Novas

Xa pode ser consultada na Secretaría do centro, a listaxe provisional de alumnado admitido e non admitido para o curso escolar 2022-2023.

Lémbrase que o noso horario  é de  9:30h a 14:30h.

Ábrese o prazo para solicitar praza no comedor escolar para o curso 2020/2021.

Instrución 2/2019, da Secretaría Xeral Técnica da Consellería de Educación, Universidade e Formación Profesional, do 16 de xuño, sobre o funcionamento dos comedores escolares de xestión directa no curso escolar 2020-2021.

PRAZOS DE PRESENTACIÓN DE SOLICITUDES:

-Para usuarios do comedor no curso anterior, o 2019-2020:

• Descargar e cubrir esta solicitude e entregala presencialmente no centro, en horario de 10:00h a 13:00h, ou ben deixala no buzón da porta. Tamén se poderán obter as solicitudes no propio centro. Plazo límite: o 30 de xuño.

• Igualmente, presentarase a folla de autodeclaración no centro e no mesmo horario. Prazo: do 1 ao 15 de xullo, ou ben, do 1 ao 9 de setembro. (Información útil para calcular a renda)
  

   

-Para novos usuarios: Terán indicacións no momento en que se formalice a matrícula (entre o 1 e o 10 de xullo)

ORDE do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21 (código de procedemento ED330B).

Prazo de presentación de solicitudes ata o 19 de xuño de 2020.

A solicitude será única para todos os fillos matriculados no centro. 

Presentación de solicitudes:

• Por vía electrónica a través da aplicación FONDOLIBROS (mediante Chave 365)
• No propio centro.

Documentación necesaria:

• Impreso de solicitude
• Copia do libro de familia ou documento equivalente, onde figure o alumno e demais membros computables da unidade familiar.

E de ser o caso:

• Certificado do grao de discapacidade do/da alumno/a ou de calquera membro da familia recoñecido por un órgano que non pertenza á Xunta de Galicia.
• Documentación xustificativa da situación de violencia de xénero no ámbito familiar, en calquera das formas que  enumera o artigo 5 da Lei 11/2007, do 27 de xullo, para a prevención e o tratamento integral da violencia de xénero.

• Resolución xudicial de incapacitación con patria potestade prorrogada ou rehabilitada.

   

Resolución do 5 de maio de 2020 (DOG 6/5/20), da Secretaría Xeral Técnica da Consellaría de Presidencia, Administracións Públicas e Xustiza,

PRAZO DE PRESENTACIÓN DE SOLICITUDES_____________________                                                    
Dende o 11 ao 18 de maio, ambos incluídos.

XEITOS DE PROCEDER PARA PRESENTAR SOLICITUDE____________

      -Presentando a solicitude a través da aplicación informática "AdmisionAlumnado"  

         Manual para as familias

      -Presentando a solicitude presencialmente no centro:

• O horario do centro para a presentación de solicitudes será de 10:00h a 13:00h e deberá pedir cita previa no teléfono 982870939.
• Terá que vir un só adulto e aconséllase traer o impreso xa cuberto (poderá aclarar as dúbidas previamente por teléfono), e recórdase a importancia de respectar as recomendacións hixiénicas e de distanciamento social tal e como está estipulado.

DOCUMENTACIÓN A ENTREGAR_________________________________

• Anexo II asinado polo solicitante (pai/nai /representante legal). No caso de separación ou divorcio necesitarase a sinatura de ambos proxenitores, agás que a patria potestade estea atribuída, con carácter exclusivo, a un deles.
• Fotocopia do DNI da/o alumna/o ou do libro de familia.
• Fotocopia do DNI do solicitante, e cando non se autorice a verificación de datos, tamén os dos membros computables da unidade familiar.
• No caso de alumnado con NEAE, documentación acreditativa da circunstancias que fundamentan esta petición.
• En caso de separación ou divorcio dos proxenitores, convenio regulador ou resolución xudicial de separación ou divorcio.
• Certificado de empadroamento actualizado.
• A documentación xustificativa de calquera circunstancia que se queira facer constar na baremación.

Queridas familias,

Xa sabedes que o centro ten organizada a actividade docente cos distintos grupos, por distintos medios.

Para completar dita actividade, estamos organizando videoconferencias co alumnado, para o que é convinte que visionedes o titorial de uso de WEBEX, ferramenta que facilita a Consellería a tal fin.