CEIP Ramón de Valenzuela

BECAS E AXUDAS NEAE- 2023-2024

As familias interesadas en solicitar as Becas e Axudas de NEAE deberán presentar a documentación debidamente cumprimentada e asinada no centro dende o 8 de maio do 2023 ata o 20 de setembro do 2023 (ambos inclusive). 

A partires dese momento, o Departamento de Orientación elaborará os informes oportunos e encargarase, xunto coa dirección, de enviar as Becas ao organismo responsable para a súa valoración. 

Prema no seguinte enlace para acceder á convocatoria: 

https://www.educacionyfp.gob.es/servicios-al-ciudadano/catalogo/general/05/050140/ficha/050140-2023.html

 

LISTAXE PROVISIONAL ALUMNADO ADMITIDO CURSO 2023/24

Informamos que todo o alumnado que fixo a solicitude en prazo está provisionalmente admitido

A listaxe definitiva de admitidos sairá o 15 de maio

O prazo de formalización de matrícula será do 20 ao 30 de xuño

Día non Lectivo no noso Centro

Queridas familias,

Lembrámosvos que o próximo MARTES 2 de MAIO será NON LECTIVO no noso Centro.

O MÉRCORES 3 retomaranse as clases con regularidade.

Un saúdo
A Dirección

 

 

Menús comedor Abril a Xuño

Día NON Lectivo

Queridas familias,

Lembrámosvos que o próximo LUNS 13 de MARZO será NON LECTIVO no noso Centro.

O MARTES 14 retomaranse as clases con regularidade.

Un saúdo
A Dirección

 

 

ADMISIÓN DE NOVO ALUMNADO CURSO 2023/24

O prazo para presentar solicitudes de admisión para novo alumnado ábrese o día 1 de marzo e estenderase ata o 20 do mesmo mes.

As solicitudes poderán presentarse presencialmente no centro, en Sede Electrónica ou ben a través do seguinte enlace:

https://www.edu.xunta.gal/admisionalumnado/

Para calquera dúbida, pódese acudir ao centro educativo ou ben chamar ao 886151718.

Os impresos de solicitude pódense coller no colexio de 09:30h a 13:00h, tamén se poden descargar premendo aquí: Solicitude de admisión ordinaria

Normativa de aplicación:

  • Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).
  • Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

 

Calendario de aplicación:

1. Publicación de postos escolares vacantes: antes do 1 de marzo.

2. Prazo de presentación de solicitude de admisión: do 1 ao 20 de marzo.

3. Prazo de presentación da documentación acreditativa dos criterios de baremo: 10 días hábiles, contados a partir do día seguinte ao remate do prazo para presentar as solicitudes de admisión.

4. Publicación das listaxes provisionais do alumnado admitido e non admitido: o 25 de abril.

5. Prazo de reclamación contra as listaxes provisionais: 5 días hábiles, contados a partir do seguinte á data de publicación das listaxes provisionais do alumnado admitido e non admitido.

6. Publicación das listaxes definitivas do alumnado admitido e non admitido: o 15 de maio.

7. Prazo para formalizar a matrícula en educación infantil e primaria: do 20 ao 30 de xuño.

 

 Vacantes para o curso 2023/2024

 

Curso

Prazas por curso

Permanencias

Vacantes

4º Inf.

25

0

25

5º Inf.

25

7

18

6º Inf.

25

9

16

1º Pri.

25

11

14

2º Pri.

25

11

14

3º Pri.

25

15

10

4º Pri.

25

18

7

5º Pri.

25

12

13

6º Pri.

25

13

 

         12

DÍA DE ROSALÍA DE CASTRO 2023

O pasado xoves 23 de Febreiro celebramos o "Día de Rosalía de Castro". As actividades foron moitas e variadas dende a visualización dunha biografía da escritora, a creación propia de chapas ou a plantación de pensamentos, a flor preferida de Rosalía.

Entre todas as aulas fixemos unha flor que adorna a entrada do cole coma símbolo do amor da poeta pola Natureza. Os máis pequenos fixeron unha composición que mesturaba palabras de emoción, sentimento, natureza coa imaxe que nos evocaba; e sempre con Rosalía de fondo. Os maiores empregaron para a súa composición un poema de Rosalía e crearon un propio empregando 4 palabras que escolleran de dito poema. Coma sempre a foto de Rosalía presidindo todas as composicións. Aquí temos o resumo dun fermoso día.

 

Información para alumnado de 6º Primaria

O I.E.S. Plurilingüe Pintor Colmeiro informa de que todo o alumnado do CEIP Ramón de Valenzuela que solicitou reserva de praza no período indicado para iso, nos meses de xaneiro e febreiro, ten garantida esta praza para o curso 2023-24. Deberán formalizar a matrícula entre o 23 de xuño e o 7 de xullo de 2023.

Para máis info preme na imaxe :

 

 

OS CACHARELOS VISITARON O NOSO COLE

Os Cacharelos son personaxes que protagonizan o domingo do Entroido en Lalín. Engalanados con roupas de cores laranxas, amarelas e vermellas que lembran as lapas de lume das cacharelas e cunha máscara que imita o "Mascarón" da obra de Laxeiro, achegáronse ao noso cole a falarnos e darnos a coñecer a tradición deste Entroido que está medrando rapidamente.

Picade na imaxe para ver todo o que aprendemos.

ALTO DOS XENERAIS INFANTIL

En Bandeira o Entroido é unha tradición e calquera que pase pola zona non pode deixar de ver o "Alto dos Xenerais". Na escola temos a sorte de contar cuns "xenerais" moi especiais que cada ano veñen a facer, en primicia o "Alto dos Xenerais Infantil" para os compañeiros e compañeiras do cole. É o mellor alto que podedes ver neste Entroido!! Picade na imaxe e veredes!!

Powered by Drupal - Design by artinet