CEIP San Francisco Javier

Publícase hoxe no Portal Educativo da Xunta de Galicia o inicio do procedemento de admisión de alumnado en centros públicos para o vindeiro curso 2023-24, co inicio da fase de reserva de prazas en centros de adscrición.

No caso do noso centro, diríxese ao alumnado que actualmente cursa 6º de Primaria e desexe reservar praza para cursar 1º ESO no IES Monelos, que é o noso centro de adscrición.

Máis información: https://www.edu.xunta.gal/portal/node/42051

O próximo día 15 de xaneiro de 2024 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

O prazo de presentación de solicitudes abranguerá do 15 de xaneiro ao 5 de febreiro do 2024, ambos incluídos.

Tanto a presentación das solicitudes como a consulta das listaxes de admitidos, que se publicarán o día 22 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/)

O Equipo de Biblioteca do centro quere trasladar ás familias unhas recomendacións de lecturas para o Nadal.

FELICES FESTAS EN FAMILIA!!

Estimadas familias:

Informamos que, seguindo o Protocolo de Protección de Datos da Consellería de Cultura, Educación, Formación Profesional e Universidades da Xunta de Galicia, a partir deste curso 2023-24 as cualificacións do alumnado, consideradas como datos persoais, serán enviadas a través do ABALAR para garantir a confidencialidade destes datos.

Soamente, de forma excepcional este primeiro trimestre, a causa de problemas informáticos, o alumnado de Educación Infantil levará un boletín informativo impreso para as familias. Cada alumno/a de Educación Infantil levará un só boletín por familia. Aquelas familias que desexen un boletín impreso das cualificacións do seus fillos/as deberán solicitalo na administración do centro por escrito. Estes boletíns entregaranse en man á familia solicitante.

Con motivo do 25N, Día Internacional para a Eliminación da Violencia de Xénero, recibimos no noso centro a Abraham, un Policía Nacional que veu falar sobre ese tema tan importante ao noso alumnado de 5º e 6º.

Informámosvos de que a Consellería vai dar comezo o vindeiro luns día 13 de Novembro, ás obras de instalación do ascensor e de adaptación dos baños do alumnado.

Estas obras obrigan a reorganizar, de forma provisional mentres non se rematen, algúns aspectos do funcionamento do centro.

Afectarán a todas as plantas e en especial ás escaleiras da zona esquerda (a máis próxima ao comedor) e aos baños do alumnado (de nenos) así como o cambiador, que quedarán provisionalmente inutilizados.

As medidas de reorganización que atinxen ás familias relaciónanse coas entradas e saídas e recóllense na Circular adxunta.

Lembramos que as obras, aínda que sempre supoñen algunha molestia:

- Vanse realizar con garantías de seguridade do alumnado.

-Son necesarias para adecuar as instalación á normativa de accesibilidade.

-Van mellorar as instalación e o benestar do alumnado.

 Polo tanto, pedímosvos paciencia e colaboración.