARAS

 

Prazo de presentación da solicitude 14/11/2020 - 26/11/2020


Alumnado destinatario

 

1. Fose beneficiario da axuda para adquirir material escolar.

 

2. Non fose beneficiario da axuda para adquirir material escolar por diferentes circunstancias, pero:

 

    •  Pertence a familias cunha renda per cápita igual ou inferior a 6.000 €.
    •  Está matriculado en educación especial, ou suxeito a tutela ou garda da Xunta de Galicia ou ten unha discapacidade igual ou superior ao 65 %, con independencia da renda da unidade familiar

IMPORTANTE:

Alumnado exento de presentar solicitude

 

Non terá que presentar solicitude o alumnado que fose beneficiario da axuda para adquirir material escolar no curso 2020/2021.

 

LER A ORDE

 

De ser mester, as solicitudes presentaranse presencialmente no centro, con petición de cita previa.

FORMULARIO: ModelED330E

E-CORREOS DE CONTACTO DO PROFESORADO

 

CONTAS E-CORREO do PROFESORADO

ANA

anapc@colexiorocio.com

ÁNGELA

angelanb@colexiorocio.com

BEATRIZ

beatrizpo@colexiorocio.com

BEGOÑA

begonhafg@colexiorocio.com

CARMEN

carmenam@colexiorocio.com

CHELO

chelopf@colexiorocio.com

CRISTINA

crisar@colexiorocio.com

EVA

evamr@colexiorocio.com

JUAN

juanlf@colexiorocio.com

MARICRUZ

maricruzsb@colexiorocio.com

MARILUZ

mariluzps@colexiorocio.com

MARTA

martagl@colexiorocio.com

MARUXA

maruxagg@colexiorocio.com

MERCEDES

mercedv@colexiorocio.com

MÓNICA

monicadp@colexiorocio.com

OLGA

olgaas@colexiorocio.com

SUSANA

susanamg@colexiorocio.com

PLAN DE ADAPTACIÓN Á SITUACIÓN COVID-19 NO CURSO 2020/2021

PLAN DE ADAPTACIÓN AO CONTEXTO DA COVID-19. Tal e como comentamos hai uns días, este  plan ten a intención de manter a seguridade do alumnado, o persoal docente e non docente e ás familias.

É importante que entendades que manter a seguridade na escola depende de todos nós.

PLAN DE ADAPTACIÓN DO RESÍO (PREME)

Este é a VERSIÓN 5 do plan, ao que o Equipo Directivo irá engadindo as novas que incorporen as Consellerías de Educación e Sanidade, mailas aportacións, que se consideren oportunas, por parte da Comunidade Educativa.

É un documento en constante revisión.

Dáse a coñecer tamén :

Quérese lembrar a obrigatoriedade das familias de facer un autotest de saúde antes da chegada do alumnado á escola.

Se premedes aquí tedes a ligazón ao:

MOITAS GRAZAS POLA VOSA COLABORACIÓN E AXUDA.

MANTER A SEGURIDADE DEPENDE DE TODOS NÓS.

 

 

 

10 DE SETEMBRO, UN INICIO DIFERENTE.

ESTAMOS DE VOLTA !

Diversas organizacións sindicais (CIG, CCOO, STEG e CSIF) convocaron unha folga para o día de hoxe.  O día 10 de setembro de 2020, pasará á historia por ser o día de comezo do curso escolar máis estrano dos últimos anos.

A pesar de garantir os servizos mínimos, as familias apoiaron ao equipo docente, e a actividade na escola foi pouca. Un triste inicio do curso no que estaremos invadidos polos xeles hidroalcólicos, os tapabocas, os viricicas, as pantallas, as sinalécticas,...

Pedimos responsabilidade. Entre todos debemos coidar as medidas de seguridade e cumplir as normativas sanitarias.

Apostamos polo ensino presencial, pero prepararémonos e formarémonos para a actividade telemática.

GRAZAS A TODOS POR APOIARNOS E ACOMPAÑARNOS TODOS ESTOS MESES,

BENVIDOS Á ESCOLA!

Xuntos iniciamos mañá unha nova aventura, pois...

No Resío contamos moito.

 

 

XUNTANZAS INICIO DE CURSO

Estamos a elaborar o Protocolo de adaptación á COVID19.

Valoraremos ás achegas da comunidade educativa.

 

A vindeira semana semana terán lugar xuntanzas explicativas do funcionamento do centro.

  • So pode asistir á xuntanza unha persoa por familia.
  • Os rapaces non poderán asistir.
  • O tapabocas é obrigatorio.
  • Deberán sentarse nos espacios habilitados para o mesmo.
  • Prégase puntualidade.
  • Débese respectar a distancia de seguridade polo que evitaremos a formación de pequenos grupos na entrada e na saída da escola.

As xuntanzas terán lugar na pista polideportiva.

Cadro de xuntanzas

Nivel educativo

Data 

Hora

4º Educación Infantil

07/09/2020

9.00h

5º Educación Infantil

08/09/2020

9.00h

6º Educación Infantil

08/09/2020

10.00h

1º Educación primaria

08/09/2020

11.00h

2º Educación primaria

08/09/2020

12.00h

3º Educación primaria

07/09/2020

10.00h

4º Educación  primaria

08/09/2020

13.00h

5º Educación primaria

07/09/2020

12.00h

6º Educación primaria

07/09/2020

11.00h

 

Na xuntanza do 4º curso de Educación Infantil, farase a explicación do periodo de adaptación establecido, se falará das normas de centro, das normas de aula,... tentaremos achegar un pouco a escola ás casas.

PERIODO DE ADAPTACIÓN E ACOLLIDA, 4º EDUCACIÓN INFANTIL.

 

 

 

 

PLAN DE ADAPTACIÓN Á SITUACIÓN COVID-19 NO CURSO 2020/2021

 

Benqueridas familias, levamos días preparando os documentos que a Consellería esixe dispor aos centros educativos. Concretamente, temos que elaborar tres:

  • PLAN DE ADAPTACIÓN AO CONTEXTO DA COVID-19
  • PLAN DE CONTINXENCIA e,
  • PLAN DE ACOLLIDA.

Imos comezar co PLAN DE ADAPTACIÓN AO CONTEXTO DA COVID-19. Este  plan ten a intención de manter a seguridade do alumnado, o persoal docente e non docente e ás familias. É importante que entendades que manter a seguridade na escola depende de todos nós.

PLAN DE ADAPTACIÓN DO RESÍO (PREME)

Este é o borrador do plan, ao que o Equipo Directivo irá engadindo as novas que incorporen as Consellerías de Educación e Sanidade, mailas aportacións, que se consideren oportunas, por parte da Comunidade Educativa. É un documento en constante revisión.

Antes do 10 de  setembro quedará concretado o  PLAN DE CONTINXENCIA, que ten a intención de manter a seguridade do alumnado, o persoal docente e non docente e ás familias, e o PLAN DE ACOLLIDA, no que se concretarán horarios de incorporación, entradas, saídas,...

 

Distribuir contido

Back to top