“ En marzo, saca a vella o refaixo”
Benvidos/-as a marzo! Dentro de moi pouco chega a primavera, e con ela engalánanse os prados e as árbores. Ademais, din que o sangue se altera e os namorados multiplícanse, será verdade? “Nin marzo con flores nin moza sen amores” di o noso refraneiro popular.
Pero o refrán que eliximos para estrear este mes di que en marzo a velliña saca o refaixo. O refaixo é unha peza de roupa interior de abrigo, que se poñía por debaixo da saia e tiña a mesma forma que esta. Servía para abrigar as pernas.
Pois chegado marzo, esperemos que o tempo nos permita facer como a vella, e o sol e a calor comecen a acompañarnos.
Feliz mes.
