Novas
XUNTANZA INICIO DE CURSO
Posted Xullo 14th, 2016 by admin
TEMOS UN BLOG!
Co inicio deste novo curso temos novidades. A partires de agora o noso ANPA terá un blog. Nel subiremos toda a información importante das actividades extraescolares, dos talleres, da aula matinal,... e outras novas que podan ser do voso interese como membros comprometidos da nosa comunidade educativa.
Esperamos que sexa moi dinámico e que nos axudedes a que sexa un éxito.
Neste momento xa podedes consultar o cadro de actividades extraescolares provisional proposto para o curso 2017-2018, e podedes descargar o formulario de inscripción do ampa, descargar o formulario para anotarvos a piscina, consultar os Estatutos,...
Gustaríanos que o visitarades con frecuencia e que participarades en todo o posible.
CONCENTRACIÓN CONTRA A VIOLENCIA DE XÉNERO
O día 26 de Maio as 20.00 h, diante do Museo Marco (na rúa do Príncipe), a asociación rede de mulleres veciñais contra os malos tratos de Vigo, convoca unha concentración contra a violencia de xénero.
Esperamos que esta información sexa do voso interese.
EXCURSIÓN A CÍES
O sábado 18 de Xuño terá lugar, por terceiro ano consecutivo, a excursión de convivencia para familias do Ceip Virxe do Rocío ás Illas Cíes.
Recordarvos que o ANPA Os Irmandiños e un mero intermediario entre a naviera Mar de Ons e as familias, sendo cada familia responsable durante a xornada de convivencia dos membros do seu grupo e dos posibles percances que poidan suceder.
As datas para anotarse no local do ANPA son:
Os días 30 e 31 de Maio, 1 e 2 de Xuño de 9:00 a 10:00h
Os días 30 e 31de Maio de 16:00 a 17:00h
O prezo para os socios do ANPA é de 6,50 € (por persoa) e 7,50€ (por persoa) para os non socios; @s nen@s menores de 3 anos non pagan.
Tedes que efectuar o pago e darnos os nomes e os DNI (obrigatorio maiores de 12 anos) de tódolos membros do voso grupo antes do 3 de Xuño, xa que temos que facilitar o listado a navieira . Non será posible anotarse despois de esa data. Se queredes descargar o documento de solicitude de praza, podedes facelo aquí.
Se a previsión meteorolóxica é moi mala poderíamos anular a visita ata con tres días de antelación. Se o día esta nubrado a excursión faríase igualmente.
O sábado 18 de xuño xuntarémonos no Porto as 9:30h da mañá, xunto ao Nadador. Faremos unha ringleira diante das gradas para o reconto e dirixirémonos ao embarcadoiro dun modo organizado.
Embarcaremos sobre as 10:15h e a volta será as 19:15h, debemos estar no embarcadoiro da Illa as 19.00h para o reconto.
Recordarvos que levedes protección solar, gorras e bolsas para o lixo.
E MOI IMPORTANTE ESTAR AS 9:30h NO PORTO. O BARCO NON ESPERA
Ademáis, desde o ANPA Os Irmandiños estam@s moi interesad@s en coñecer a vosa opinión e atender as vosas suxestións e iniciativas por iso animámosvos a que aproveitedes a oportunidade e nos deixedes as vosas impresións mediante unha enquisa, de forma totalmente anónima, que podedes descargar desde aquí.
CHAPEUS POR SÍRIA
FOANPAS xunto coa Fundación Seur e a Asociación Alhambra, e por suxestión dunha nai que ten fillos escolarizados no ensino público e desexa permanecer no anonimato, poñemos en marcha a campaña
#chapeusxsiria.
Con esta iniciativa pretendemos visibilizar a situación das persoas refuxiadas nos campos de Grecia, procedentes de Siria, recollendo chapeus, puchos, gorras, viseiras… nos colexios.
A Fundación Seur encargarase xunto coa Asociación Alhambra de achegar estes chapeus e puchos.
É a nosa obriga visibilizar esta situación. Non podemos ficar de costas á realidade e temos a responsabilidade de educar ós/ás nosos/as fillos/fillas á vez que respostar ás súas preguntas.
Por que están esas nenas e nenos acampados, enlamados, esfameados…?
A campaña pretende que a nosa acción reflicta a vergoña que sentimos como cidadáns do ‘’primeiro mundo’’ ante esta realidade e impotencia de non facer nada.
Que todas/os as/os nenas/os e as súas familias teñan un chapeu vigués cubrindo as súas testas este verán e sentan as nosas apertas.
Se vos parece podedes acompañar un escrito de esperanza ou debuxo grapado ó chapeu ou pucho.
A entrega dos chapeus e puchos se recollan na ANPA, pódese que facer ata o día 10 deste mes, e farémola chegar a FOANPAS. Despois a Fundación Seur encargarase da súa recollida.
Moitas grazas por facelo posible.
PROPOSTA SOLIDARIA
A ONG Solidariedade Galega co Pobo Saharauí (SOGAPS) leva anos realizando o programa solidario "Vacacións en paz" que consiste en rescatar dos campamentos de refuxiados, no deserto de Tinduf en Arxelia, a nenos e nenas que son acollidos/as por familias solidarias coas que conviven, se alimentan e lles procuran atención médica.
Este ano, comezan unha campaña solidaria nos centros educativos xa que cada vez os recursos son máis escasos e complícase o costeo da viaxe destes/as cativos/as. Deste xeito, os nosos fillos e fillas toman conciencia da necesaria solidariedade coa aportación feita pola familia.
Ademais, SOGAPS tamén oferta charlas con saharauís e cooperantes sobre o problema dos/as refuxiados/as no Sáhara Occidental.
Se o considerades, podedes colaborar ingresando a cantidade que estimedes oportuna na conta de A Banca ES40 2080 5056 13 3040034374.
ALTERNATIVA Á REVÁLIDA
Como sábedes, a reválida de 6º de primaria está programada para os días 11, 12 e 13 de maio, e as de 3º de primaria para os días 24 e 25 de maio. Dende FOANPAS nos propoñen actividades alternativas para os pais que non envíen aos nenos a facer as probas. Para ampliar esta información, consultade o documento adxunto
ATENCIÓN: En previsión de choiva para mañana martes 24 de maio, cambiamos de ubicación as actividades para os nenos/as de 3º de Primaria que non asistan á reválida… Serán en FOANPAS nas instalación do IME.
AVALIACIÓN INDIVIDUALIZADA E FINAL DE PRIMARIA CURSO 2015/2016
Xúntase a Resolución do 18 de abril de 2016, da Dirección Xeral de Educación, Formación Profesional e Innovación Educativa, pola que se ditan instrucións para o desenvolvemento da avaliación individualizada de terceiro curso de educación primaria e da avaliación final de educación primaria nos centros docentes da Comunidade Autónoma de Galicia no curso escolar 2015/16.
http://www.edu.xunta.es/portal/sites/web/files/anunciog0164-210416-0003_gl.pdf
FOANPAS convoca unha CONCENTRACIÓN contra as avaliacións da LOMCE, coñecidas como reválidas. Estas terán lugar no vindeiro mes de maio en 3º e 6º de primaria e, en secundaria, implantaranse no vindeiro curso.
Estamos en contra destas probas por ser innecesarias e non ter un valor pedagóxico probado, como deixou constancia a Consellería de educación. As reválidas poñen en dúbida o traballo de todo o curso dos mestres e das mestras, xa que son probas externas, que non teñen en conta o día a día do alumnado, a súa evolución durante o curso e supoñen un trastorno no funcionamento dos centros e, sobre todo, para os nenos e as nenas, que se ven sometidos a unha presión innecesaria.
Para visibilizar isto e o borreguismo que promove a LOMCE, durante a concentración levaremos caretas e roupas que similen ovellas brancas e negras (o rebaño) e animámosvos a acompañarnos nesta caracterización levando tamén vós caretas e roupas de “ovella”.
VENRES 6 DE MAIO
ÁS 19:30 horas
NA FAROLA DE URZÁIZ
É importante a vosa presenza, así como a de todas as familias do centro polo que pregamos
CHARLA "AS REVÁLIDAS TOCANDO A PORTA"
FOANPAS ofrece unha charla coloquio dirixida á comunidade educativa dos centros de ensino público de Educación Infantil, Educación Primaria e Secundaria de Vigo.
“AS REVÁLIDAS TOCANDO A PORTA”
Estará impartida por membros dos sindicatos de ensino: CIG, CCOO, UGT e STEG. Nela tratarase todo o relativo ás avaliacións impostas na LOMCE, e que terán lugar no vindeiro mes de maio en 3º e 6º de primaria e se implantarán na secundaria no vindeiro curso: cando se realizan? En que consisten? Que fin ten cada unha? Como repercute no alumnado?
A charla terá lugar o VENRES 29 de ABRIL ás 18:00 horas. Será no Salón de Actos do Instituto Municipal de Educación (IME), sito en Camiño do Chouzo nº 2.
A inscrición pode facerse no 986 29 88 12 ou enviando un correo electrónico a foanpas@foanpas.com (con nome e apelidos, teléfono, e-mail e centro educativo ao que pertence).
- 1
- 2
- 3
- seguinte ›
- última »