Skip to Content

FONDO SOLIDARIO DE LIBROS DE TEXTO E AXUDAS PARA ADQUIRIR LIBROS E MATERIAL ESCOLAR 2024/2025

Mar, 21/05/2024 - 22:02 — admin

Infórmase da publicación no Diario Oficial de Galicia do día 20 de maio de 2024, a Orde do 7 de maio de 2023 pola que se regula a participación no fondo solidario de libros de texto e material escolar, destinada ao alumnado matriculado en educación primaria, educación secundaria obrigatoria e educación especial en  centros docentes sostidos con fondos públicos, para o curso escolar 2024-25.

ORDE DO 7 DE MAIO

 

Prazo de presentación de solicitudes: do 21 de maio ao 21 de xuño.

 

FONDO SOLIDARIO DE LIBROS DE TEXTO

Alumnado matriculado en 3º, 4º, 5º e 6º de educación primaria.   

 

  AXUDAS PARA ADQUISICION DE LIBROS DE TEXTO

 Alumnado matriculado en 1º, 2º de educación primaria e en educación especial; así como as axudas que pode recibir o alumnado incluído na disposición adicional 1º (discapacidade maior ou igual 65%) e na disposición adicional 2º (necesidades específicas de apoio educativo – NEAE).

AXUDAS PARA A ADQUISICIÓN DE MATERIAL ESCOLAR

Alumnado de todos os cursos de educación primaria.

 

DOCUMENTACIÓN

 

- Solicitude de participación (Anexo I)

- Anexo II (comprobación de datos dos membros computables da unidade familiar)

- Copia do libro de familia ou documento equivalente.

En caso de separación ou divorcio, ademais deberán achegar a sentenza xudicial e/ou convenio regulador.

As solicitudes pódense tramitar preferiblemente por vía electrónica, nos formularios normalizados (ED330B anexos I e II) nos seguintes enlaces:

- Na aplicación  da Consellería de Educación FONDOLIBROS 

 

- Na sede electrónica da Xunta de Galicia

 

- ou de forma presencial na SECRETARÍA do centro onde estén admitidos para o curso 2024-2025, presentando os seguintes impresos, que tamén estarán a disposición no centro:

Anexo I e II

BOLBORETEANDO!!

Mar, 14/05/2024 - 00:04 — admin

Seguimos co noso proxecto sobre a primavera e decidimos realizar unhas bolboretas. Para iso e como somos moi bos reciclando e aproveitando que estamos no programa de Voz Natura, utilizamos material de refugallo. Neste caso, rolos de papel hixiénico e cartón de galletas.

Primeiramente, unha vez que tivemos todo o material, pintamos os rolos con pincel e pintura líquida. Cada discente escolleu a cor que quería.

A continuación, fixemos boliñas de papel de seda de moitas cores para pegalas nas ás. Este último paso foi o que máis lles custou debido a que tiñan que realizar moitas e é un traballo onde se require de motricidade fina ao ter que facer un movemento moi preciso e pequeno, ademais de atención e concentración na tarefa.

Por último, puxemos uns olliños móbiles, un sorriso e unhas antenas cos limpapipas. O resultado foi espectacular e pódese ver nas nosas ventás da aula e nas fotiños.

Dende logo, encántanos bolboretear!!

Álbum: Curso 2023-2024 -> Bolboretas

MAXIA POTAXIA!!

Lun, 13/05/2024 - 23:57 — admin

O mundo de infantil é totalmente maxia. Por iso encántanos levala a cabo sempre que podemos. Nesta ocasión, realizando debuxos e verbas invisibles.

Polo tanto, soamente necesitamos unha cartolina de cor branco, unha cera branca, pincel, acuarelas de cores e un pouquiño de auga.

Unha vez preparado o material comeza a maxia! Cada neno e nena ten que escribir ou debuxar o que queira na cartolina e claro eles din “profee non se ve nada”. Porén... co pincel e a acuarela temos que pasar por enriba de onde se escribiu.

De súpeto... podemos ler e ver o que escribimos e debuxamos... ANDA QUE DIVERTIDO!!! É unha actividade onde axudamos a afianzar a lateralidade, traballamos a motricidade fina, fortalecemos o noso agarre, a pinza e sobre todo pasámolo xenial e fomos magos por un día!!

Grazas Estreliñas!!

Álbum: Curso 2023-2024 -> Maxia

FESTA CON ANTÍA

Mér, 01/05/2024 - 19:37 — admin

Para rematar este mes cheo de aniversarios tocou festexar o de Antía. Mirade a ilusión que tiña que xa sabía de que cor quería a coroa dende principios de mes e preguntando cando era o seu cumple.

Unha vez que chegou o día, nada máis entrar xa nos contou que tiña 5 anos e os agasallos que tivo. Polo tanto, convertiuse na protagonista do día e os seus compañeiros/as fixéronlle uns debuxos para o recordo e logo foi o momento de soprar as candeas e comer a torta.

Antía estaba moi contenta e os seus amigos e amigas cantáronlle as cancións típicas deste día, déronlle moitos agarimos e sobre todo bailaron moito.

Así mesmo, Antía non se esqueceu da súa profe e trouxo algo para min que estaba moooi rico, moitas grazas, xa que me fixo moito ilusión!

Por último, reflectir que foi un día moi divertido e Antía xa está a pensar no seguinte aniversario! Segue así de leda sempre e con ese sorriso que nos ofreces cada día. Moitas felicidades!!!!!!!

Álbum: Curso 2023-2024 -> Cumpreanos Antía

Menú do mes de Maio

Xov, 25/04/2024 - 23:59 — admin

Bo día! A continuación deixámosvos o menú do mes de Maio

Día do libro

Mér, 24/04/2024 - 23:18 — admin

Onte 23 de Abril celebrouse o día do Libro, para conmemorar este día cada un dos alumnos/as escolleu un libro da bilioteca e saímos ao patio a desfrutar da lectura nun entorno diferente o da aula que estamos acostumados. 

Álbum: Curso 2023-2024 -> Día do libro

Os froitos do noso horto

Mér, 24/04/2024 - 23:13 — admin

Xa empezan a asomar os froitos do noso horto, polo que o pasado venres fomos recoller os amorodos e as leitugas. O alumnado de educación infantil foi o encargado da recollida dos amorodos, mentres que o alumnado dos dous grupos de primaria (1º,2º e 3º) e (4º, 5º e 6º), participou na recollida das leitugas, as cales posteriormente degustamos no xantar, que boas estaban!

Álbum: Curso 2023-2024 -> Horto III

VOLTA AO SOL DE ARUME!

Mér, 24/04/2024 - 12:15 — admin

O 22 de abril, tivemos un novo aniversario. Neste caso tratouse do de Arume que xa cumpliu 4 anos!! Viña moi emocionado porque tiña gañas de festexalo cos seus compañeiros/as de clase. Así pois, puxémonos mans á obra e Arume convertiuse no rei da aula coa súa coroa con coches que lle encantan e todos os seus amigos/as fixéronlle un debuxo moi especial para que se lembre deles sempre.

A continuación, montamos a torta, cantamos o cumpreanos feliz e soplou as candeas pedindo coma sempre un desexo. Logo, repartironna entre todos e todas para comela e por último bailamos e cantamos todas as cancións típicas da ocasión.

Por último, Arume tiña unha sorpresa para todas as estreliñas... unha bolsiña con moitos agasallos dentro!!! Repartiunas e todos lle deron as grazas!!! Polo tanto, soamente queda dicir que moitas felicidades!!!! Pouco a pouco vémoste crecer e nos encanta ver o ben e o rápido que o facedes. Segue con ese sorriso sempre Arume!!

Álbum: Curso 2023-2024 -> Cumpreanos Arume

VISITA AO PLANETARIO E A TORRE DO HOMENAXE

Xov, 18/04/2024 - 20:25 — admin

No día de hoxe realizamos unha visita ao planetario do IES A Pinguela situado en Monforte de Lemos, e onde o alumnado do centro puido coñecer gran cantidade de cousas sobre as diferentes estrelas e constelacións. Aproveitamos a visita a Monforte, para ver tamén a torre do Homenaxe.

Deixámosvos algunhas fotos da nosa visita! 

Que ben o pasamos!

 

Álbum: Curso 2023-2024 -> Visita ao planetario

O noso horto

Xov, 18/04/2024 - 20:10 — admin

A semana pasada tamén fomos ao horto a traballar onde os nenos/as de infantil e primaria (1º,2º e 3º), puideron observar como foron crecendo as plantas. As leitugas, amorodos e perexil que plantamos xa fai tempo atrás, están case listas para recoller. E as plantas dos chícharos xa medraron moito.

Ademais os alumnos/as tamén puideron plantar porros e pementos, que ben o pasamos. Moitas grazas Mari Carmen por ensinarnos tantas cousas sobre a horta. 

Álbum: Curso 2023-2024 -> Horto II
Distribuir contido


by Dr. Radut