Iniciar sesión: Acceso

Radio escolar

RADIO NA BIBLIO. PROXECTO INTERCENTROS COÑECENDO OS NOSOS CONCELLOS

RESPOSTA AO CEIP PLURILINGÜE VIRXE DO CARME DE SOBER: OS NOSOS RIOS

Este curso está a ser ben distinto e tamén difícil. As medidas de prevención e protección da saúde ante a pandemia da COVI-19 modificaron as nosas vidas, e tamén o día a día da nosa escola.

A elaboración de protocolos,  os materiais, a posta en marcha dun curso tan distinto e peculiar… fixeron que a reanudación deste proxecto empezara con retraso. A isto sumouse as faltas máis continuas do alumnado, que fai difícil a grabación dun programa, pois o absentismo derivado dos catarros é maior que outros cursos.

 O curso paado os nosos compañeiros de sober pediannos que lle contaramos dun río que compartimos ao seu  paso polo noso concello: O rio Sil. Así que  Por fin, damos resposta  a través da radio á súa pregunta que quedou en espera dende o curso curso 2019-20, e con ela, reanudamos este apaixoante proxecto  a través do que compartimos información que nos permite coñecernos melllor e sobre todo decubrir minuciosamente  a nosa  contorna, o patrimonio natural, histórico, etnográfico que temos nos nosos concellos….

Unha vez máis a pregunta dxs nosxs compañeirxs  deu lugar a un traballo de investigación do alumnado de 5º e 6º que indagou sobre os ríos que surcan o concello da Pobra do Brollón, que como ides ver  son varios.

Se queredes coñecer que ríos pasan polo noso concello e como lle confiren riqueza, actividades de lecer, turismo e singulariedade escoitade o noso programa.

 OS RÍOS QUE PASAN POLA POBRA DO BROLLÓN

 

 

 

PONENCIA NOS ENCONTROS DE BIBLIOTECAS ESCOLARES:RADIO GUÍMARO NO CONFINAMENTO

COMPARTIMOS A NOSA EXPERIENCIA: RADIO GUÍMARO NO CONFINAMENTO

Dende o CEIP da Pobra do Brollón participamos, a petición dos responsables da Asesoría de Bibliotecas Escolares, nunha ponencia, durante os encontros de Bibliotecas Escolares, para contar a nosa experiencia dende a radio na biblio, durante o confinamento, no curso 2019-20.  Compartimos as actividades levadas a cabo dende Radio Guímaro cxs biblioaxudantes (alumnado de 5º e 6º).

Agradecemos a Asesoría de Bibliotecas Escolares esta oportunidade de divulgar e valorar o traballo do CEIP da Pobra do Brollón.

Deixamos enlace á presentación da ponencia.

RADIO GUÍMARO NO CONFINAMENTO

FORMACIÓN PENDENTE RADIO NA BIBLIO

FORMACIÓN RADIO NA BIBLIO PENDENTE DO CURSO 2019-20

O xoves pasado, 12 de novembro chegou a formación de radio na biblio pendente do curso pasado por fin!. Varios foron os motivos de non a poder facela antes; a posta a punto do novo espazo da biblio e tamén da radio foi o principal.  Faltan detalles importantes no recuncho da radio como a conexión a internet,  pero  decidimos buscar alternativas a esta necesidade e facer a formación pois o alumnado estaba desexando estrear o que lle faltaba da biblio: A radio!.

E se a radio a estreamos da man de Luis Losada de Rede Espora, o éxito xa está garantizado!. Esta formación que ía dirixida ao alumnado de 5º e 6º as profes presentes: a titora do grupo e e a de galego e CN, non perdemos tampouco detalle!. Explicoulles as vantaxes da radio frente a outros medios, as características e ferramentas que se necesitan para contar cun laboratorio de radio, como se desenvolve o proceso dunha grabación, e como facelo!

E por fin baixaron á radio. Tiñan preparado fragmentos dos textos de Olga Novo: “Os ollos de miña nai” e “O pequeno Petrucio e a naiciña nai” por mor do día das escritoras. Así que organizáronse en 3 grupos de 4 para manter o aforo, organizaron o guión e chegou ese momento tan esperado que non lles daba chegado: Grabar, este curso, un programa de Radio!

Un  día, sen dúbida, moi enriquecedor. Moitas grazas Luis, por engancharnos a todxs  desta maneira coa calidade dos contidos, co bo facer e bo traballo.

Radio Guímaro por fin! un curso máis, Está en marcha!

Disfrutade das imaxes deste fermoso día AQUI

 

DÍA DAS ESCRITORAS

DÍA DAS ESCRITORAS

Conmemoramos o día das escritoras con retraso, e aínda por riba, tamén tivemos algúns atrancos coas ferramentas tecnolóxicas, Pero inda así, esta reportaxe non pode faltar, porque tampouco faltaron experiencias entrañables que vivimos  coas lecturas das escritoras que eleximos para conmemorar este día.

Moitas son as escritoras  que temos afortunadamente, e todas merecen o noso recoñecemento, así que cada ano iremos elexindo algunhas tendo en conta os lemas ou simplemente por ter vivido experiencias coas súas lecturas… pero representan a todo o conxunto de escritoras que nos fan viaxar, soñar, remover emocións… A todas o noso agradecemento dende este pequeno recuncho do CEIP da Pobra do Brollón.

Como actividade para esta conmemoración propúxose que cada curso traballara cunha escritora para dala a coñecer despois aos demáis cursos a través dos grupos estables de convivencia nas aulas.

Os nenos e nenas de infantil déronnos a coñecer a Eva Mejuto, a autora do conto que nos contaron polo día da biblioteca: “A mosca chosca”. Coñecédea da súa man neste vídeo.

Eva Mejuto

Os nenos e nenas de 1º e 2º que estaban a  traballar no obradoiro de linguas co conto “El monstruo de colores” contáronnos este fermoso conto e presentáronnos a Anna Llenas.

Anna LLenas

Os nenos e nenas de 3º e 4º traballaron con Elena Villar Janeiro. Recítan poemas acompañados coa música  que creou o seu profe Pablo.

Poemas de Elena Villar Janeiro

Os nenxs de 5º e 6º elexiron a Olga Novo, dado o vínculo afectivo que mantemos con esta escritora, que naceu neste concello, así como o recente premio nacional de poesía que acaba de recibir. Tendo en conta tamén, o lema deste ano “O esforzo cotian das mulleres”, Seleccionamos fragmentos de hipertextos da sección de "O bosque dos Cromososmas” nos que publica historias entrañables de perosas reais a través dos que pon en valor a vida das persoas humildes do rural  eloxiando o traballo duro e incansable das nosas avoas e avós.Selecionamos fragmentos de dous textos de Olga; “Os ollos de miña nai”, adicado á súa nai e de: “O pequeno Petrucio e a naiciña nai”, adicado aos seus irmáns maiores.

Cada un leo o seu fragmento en familia, e xuntos fixeron a súa valoración. Así que detrás dos textos  emotivos, e entrañables de Olga apareceron as reflexións dos nenxs e familias. Con eles creamos tres programas de radio que podedes escoitar aquí.

Día das Escritoras. Prgrama 1

Día das Escritoras. Programa 2

Día das Escritoras. Programa 3.

Seguro que vos vedes reflexados e que vos emocionades tanto coma nós.  As palabras que agroman das emocións que removen o interior, que espertan os nosos recordos e flúen para describir os  sentimentos son as mellores!

 

DIA MUNDIAL DO MEDIO AMBIENTE.O TRATAMENTO DE ENVASES E PLÁSTICOS

DÍA MUNDIAL DO MEDIO  AMBIENTE.

TRATAMENTO DE ENVASES E PLÁSTICOS.

Realizando traballos para Voz Natura coñecemos un pouco mellor os envases e plásticos e démonos conta como esta cultura tan arraigada nas nosas vidas de usar e tirar está perxudicando gravemente o noso planeta e a saúde de todxs.

O planeta está a sufirir pola contaminación que producen estes vertidos en calquer lugar ou o seu uso esaxerado ou inadecuado, e con él a nosa saúde.

Vimos como os plásticos tardan moitos anos en degradarse, e cando o fan contaminan...pola contra se os depositamos no lugar axeitado: o colector amarelo ou o punto limpo volveranse usar para facer outros materiais.

Aproveitando que o cinco de xuño conmemoramos  o día mundial do Medio Ambiente,  colabora responsable e sustentablemente co teu planeta e celébrao levando á túa vida a regra dos tres erres: Reduce, Reutiliza, Recicla.

Hai moitas razóns de peso para facelo, porque os beneficios son para todxs, para ti tamén.

Queres saber máis??

Escoita o noso programa de Radio Guímaro:

O TRATAMENTO DOS ENVASES E PLÁSTIOS

 

 

O MEU PRIMEIRO DÍA SEN COVID-19

O MEU PRIMEIRO DÍA SEN COVID-19

Dende a área de lingua Castelá, a través da aula virtual, propúxoselle ao alumnado de 5º e 6º un obradoiro de escritura creativa, no que tiñan que crear o seu texto:

Pensa e escribe: que farás o teu primeiro día sen COVID-19?

Unha actividade que os invita a reflexión, a falar da súa experiencia ante esta pandemia e aprendizaxes e que xenerou escritos emotivos, maduros, repletos de autenticidade, que despois levaron a Radio Guímaro.

A radio escolar está a ser un vínculo de unión entre os nenos e nenas, entre as familias, unha canle de comunicación extraordinaria dende as súas casas no confinamento ao eterior.

Agradecemos como sempre, a Manuel de Eco FM a súa montaxe.

Aqui tedes o programa, se queredes escoitar, as aprendizaxes, os soños e proxectos cargados de ilusión dos nosos nenos e nenas, escoitade o programa.

O MEU PRIMEIRO DÍA SEN COVID-19

LETRAS GALEGAS, RICARDO CARVALHO CALERO

LETRAS GALEGAS E RICARDO CARVALHO CALERO

Hoxe inda que na distancia, únenos a festa das nosas letras, a afirmación de bos tempos para as nosa cultura. Homenaxe aos que traballaron e reivindicaron a nosa identidade como pobo galego, con cultura e lingua de seu.

Nesta páxina colgamos varios recursos con enlaces aos materias da Secretaría Xeral de Política Lingüística a fin de que todo o alumnado e familias puidesen coñecer mellor a este gran galego, Ricardo Carvalho Calero.

Este ano, inda que esta festividade está posposta, xs nosxs nenxs de 5º e 6º  traballaron durante a semana, na aula virtual, coa biografía e obra de Ricardo Carvalho Calero. Así que creamos escaleta e  grabaron os  audios dende as súas casas para crear un programa de radio.

Queredes coñecer a Ricardo Carvalho? Escoitade Radio Guímaro.

Letras Galegas e Ricardo Carvalho Calero

 

O alumnado tamén participou nun concurso virtual convocado pola biblioteca municipal do concello da Pobra do Brollón. "Cóntame algo de Ricardo Carvalho Calero. 

Cos seus traballos compuxemos este vídeo.

Grazas familias e nenxs por estar sempre á altura, grazas tamén a Manuel de Eco FM pola montaxe do programa.

RADIO GUÍMARO E O DÍA DO LIBRO

RADIO GUÍMARO E O DÍA DO LIBRO

Nestes intres, nos que o mundo da docencia se atopa nas casas, non quixemos pasar sen celebrar o día do libro e aproveitar para comunicar aos rapaces entre si.

Así que os biblioaxudantes, nenos e nenas de 5º e 6º, prepararon dende as súas casas audios nos que recitan poemas sobre  Galica e estes momentos de confiamento. Con eles Manuel de EC FM Ribeira Sacra montou este programiña que emitiron na súa emisora o sábado e que hoxe facemos chegar a todas as familias a través dos grupos de Whatsap.

Desexamos que vos guste. Foi feito polos nenos e nenas de 5º e 6º con moito cariño

RADIO GUÍMARO POEMIÑAS ENTRAÑABLES.

 

 

 

PROGRAMA DE RADIO: QUEDA NA CASA!

PROGRAMA DE RADIO:QUEDA NA CASA!

Chegou unha situación excepcional que nos tocou vivir coa pandemia do COVID-19.

A suspensión das clases e o confinamento obrigou a todo o profesorado a buscar canles de comunicación co alumnado e coas familias, pasando a tomar o protagonismo os medios telemáticos que poidan, senon suplir, polo menos paliar a posibilidade de continuar traballando, proporcionar ao noso alumnado e  familias recursos e materiais para que conten con traballo que lles permita dalgún xeito manter rutinas, seguir aprendendo, e sobre todo seguir comunicándonos.

Aproveitamos a proposta de Manuel de Eco FM, Ribeira Sacra e dende as casas a través da aula virtual e o whatsap creamos un programa de radio. Puidemos seguir traballando de xeito colaborativo, facendo algo que lles encanta: radio,  e mantendo así comunicación co exterior. Reflexionamos sobre como nos tocaba afrontar esta situación a través deste programa de radio: QUEDA NA CASA!

Agradecemos moito a proposta de Mnuel de Eco FM que nos brindou a posibilidade de seguir facendo radio e   realizou esta estupenda montaxe.

Se o queres ouvir:

Radio Guímaro: QUEDA NA CASA

COÑECENDO O ENTROIDO DE SALCEDO CON MARISA

RADIO GUÍMARO, FAMILIAS E ENTROIDO.

Chega a época do entroido, unha festa de tradición en Galicia, e moi peculiar en algunhas zonas, unha delas a nosa localidade de Salcedo, con variedade de actividades: teatro, baile de disfraces, saída de personaxes como as Madamas e os Danzantes e o Oso..

Aproveitando a expereiencia e formación das familias, esta vez tocoulle a Marisa, presidenta da ANPA do colexio, e involucrada no entroido de Salcedo dende nena por pertenecer a esta localidade. Así que veu a falarlles aos nenxs deste entroido tan peculiar, e ademáis aproveitamos para iniciar outra experiencia coa radio escolar, a participación das familias. Así que despois da charla para todxs que reflexamos na reportaxe do blog da biblio, acudiu tamén a unha entrevista que lle fixeron xs nexs de 5º e 6º. Deste xeito achegámonos ás nosas tradicións da man das familias, recollemos información, divulgámola a través de Radio Guímaro e participan na radio escolar.

Queredes coñecer as peculiaridades do entroido en Salcedo?

Pois escoitade o programa O entroido en Salcedo

Distribuir contido