Extraescolares e complementarias

Xornada deporte adaptado

Mér, 13/02/2019 - 21:15 — admin

O martes 12 de febreiro, o alumnado de 6º de EP participou nunha xornada formativa e deportiva de sensibilización sobre a diversidade funcional da man de Enki : un proxecto que promove a inclusión e visibilizacion dos colectivos e persoas con diversidade funcional, a través do deporte e o ocio.

Coñeceron de primeira man historias persoais de superación e loita de deportistas con discapacidade, xogaron e realizaron actividades deportivas, logrando ver a diversidade funcional como un acto de admiración e normalización.

Tras a charla e presentación inicial cos deportistas, tivo lugar a Actividade “Ponte no meu lugar”, onde puideron practicar tenis adaptado, handbike, fútbol a cegas e baloncesto en cadeira de rodas.

Queremos agradecer a presenza dos deportistas, que lograron sensibilizar ó noso alumnado en valores como a capacidade de superación, coñecer e vivenciar o deporte adaptado como medio de inclusión da discapacidade.

Educación vial: unha multa, unha flor

Lun, 11/02/2019 - 21:29 — admin

As alumnas e alumnos de 5º de EP do noso colexio participaron nunha iniciativa de educación vial : Unha multa, unha flor.

Esta actividade desarrollada pola sección de Tráfico da Policía local e dirixida por Silvia Castro, ten como obxectivos fomentar a mobilidade sostible e a actuación correcta de peóns e conductores.

Os nosos rapaces e rapazas saíron á rúa a observar as distintas actuacións, e non dubidaron en premiar con flores de papel (feitas por eles mesmos) cando as persoas realizaban accións sostibles, ou en cursar denuncias ficticias cando consideraban que había unha infracción.

A actividade foi un éxito, tanto polo valor en educativo como polo entusiasmo que mostrou o alumnado. Queremos agradecer a Silvia a súa implicación, que contribuiu ó éxito da actividade.

A noticia pulicouna La Opinión de A Coruña e pódese consultar pinchando aquí

Día da Paz e Non Violencia

Xov, 31/01/2019 - 22:00 — admin

Hoxe celebramos no noso centro o Día Escolar da Paz e Non Violencia.

Trátase dunha data especial, onde lembramos a necesidade da educación para a tolerancia, a solidaridade, o respeto ós Dereitos Humanos , a non violencia e a paz.

O acto foi entrañable e emotivo, participando toda a comunidade educativa: alumnado, familias, persoal docente e non docente,…

Comezou ca lectura dun manifesto pola Paz, mensaxes e cantamos unha canción en Lingua de Signos, finalizamos ca entrega dos xoguetes que tan xenerosamente donastes a María, a representante da ONG “Miradas ó Mundo”

Queremos agradecer a colaboración a todo o profesorado e membros da Comunidade Educativa .

Pódese acceder a unha galería de fotos do acto pinchando aquí.

La Opinión de A Coruña recolle a noticia, pódese acceder pinchando na seguinte ligazón : https://www.laopinioncoruna.es/multimedia/fotos/a-coruna-metro/2019-01-30-149960-alumnos-colegio-francisco-javier-participan-actos.html

E tamén no seguinte enlace: https://www.laopinioncoruna.es/multimedia/videos/a-coruna-metro/2019-01-30-164674-comunidad-escolar-celebra-violencia.html

REUNIÓN PROGRAMA TEI. TITORÍA ENTRE IGUAIS

Xov, 17/01/2019 - 20:03 — admin

Por segundo curso, participamos no proxectoTEI, programa de Titoría Entre Iguais, que se caracteriza por ser unha estratexia preventiva de participación e intervención na convivencia no centro.

Entre os obxectivos do programa figuran facilitar o proceso de integración do alumnado, previr as situacións de acoso escolar, favorecer a autoestima e diminuir a inseguridade, de espazos e organización descoñecidas, integrando a TOLERANCIA CERO no centro.

Este ano incorporaránse os novos grupos de 3º e 5º de EP, e continuarán os de 4º e 6º EP.

Dada a importancia do programa, invitamos ás familias do alumnado destes niveis á reunión informativa sobre o mesmo, que terá lugar, o vindeiro luns 21 de xaneiro, ás 18:00 horas no Salón de Actos do colexio.

Visita ASOTRAME

Mér, 16/01/2019 - 18:12 — admin

Un ano máis, contamos coa visita dos membros de ASOTRAME: Asociación de Galega de Trasplantados de Médula Ósea.

As rapazas e rapaces de 5º de EP, tiveron a oportunidade de recibir unha charla didáctica e informativa sobre un tema tan importante como este, desde unha perspectiva sensible e cercana, coñecer a campaña que están a realizar.

No corredor da planta baixa do centro deixaron unha pequena exposición itinerante que informa e sensibiliza sobre a doación de médula ósea.

Esta exposición pode ser visitada, e se pinchades aquí, veredes unha pequena mostra da mesma.

Grazas á asociación, así como os membros que acudiron ó colexio polo seu traballo e solidaridade.

BO NADAL 2018 !!!

Lun, 17/12/2018 - 17:49 — admin

Autora Postal: Sara Mboudou Vilas (6ºA)

A Comunidade Educativa do CEIP San Francisco Xabier

deséxalles un Bo Nadal e un Feliz Ano 2019

(BO NADAL 2018... FELIZ NAVIDAD 2018...MERRY CHRISTMAS 2018...)

"O Nadal ... non é un acontecemento, senon unha parte do seu fogar que un leva sempre no seu corazón" (Freya Stark)

Queremos agradecer a todos os alumnos e alumnas a súa participación na elaboración e diseño das postais de Nadal, e dar os parabéns a Sara Mboudou Vilas (6ºA) cuxa postal foi seleccionada dentro do concurso de Postais de Nadal para a felicitación de 2018

III CONCURSO DE RELATOS: NO MAGOSTO UNHA AVENTURA

Mér, 21/11/2018 - 18:29 — admin

Desde o EDLG convocouse a III CONCURSO DE RELATOS: NO MAGOSTO UNHA AVENTURA

Queremos agradecer a gran acollida e participación de todo o alumnado e profesorado, así como dos membros do equipo. A calidade dos traballos foi fantástica, e aquí deixamos unha mostra dos mesmos.

Parabéns a todos os participantes e en especial ós premiados e premiadas !!!

CELEBRAMOS O MAGOSTO

Lun, 12/11/2018 - 19:44 — admin

Celebramos o MAGOSTO 2018-19 por todo o alto!!! Ademáis de comer as castañas que estaban riquísimas, tivemos unhas xornadas de xogos na que esta rica froita foi a protagonista!!

Participamos no circuito castañil, tres en raia, diana, paseamos a castaña,... canto disfrutamos!!!!

Pincha aquí para ver unha pequena reportaxe do ben que o pasamos!!

MERCADILLO DE MIRADAS AO MUNDO 2018

Mér, 20/06/2018 - 12:47 — admin

ESTE ANO COMO NOS ANTERIORES E CHAGADAS ESTAS DATAS DE FINAIS DE CURSO CELEBRAMOS O NOSO TRADICCIONAL MERCADILLO SOLIDARIO COA COLABORACIÓN DA ONG CORUÑESA "MIRADAS AO MUNDO".

E UNHA SATISFACIÓN COMO EDUCADORES VER A IMPLICACIÓN DO ALUMNADO TANTO COLABORADOR COMO PARTICIPANTE NA ADQUISICIÓN DOS MÁIS DE 200 ARTIGOS QUE SE EXPUXERON. DESTACAR OS HABALORIOS AFRICANOS QUE TANTO ÉXITO TIVERON ENTRE PEQUENOS E MAIORES.

Para ver fotos pinchade aquí.

FIN DE CURSO NO CEIP SAN FRANCISCO XABIER. XUÑO-2018

Mér, 06/06/2018 - 13:47 — admin

ENTRADOS NO MES DE XUÑO E XA POUCO QUEDA PARA REMATAR ESTE CURSO 2017-2018. NESTE ESPAZO IRANSE COLGANDO AQUELAS INFORMACIÓNS E DOCUMENTOS DE ESPECIAL SIGNIFICATIVIDADE.