Iniciar sesión: Acceso

UN NADAL ESPECIAL

 UN NADAL ESPECIAL

Comezamos este curso coa incertidume e preocupación que supón  a ameaza da COVID-19. As normas e os protocolos para protexer a saúde da comunidade educativa tomaron protagonismo e formaron parte das nosas vidas modificando o noso día a día da vida na escola.

 Entre todxs asumimos un reto que non era doado, pero non hai que buscar héroes e heroínas lonxe, porque os temos preto, eses son os nosos nenos e nenas que nos amosaron a súa valentía, traballando con ilusión e cumplindo normas responsablemente, sen protestar pola máscara, o frío, a distancia....

 Día a día, paso a paso, fixemos o camiño: seguimos rutinas, soñamos, debatimos, preguntamos, indagamos, creamos, escoitamos…e rematamos un primeiro trimestre xuntos, construíndo.

 Hoxe remata o trimestre. Quixemos recoller algunha actividade para compartir con vós o que foi este Nadal tan distinto desta familia, coa morriña dun festival que compartíamos xuntos construíndo un día fermoso. Pero ahí está de novo a ilusión e a búsqueda doutras alternativas e os nosxs nenxs  souberon atopar  o  esencial, momentos entrañables, emotivos, con desexos que seguro nos axudan a coñecernos mellor, a discernir o importante nas nosas vidas, o esencial frente ao consumismo, a ter máis claro o futuro que queremos…

 Aquí tedes os desexos de Nadal da familia do CEIP da Pobra do Brollón  que de seguro coinciden cos de moitísimas máis persoas. Din que o que se desexa de verdade, con intensidade, se cumple.

Desxos de  Nadal de Infantil

Desexo de Nadal de 1º e 2º

Desexo de Nadal de 3º e 4º

Desexo de Nadal de 5º e 6º

Desexo de Nadal do profesorado

 Os nenos e nenas de quinto e sexto teñen moooita enerxía e iniciativa! Así que eles buscaron a maneira de facernos chegar unha pinguiña de Nadal e coa súa titora e profe de inglés prepararon este fermoso baile. Que saibades que se non cantan e por recomendación de prevención da saúde senon cantarían e bailarían.

 Aquí tedes a súa fermosa aportación.

We wish you a Merry Cristmas

 E se hai que escribir cartas, tamén as escribimos. Este ano tocoulle ao Nadal. Os nosxs biblioaxudantes escribironlle cartas ao Nadal; cartas tan cheas de esencialismo e sentidiño común, de bos desexos... que as levamos a radio Guímaro. Se as queredes coñecer escoitadeo seu programa de radio.

Cartas para o Nadal en Radio Guímaro

E verteron soños e crearon historias fermosas para participar no Certame de contos de Nadal que cada curso convoca o centro. Este ano foi o XXX Certame de Contos de Nadal. As historias dos gañadores coñecerédelas no vindeiro exemplar da revista Outeiro que se podemos, editaremos como cada curso escolar en xuño. coñecede os gañadores:

Entrega de premios do Certame de Contos de Nadal.

Primeiro: Gonzálo Suárez.

Segundo: Antía Rodríguez.

Terceiro: Fransony Baez

Cuarto: Nuno Alves

Quinto: Alejandra Rivera

Sexto: J. Ramón Suárez

 Pero o que non sabían e que tiñan unha sorpresiña e despois de tanto traballo, ben merecida!  Así que o 22 despois do recreo houbo en cada aula un obradoiro de Nadal e chogou Papá Noel para visitalos nas nelas, entregarlle os calendarios deste ano, que levan un motivo do nadal, Os nenxs e nenxa convertidos en bonecos de neve e aprovitou tamén para darlle os premios do certame de contos de Nadal. Podedes disfrutar das imaxes da visita de Papá Noel premendo aquí. 

 Por certo tamén participaron, como cada ano, nos Concursos de postais de nadal e de poemas que convoca o concello.

Como vedes meréceno todo!.

Brindis da nosa comida de nadal.

Así que un merecido descanso, e a disfrutar con sentidiño do Nadal.

 

 

 

 

 

FELICITACIÓN NADAL 2020

FELICITACIÓN NADAL 2020

Pincha AQUI

RADIO NA BIBLIO. PROXECTO INTERCENTROS COÑECENDO OS NOSOS CONCELLOS

RESPOSTA AO CEIP PLURILINGÜE VIRXE DO CARME DE SOBER: OS NOSOS RIOS

Este curso está a ser ben distinto e tamén difícil. As medidas de prevención e protección da saúde ante a pandemia da COVI-19 modificaron as nosas vidas, e tamén o día a día da nosa escola.

A elaboración de protocolos,  os materiais, a posta en marcha dun curso tan distinto e peculiar… fixeron que a reanudación deste proxecto empezara con retraso. A isto sumouse as faltas máis continuas do alumnado, que fai difícil a grabación dun programa, pois o absentismo derivado dos catarros é maior que outros cursos.

 O curso paado os nosos compañeiros de sober pediannos que lle contaramos dun río que compartimos ao seu  paso polo noso concello: O rio Sil. Así que  Por fin, damos resposta  a través da radio á súa pregunta que quedou en espera dende o curso curso 2019-20, e con ela, reanudamos este apaixoante proxecto  a través do que compartimos información que nos permite coñecernos melllor e sobre todo decubrir minuciosamente  a nosa  contorna, o patrimonio natural, histórico, etnográfico que temos nos nosos concellos….

Unha vez máis a pregunta dxs nosxs compañeirxs  deu lugar a un traballo de investigación do alumnado de 5º e 6º que indagou sobre os ríos que surcan o concello da Pobra do Brollón, que como ides ver  son varios.

Se queredes coñecer que ríos pasan polo noso concello e como lle confiren riqueza, actividades de lecer, turismo e singulariedade escoitade o noso programa.

 OS RÍOS QUE PASAN POLA POBRA DO BROLLÓN

 

 

 

MES DA CIENCIA

MES DA CIENCIA.

A ciencia forma parte das nosas vidas.  Entender o mundo, explicar os cambios que nos rodean: o tempo, a transformación da contorna… indudablemente vivimos rodeados de ciencia. 

O mes de novembro e da ciencia invítanos a reflexionar sobre a   importancia da ciencia; de ser  curiosos e investigar porque o saber sempre nos servirá. Abordamos o mes da ciencia dende varios ámbitos:

1.- Na biblio creamos  o recunho dos libros  dos experimentos e os biblioaxudantes axudaron a colocar e a rotular  etiquetas informativas co material de consulta  que podemos atopar nela.

2.- Achegámonos a ciencia da micoloxia coa participación das familias, e neste caso Silvia, a mamá de Dani que a acompañou, saíron ao monte para ofrecernos unha pequena ruta micolóxica a través de vídeo, para podelo compartir dende as aulas, sen mezclar alumnado, e garantindo as medidas de prevención e protección da saúde a que estamos sometidos por mor da COVID-19.

Mil grazas Silvia, por achegarnos este fermoso agasallo por doble partida: as sorpresas  coas que xenerosamente  nos agasalla o monte, e polo tanto a importancia de ser respetuosos con él e coidalo e por axudarnos a coñecer mellor o mundo da micoloxia  compartindo  cos demáis os teus coñecementos. Tamén é verdade que hai que estar moi atentos, algúns cogomelos non son comestibles e poden ser moi perigosos. Para saber mais achégate aos vídeos de Silvia e o seu axudante Dani.

Ruta micolóxica con Dani e Silvia 1.

Ruta micolóxica con Dani e Silvia 2.

E se queredes saber da clasificación dos grandes reinos e un deles, o dos fungos aquí tedes tamén o resultado do traballo do alumnado de 6º. Este ano non o compartiron cos máis pequenos como outros cursos, por mor das normas da COVID-19 pero está exposto no corredor para compartir o seu traballo e a información cos demáis e neste  esquema.

3.- Realizamos experimentos: Se algo lles gusta aos nenos e nenas e argallar, experimentar….así que, o momento é o ideal para convertilos en científicos e descubridores e que nos conten….Condicionados pola COVID-19, sen poder compartir xuntos, como outros cursos, fixemos experimentos nas aulas para compartilos logo cos demáis compañeiros a través desta páxina web e tamén con todos os que a visitedes.

Experiemento de infantil

Experimento de 1º e 2º

Experimento de 3º e 4º

Experimento de 5º

Experimento de 6º

Seguiremos a equipar a biblioteca con material que nos achegue aos múltiples campos da ciencia, seguiremos despertando no alumnado a curiosidade, fomentando preguntas, alentando a búsqueda das respostas…. Na ciencia está moitas veces a solución se a descubrimos, agora mesmo a Ciencia, o saber humano acaba de porlle un freno á pandemia da COVID-19 co descubrimento da vacina.

 

25 NOVEMBRO, NON A VIOLENCIA DE XÉNERO

 REXEITAMOS A VIOLENCIA!

Na semana do 25 de novembro incidimos na sensibilización e involucración para erradicar esta lacra social,a violencia de xénero. Conscientes de que a educación desempeña un papel importante, preparamos diversas actividades que promovan a reflexión do alumnado acerca deste tema ou calquer tipo de violencia.

 Varias foron as propostas en torno ás que traballamos:

 A biblioteca xoga un papel fundamental neste campo achegando historias e diversos materias e ferramentas para promover distintas actividades comezando por crear o recuncho de contos con esta temática.

 Dende o departamento de Orientación realizouse unha selección de cortos en torno a esta temática, así como a necesidade  igualdade e de respecto entre as persoas   para traballar nas aulas durante esa semana na hora de ler.

Selección cortos

 Infantil viron: “Super Lola, a heroína que maís mola”, “Lalo, o príncipe rosa”, “a boneca que elixiu conducir”. Despois crearon as súas reflexións.

 1º e 2º viron: “Super Lola, a heroínana que mais mola”  “Lalo, o príncipe rosa”,  “O amor une ás persoas”. Despois reflexionaron sobre eles. O venres, no obradoiro de linguas, traballaron coa historia de “Super Lola”.  describírona e crearon os seus propios héroes e heroínas.

 3º e 4º: viron e traballaron con “Mariquita e Orlandito”, “Ceniciento” "A boneca que elixiu conducir"

 5º e 6º: viron e traballaron con: “Artur e Clementina”, “Ceniciento” “A boneca que elixiu conducir”. Despois de cada curto analizase e realizan as súas reflexións. Crearon os seus lemas de rexeitamento da violencia.

 Lemas Non violencia de xénero

 Os biblioaxudantes, despois de ver o corto de Artur e Clementina e dado que temos o conto na biblioteca decidiron contalo para toda a comunidade educativa a través dun vídeo conto.

Conto Artur e Clementina

E despois realizamos unha reflexión conxunta que cada un personalizou. Podedes ver as imaxes AQUI

 O mércores 25 de novembro recibiron a visita de persoal do concello: o Sr. Alcalde, concelleiros e persoal de servizos sociais. Esta conmemoración solía facerse conxunta na Casa da cultura do Concello e no parque, así que dada a situación de pandemia este curso, invertiuse. Visitaron as aulas, para non mezclar o alumnado e despois de animalos a traballar sempre a prol da igualdade e no respeto ás persoas para que desapareza a violencia de xénero no futuro, regaláronlles a cada nenx un xogo dos Bolechas acerca da igualdade, ambientado no noso concello para xogar en familia.

 Imaxes deste día

 Clubs de lectura: Durante este mes promoveuse a lectura de libros en torno a esta temática, lendo nos grupos un de forma colectiva por aulas para traballar sobre él nos clubs de lectura de 3º e 4º e 5º e 6º.

Infantil leron: "Maruxa" de Eva Mejuto.

1º e 2º: leron "Orellas de Bolboreta"

 3º e 4º leron “Xela volveuse vampira” de Fina Casal de Rey.

 5º e 6º leron: “A lagoa das nenas mudas” de Fina Casalderrey e “O único que queda é o amor” de Agustín Fernández Paz.

Seguiremos camiñando sen permanecer pasivos ante  situacións de violencia inda que non vaia con nós. Seguiremos tendendo pontes para que o futuro sexa cada día máis claro, sen violencia. Se camiñamos da man da xustiza, do respeto, da igualdade….seguro que o futuro mañá, nas mans dos que son nenxs hoxe, será  inclusivo, creativo, respetuoso, diverso, constructivo…

 

PLAN PROXECTA 2020/2021

Un ano máis, o noso centro foi admitido para participar nunha nova convocatoria do Plan Prxecta, unha iniciativa na que levamos xa percorrido e que este ano se converte en todo un reto para nós Debído á COVID 19. 

Entre todos, esperamos desenvolver un Proxecto Deportivo que, pese a manter as normas sanitarias e recomendacións, nos permita seguir disfrutando dos tempos de lecer así como das actividades deportivas que realizamos no cole. Seguiremos informándovos!

Podedes consultar a resolución premento aquí

A XOGAR!

PONENCIA NOS ENCONTROS DE BIBLIOTECAS ESCOLARES:RADIO GUÍMARO NO CONFINAMENTO

COMPARTIMOS A NOSA EXPERIENCIA: RADIO GUÍMARO NO CONFINAMENTO

Dende o CEIP da Pobra do Brollón participamos, a petición dos responsables da Asesoría de Bibliotecas Escolares, nunha ponencia, durante os encontros de Bibliotecas Escolares, para contar a nosa experiencia dende a radio na biblio, durante o confinamento, no curso 2019-20.  Compartimos as actividades levadas a cabo dende Radio Guímaro cxs biblioaxudantes (alumnado de 5º e 6º).

Agradecemos a Asesoría de Bibliotecas Escolares esta oportunidade de divulgar e valorar o traballo do CEIP da Pobra do Brollón.

Deixamos enlace á presentación da ponencia.

RADIO GUÍMARO NO CONFINAMENTO

FORMACIÓN PENDENTE RADIO NA BIBLIO

FORMACIÓN RADIO NA BIBLIO PENDENTE DO CURSO 2019-20

O xoves pasado, 12 de novembro chegou a formación de radio na biblio pendente do curso pasado por fin!. Varios foron os motivos de non a poder facela antes; a posta a punto do novo espazo da biblio e tamén da radio foi o principal.  Faltan detalles importantes no recuncho da radio como a conexión a internet,  pero  decidimos buscar alternativas a esta necesidade e facer a formación pois o alumnado estaba desexando estrear o que lle faltaba da biblio: A radio!.

E se a radio a estreamos da man de Luis Losada de Rede Espora, o éxito xa está garantizado!. Esta formación que ía dirixida ao alumnado de 5º e 6º as profes presentes: a titora do grupo e e a de galego e CN, non perdemos tampouco detalle!. Explicoulles as vantaxes da radio frente a outros medios, as características e ferramentas que se necesitan para contar cun laboratorio de radio, como se desenvolve o proceso dunha grabación, e como facelo!

E por fin baixaron á radio. Tiñan preparado fragmentos dos textos de Olga Novo: “Os ollos de miña nai” e “O pequeno Petrucio e a naiciña nai” por mor do día das escritoras. Así que organizáronse en 3 grupos de 4 para manter o aforo, organizaron o guión e chegou ese momento tan esperado que non lles daba chegado: Grabar, este curso, un programa de Radio!

Un  día, sen dúbida, moi enriquecedor. Moitas grazas Luis, por engancharnos a todxs  desta maneira coa calidade dos contidos, co bo facer e bo traballo.

Radio Guímaro por fin! un curso máis, Está en marcha!

Disfrutade das imaxes deste fermoso día AQUI

 

DÍA DAS ESCRITORAS

DÍA DAS ESCRITORAS

Conmemoramos o día das escritoras con retraso, e aínda por riba, tamén tivemos algúns atrancos coas ferramentas tecnolóxicas, Pero inda así, esta reportaxe non pode faltar, porque tampouco faltaron experiencias entrañables que vivimos  coas lecturas das escritoras que eleximos para conmemorar este día.

Moitas son as escritoras  que temos afortunadamente, e todas merecen o noso recoñecemento, así que cada ano iremos elexindo algunhas tendo en conta os lemas ou simplemente por ter vivido experiencias coas súas lecturas… pero representan a todo o conxunto de escritoras que nos fan viaxar, soñar, remover emocións… A todas o noso agradecemento dende este pequeno recuncho do CEIP da Pobra do Brollón.

Como actividade para esta conmemoración propúxose que cada curso traballara cunha escritora para dala a coñecer despois aos demáis cursos a través dos grupos estables de convivencia nas aulas.

Os nenos e nenas de infantil déronnos a coñecer a Eva Mejuto, a autora do conto que nos contaron polo día da biblioteca: “A mosca chosca”. Coñecédea da súa man neste vídeo.

Eva Mejuto

Os nenos e nenas de 1º e 2º que estaban a  traballar no obradoiro de linguas co conto “El monstruo de colores” contáronnos este fermoso conto e presentáronnos a Anna Llenas.

Anna LLenas

Os nenos e nenas de 3º e 4º traballaron con Elena Villar Janeiro. Recítan poemas acompañados coa música  que creou o seu profe Pablo.

Poemas de Elena Villar Janeiro

Os nenxs de 5º e 6º elexiron a Olga Novo, dado o vínculo afectivo que mantemos con esta escritora, que naceu neste concello, así como o recente premio nacional de poesía que acaba de recibir. Tendo en conta tamén, o lema deste ano “O esforzo cotian das mulleres”, Seleccionamos fragmentos de hipertextos da sección de "O bosque dos Cromososmas” nos que publica historias entrañables de perosas reais a través dos que pon en valor a vida das persoas humildes do rural  eloxiando o traballo duro e incansable das nosas avoas e avós.Selecionamos fragmentos de dous textos de Olga; “Os ollos de miña nai”, adicado á súa nai e de: “O pequeno Petrucio e a naiciña nai”, adicado aos seus irmáns maiores.

Cada un leo o seu fragmento en familia, e xuntos fixeron a súa valoración. Así que detrás dos textos  emotivos, e entrañables de Olga apareceron as reflexións dos nenxs e familias. Con eles creamos tres programas de radio que podedes escoitar aquí.

Día das Escritoras. Prgrama 1

Día das Escritoras. Programa 2

Día das Escritoras. Programa 3.

Seguro que vos vedes reflexados e que vos emocionades tanto coma nós.  As palabras que agroman das emocións que removen o interior, que espertan os nosos recordos e flúen para describir os  sentimentos son as mellores!

 

CELEBRAMOS O SAMAÍN

SAMAÍN E HALLOWN NO CEIP DA POBRA DO BROLLÓN

Un chisco tarde, pero como a celebración está feita, dende o 30 de outubro, aquí está a reportaxe. Coa chegada do Samaín saen dos andéis da biblio as lecturas e contos de medo, coñecemos historias e escritores de medo da man da biblio e tamén das nosas familias!

Este curso todo é distintos, así que o de compartir contos de medo coas familias na biblioteca todxs xuntos, como viñamos facendo os cursos anteriores, ou a exposición de cabazas, non se puideron facer pero buscamos alternativas.

As familias aportaron as súas historias  de medo a través de vídeos ou audios que logo compartimos nas aulas, na hora de ler, o venres 30, por certo,  contadas  xenialmente.  Moitas grazas pola vosa participación e  bo traballo.  Disfrutamos ilusionados cos contos de medo e é que non éra para menos, e senon aquí os tedes.

Lidia e Martín, os papá de Emma e Martín, Contáronnos unha historia  que ten moito de realidade,  pois está basada en feitos da postguerra civil.

Conto de Lidia e Martín: Contos da avoa Pepa

Eva, a madriña de Marina,  contonos unha intrigante historia de medo, a través dun audio que nos mantivo en vilo.

Conto de Eva, madriña de Marina

María e Iago, os papás de Enzo, contáronnos unha historia terrorífica tan ben ambientada  que xa de por sí austaba.

Conto de María e Iago

Silvia, a mamá de Antia tamén nos contou unha historia entre simpática e de medo….quen non lle ten medo ao lobo e sobre todo se o conto se titula: voy a comedte!

Conto de Silvia

Marisa, a nai de Lola e Diana contounos o seu intrigante conto de medo cheo de suspense...

Conto de Marisa

No cole celebramos o Samaín emparentado con Hallowen dende a materia de inglés. Así que a aula de inglés e ata a profe nalgunhas clases, ambientáronse  coa temática de Samaín. Non pudieron disfrazarse como de costumen xs nenxs de 5º e 6º pero tiveron un conto en inglés.

E o alumnado tamén seguiu facendo as súas cabazas en familia, como cada ano!. En vez de chegar a cabaza ao cole chegou unha imaxe da cabaza, que logo imprimimos e coas que adornamos a parede da escaleira da entrada. Así que, de novo grazas familias pola voas colaboración, porque entre todxs celebramos o Samaín.

Aqui podedes disfrutar das imaxes das cabazas e aquí dun vídeo resumo.

Pero como cada ano, Óscar e Ana tamén nos sorprenderon no comedor! E a comida facía honra ao samáin.

De primeiro comemos crema de Cabaciña con decoración, e de segundo!: no prato había a figura dun esqueleto, nada máis nin nada menos que coas tripas!! Era costela asada con salchichas e tomate! E de postre non podían faltar as chuches de Samaín!

Imaxes do menú terrorífico

Seguiremos camiñando, buscando as mans de todxs para facer o camiño máis seguro nestes tempos difíciles.

 

 

 

Distribuir contido