CEIP Plurilingüe Vicente Otero Valcárcel

O 1 de marzo tivo lugar a final do 1º Torneo de Xadrez do CEIPP Vicente Otero Valcárcel na Biblioteca do noso centro e como non podía ser doutro xeito, dende o Polo Creativo creamos o trofeo do gañador e unha peza impresa en 3D para a finalista. Foron semanas de emoción e desfrutaron moito durante o desenvolvemento do torneo. Tamén quedaron abraiados/as co trofeo! Tanto que agora queren aprender a deseñar en 3D e moito máis alumnado está interesado no Xadrez.

Velaquí unha imaxe do trofeo, da final que contou con moita expectación e dos finalistas na entrega de trofeos.

Este mes de entroido tivemos reto de antifaz STEAM para as familias e o alumnado en polos pola tarde. Podedes ver o ben que lle quedou a Nerea, de 2ºC , o seu antifaz maker.

Animádevos a seguir argallando en familia nos próximos meses!

Hoxe o alumnado de 5º de Educación Infantil descubriu a aula de Polos Creativos. Estiveron a probar os lapis 3D e fixeron uns corazóns para celebrar o día do amor (San Valentín). Aquí podedes velos traballando:

Este mes de febreiro durante os recreos moito alumnado está deseñando colgantes de corazóns con xornais. Asemade tamén están creando máquinas de todo tipo con LEGO e iniciándose no uso dun robot moi interesante: o Mind Designer.

Velaquí algunha fotos das súas producións:

Este mes festexamos a Candeloria no noso Polo Creativo co reto: Candeloria STEAM. Está dispoñible na aula de polos durante o horario lectivo para aquel profesorado que se anime a argallar co seu alumnado mesturando papiroflexia, circuítos e moita creatividade. Creouno profesorado integrante do equipo de Polos.

Aquí podedes ver algunha produción dos nosos minimakers:

O 30 de xaneiro conmemoramos o Día da Non Violencia e da Paz e no noso Polo creamos pulseiras, colgantes e aneis co símbolo da Paz con axuda dos lapis 3D.

Velaquí podedes ver as creacións destes pequenos/as makers:

Temos un novo espazo no noso centro, o Polo Creativo, que queremos compartir con vós e invitarvos e animarvos a vir a coñecelo e compartir cos/coas vosos/as fillos/as momentos de creación conxunta. 

Podedes ver máis información no seguinte tríptico.

Este mes avanzamos no noso Polo iniciándonos na impresión 3D cos lapis 3D. Para iso, traballaron con animais, enmarcado así no PDI do cole: ColeAnimal e crearon multitude de simbolos da Paz.

Os resultados foron "iMPRESIONartes"!! Velaquí unha pequena escolla.

Esta semana rematamos a creación do noso Polo Creativo. Un espazo que xa contaba con propostas pero que agora conta con máis recursos e cunha distribución moito máis versátil: cun espazo aberto con diferentes zonas para traballar as metodoloxías activas e o enfoque STEAM dun xeito moito máis atractivo.

Aquí tedes unhas poucas imaxes que permiten ver como quedou o noso Polo, despois do bo traballo do Equipo de Polos Creativos do centro. 

Este mes estivo marcado pola papiroflexia no noso Polo Creativo, sen deixar de lado a programación e as construcións con LEGO.

Tanto polas mañás, nos recreos, como polas tardes, nalgúns casos acompañados de familiares, o alumnado comezou a amosar as súas capacidades artísticas rodeados de libros que os guían no proceso de elaboración das súas obras.

PAPIROFLEXIA NADAL FAMILIAS de Terceiro Primaria

Hoxe había representación do noso centro na Formación de Polos Creativos, na Cidade da Cultura en Santiago de Compostela.

Crear novos espazos tecendo redes e compartindo inquedanzas con outros centros para poder mellorar o noso. 

Agardamos con entusiasmo poder seguir mellorando o noso Polo proximamente...

Esta semana comezamos os recreos empregando o noso Polo Creativo. A programación, os LEGO e a papiroflexia encheron de vida este espazo.

A creatividade foi obra do alumnado. Contamos co apoio do Equipo de Biblioteca que aportou libros que guiaron boa parte das manualidades que levaron a cabo. Seguiremos argallando ideas e dinamizando este espazo e agardamos que pronto vos poidamos ir dando novas novas.

Do 22 ao 25 de novembro, alumnado voluntario de 6º de EP (37 alumnos e alumnas) formáronse como colaboradores/as do espazo de Polos Creativos.

Ademais de coñecer aspectos organizativos (quendas, funcións...), normas e posibles usos do espazo nestas primeiras semanas durante os recreos (antes de iniciar a fase II de remodelación do espazo), viron a necesidade de poñerlle orde ao equipamento informático presente no Polo Creativo e xa se puxeron mans á obra.