tecedoras de versos

Para animar aos nenos e nenas de 4º de EP a anotarse no club fomos polas clases coas listas e lendo o conto de Maruchi.  Tecemos versos? Ganduxamos coma Maruchi? 

Nesta sesión das tecedoras xa nos atrevimos con puntos un pouco máis complexos! As nosas cadenetas e as nosas poesías xa presiden a cortiza do punto de lectura. 

As cadenetas medran... Xa imos collendo un pouco máis de soltura co gancho. 

Parece que o gancho non é tan fácil, deixámosvos unhas imaxes con esas caras de concentración tan especiais e tamén o próximo poema que imos ler, neste caso de Mar Benegas e as emocións. 

Os recreos dos martes no recanto de lectura da entrada iniciamos unha nova aventura con 9 nenos e nenas de 4º de EP. Estamos aprendendo a usar o gancho e lendo poesía. Velaquí unhas imaxes do que foi esta primeira sesión. Grazas profe Teresa polo teu tempo!