Diante das orientacións dadas pola Consellería de Educación sobre o desenvolvemento para o 3º trimestre, o claustro de profesorado do CEIP Rosalía de Castro reuniuse hoxe ás 10.00 AM e tomou os seguintes acordos:
1. Afondar na titorización do alumnado de cada grupo, artellando os medios electrónicos que iso supoña (AbalarMóbil, correo electrónico, ...) Cada titor/a comunicará ao seu grupo a ferramenta acordada para establecer esa titorización.
2. Secuencialización das tarefas: As tarefas propostas terán unha secuencialización diaria, adapatada ás cargas lectivas de cada área, facendo fincapé nas áreas instrumentais (lingua e matemáticas). Segundo o fixado nas orientacións dadas pola Consellería, estas actividades pasan a ser avaliables e deberán ser feitas por todo o alumnado. O centro garantirá os medios de publicación necesarios para que cheguen ao conxunto xeral do alumnado. A temporalización da súa publicación será fixada pola mestra/e e comunicado ás familias.
3. Avance no currículo: Segundo as orientacións fixadas pola Consellería, todos os cursos farán un reforzo das competencias xa adquiridas, podendo facer avances en aqueles conceptos xa dados, é dicir, reforzaremos avanzando.
4. O profesorado do centro establecerá os medios oportunos para que haxa unha retroalimentación das tarefas enviadas ao alumnado, coa súa correspondente valoración e proposta de mellora. Tamén establecerá canles de comunicación con elas/es para comentar difcicultades, aportar melloras, ....
5. A avaliación desta terceira avaliación e da avaliación ordinaria farase seguindo estrictamente as instruccións fixadas pola Consellería e o Ministerio de Educación.
Todos estes acordos entran a día de hoxe en vigor e están supeditados a futuras instruccións que fixe de novo a autoridade educativa.
Estanse artellando as estratexias correspondentes para que as familias poidan recibir os libros de texto e materiais necesarios para rematar este curso.
As tarefas correspondentes a esta semana do 20 ao 25 de abril, PUBLICARÁNSE MAÑÁ MARTES, 21 DE ABRIL DE 2020
