Taboleiro

Queridas familias,

Xa temos colgadas as fotos de este Entroido 2017 para que podades disfrutar do noso traballo.

Nesta ocasión e para seguir coas actividades enmarcadas no Proxecto Europeo Erasmus +, "JUST READ!" e relacionadas tanto con Biblioteca como con Normalización, os distintos grupos quixeron representar algúns dos cómics e bandas deseñadas máis populares de todos os tempos. É así que os de 3 anos foron Mafaldas, os de 4 e 5 anos foron Zipi e Zape; 1º e 2º os Bolechas; 3º e 4º Popeye e 5º e 6º foron Asterix. 

Durante as semanas previas ao desfile do día 24 polas rúas de Viveiro, os distintos grupos leron, visionaron, fixeron murais e aprenderon sobre o cómic e banda deseñada, e en especial, do cómic que ían representar, asi como confeccionaron os disfraces correspondentes.

Dende as clases de Ed. Fisica e Música, preparouse a posta en escena como toque final: as coreografías,cancións e representacións dramatizadas dos distintos grupos.

Para ver as fotos só tes que ir á Galería  ou ben clicar aquí.

CONSTITUCIÓN DA XUNTA ELECTORAL

De conformidade co establecido na Resolución do 26 de setembro de 2016 (DOG do 4 de outubro), realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Colexio.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

     - O Director ou directora do Centro.

     - Un profesor ou profesora.

     - Un pai ou nai ou titor legal.

     - Un representante do persoal de administración e servizos.     

Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste Centro o próximo día 28 de outubro, venres, ás 16,15 horas.

Esta é a relación de libros de texto para o vindeiro curso escolar 2016-2017. Nesta relación non figura a lista para  6º curso xa que continúa dentro do Proxecto E-DIXGAL.

Para ver a lista correspondente a cada curso, só tes que premer nel.

                     ED.INFANTIL                         ED. PRIMARIA

                       3 ANOS                                 1º CURSO

                       4 ANOS                                 2º CURSO

                       5 ANOS                                 3º CURSO

                                                                     4º CURSO

                                                                     5º CURSO

O pasado venres 13 celebramos o Magosto no noso colexio.

Coma sempre, cada grupo estivo preparando un tocado moi especial para lucilo ese día, o un cestiño o similar para levar as castañas asadas e poder degustalas comodamente cos compañeiros e compañeiras de aula.

Este ano fixemos a maiores unha exposición de peóns na porta de acceso ao patio onde se podían contemplar a nosa creatividade plasmada nesles. Alí tamén estaban ao noso acceso para poder bailalos durante os recreos.

Tamén como novidade, fixemos xogos populares. Divididos en dous equipos, xogamos ao brilé, aos zancos, peóns, corda, pano, tiro de castana e tiro á rá. E os máis pequenos tamén fixeron as carreiras de sacos e a busca de castañas.

Ben, como din que unha imaxe vale máis que mil palabras, o mesmo é mellor que vexades por vós mesmos o ben que o pasamos ao tempo do que aprendemos, para iso, preme aquí