Iniciar sesión: Acceso

Plan Proxecta, Proxecto Deportivo

RECREOS SAUDABLES. Plan Proxecta.

 

Tal como vimos facendo en anteriores cursos, este ano continuaremos cos nosos recreos saudables. Dende o día 1 de outubro ata o 29 de maio buscaremos que os tempos de lecer sexan máis activos, máis saudables, nos que a actividade física estea presente.

 

ZONA 1

ZONA 2

ZONA 3

LUNS

1º / 2º

3º / 4º

5º / 6º

MARTES

LIBRE

MÉRCORES

3º / 4º

5º / 6ª

1º / 2º

XOVES

LIBRE

VENRES

5º / 6º

1º / 2º

3º / 4º

 

OBSERVACIÓNS:

• O material de cada unha das zonas cóllese ao comezo do  tempo de lecer (tanto no da mañá coma no do comedor) e débese deixar recollido ao rematar.

• Os luns, mércores e venres cada grupo xogará na súa zona co material que lle corresponde.

• Os martes e xoves pódese xogar en calquera das zonas, con calquera material e con calquera compañeiro /a.

• Os días que chova non se seguirá esta organización, dadas as limitacións dos espazos.

• A zona 2 é a única na que se pode xogar ao fútbol.

• Os grupos son os seguintes:

-         

1º / 2º: Pedro, Antía, Ada, Lúa, Ariadna.

-      3º / 4º: Antón, César, Nuno, Enma, Zeltia, Elena, Sara, Candela, Lola, Ainara, Alejandra, Keira, Héctor, Dinis.

-         

5º / 6º: Senén, Fabián, Amanda, Aelfie, Manuel, Daniel, José Ramón, Marco

   Este ano contamos contamos con 5 nenas e nenos no agrupamento de 1º e 2º de Primaria, polo que decidimos que os nenos de 6º Curso de Educación Infantil, poidan xogar e participar nos recreos saudables con ese agrupamento sempre que o desexen. 

 

Material das zonas:

-         

ZONA 1: 1 Pelota baloncesto, 1 pelota voleibol, 1 pelota de espuma, 2 cordas.

-         

ZONA 2: 1 Pelota de fútbol, 1 pelota de baloncesto, 1 pelota balonmán.

-         

ZONA 3: 1 pelota espuma (brilé), 2 aros grandes.

-         

ZONA INFANTIL: 1 Pelota espuma, 3 pelotas plástico, 5 aros pequenos.

 

Comezamos!

 

 

 

IV ANDAINA CAMIÑO DE INVERNO.

 

Camiño.

O día 2 de outubro participamos na actividade que organiza dende hai 4 anos a Asociación  Camiños a Santiago pola Ribeira Sacra para os escolares de infantil, primaria e secundaria da zona e na que participamos, acompañados polos profesores, máis de mil escolares.

Para nós foi moi especial por varias razóns: porque era a nosa primeira saida deste curso, e tamén porque o tramo era dende a Localidade de Cereixa, no noso concello ata Monforte. Este era o tramo máis longo de 11 km, no que participamos xs nenxs de 3º,4º,5º,e 6º cos de  secundaria. O segundo tramo incorporábase en Reigada, na localidade dos Campos, comprendía uns 5 km. Dende este punto participaron moitos centros de primaria e un terceiro no que participaron os de 1º, 2º e infantil comprendía un km, dende o Campo da Virxe, en Monforte ata o Parque dos Condes, punto de chegada para todxs.

Gustounos moito percorrer o tramo dende Cereixa, pasamos pola localidade de Rairos e logo camiñamos pola natureza, case todo polo monte ata chegar a Reigada, os Campos donde nos deron  para repoñer forzas unha mazá, unha botella de auga, e unha barriña enerxética. Seguimos o camiño xa menos agreste,  ata  Monforte, donde entramos polo barrio das Cruces. Camiñamos un anaco paraleos á via do tren. Xa na Florida percorremos a Rúa Roberto Baamonde, pasamos pola Praza de España, Cardenal ata chegar ao Parque dos Condes. Punto de Chegada para todxs.

Estivemos guiados e acompañados, ademáis de polos nosos profes por persoas da Asociación.  Tamén nos guiaban as flechas amaarelas, colocadas en árbores, ou donde fosen visibles e os mollóns, esas pedras de pedra coa cuncha e a frecha amarela. O tramo non presentaba dificultade, asi que puidemos disfrutar da beleza das carballeiras, e outras árbores.

So tivemos un pequeno atranco que retrasou a nosa chegada, que foi un tramo entre Reigada e Monforte que tiña auga no camiño e polo que tivemos que pasar de un en un así que, a pesar de ser un tramo equeno, como eramos moitos, fixonos parar un bo anaco. Pero enfin, tamén aproveitamos para descansar e para facer amigos compartindo esta experiencia cos coles que levavamos ao lado.

Ao chegar ao Parque dos Condes, falaba pola radio en Onda cero, algún neno ou nena de cada cole contando o que lle parecerá, e falando deste camiño de inverno, que cada ano coñecemos un pouco máis gracias a esta asociación e que como non! Forma parte da nosa historia, do noso patrimonio, orixinando coa súa existencia, moitos monumentos ao seu paso: albergues, hospitais ou igrexas…. Nas que paraban os peregrinos…Un valor dos moitos que agocha Galicia, que temos a sorte de que pase pola nosa zona e que hoxe debemos despertalo e coidalo  entre todxs.

Podedes disfrutar das imaxes deste fermoso día premendo aquí. 

XOGOS TRADICIONAIS. Plan proxecta.

A pasada semana e seguindo coa celebración do día das Letras Galegas, celebramos as Xornadas de Xogos tradicionais Galegos, dentro do noso proxecto deportivo de centro. Coñecer os xogos da nosa comunidade, os que xogaron nosos pais e avós, e respectar e fortalecer a cultura galega son obxectivos que se perseguiron con esta actividade, sen esquencer a práctica de exercicio habitual durante os tempos de lecer. Os nenos e nenas de quinto e sexto foron os encargados da actividade. O martes, cada un deles fíxose cargo dun xogo tendo que buscar o material, colocalo no espazo que lle correspondía e explicándolle as normas aos demais compañeiros que se acercaban a xogar.

Ademais, dentro do Plan Lector e da man de Dori, cada un deles fixo un traballo de investigación para recoller as normas, materiais e funcionamento deses xogos. Utilizaron libros de consulta da biblioteca, a rede e incluso fontes orais, traendo cantigas para xogar á goma que cantaban os seus pais e nais e algunha variante doutros xogos contadas por avós e avoas. Todo un traballo de investigación que agora está exposto no pavillón e do que podedes disfrutar premendo aquí.

Os xogos tradicionais dos que disfrutamos todas e todos foron:

  • Os birlos: Foi un dos xogos con máis éxito, onde todos e todas intentamos derribar o maior número de birlos posibles. Ademais, utilizamos uns birlos feitos polo alumnado en anos anteriores con materiais de refugallo.
  • A mariola: Para este xogo utilizamos as mariolas que xa temos pintadas no patio e nenos e nenas xogaron por igual. Algún incluso compartiu algunha canción que lle cantaron na casa e que puidemos compartir todxs.
  • A petanca: Deste xogo disfrutaron moito sobre todos os nenos e nenas máis pequenos, e ademais fixérono con moito tino, gañando incluso aos máis maiores da escola.
  • A ra: Para este xogo tamén utilizamos material que xa tiñan feito no cole anos anteriores con materiais de refugallo. Utilizamos chapas para recicladas para tirar e tivemos moita puntería, aínda que tamén houbo quen intentaba facer algo de trampa pisando a liña.
  • Zancos: Outro dos xogos que máis aceptación tivo. Cada nena e neno subíase no seu par de zancos e facía un percorrido. Algún dos maís maiores incluso se atreveu a facer algunha que outra carreira.
  • A buxaina: Buxaina, peón, peonza, barrilete… foron moitos os nomes que descubrimos estes días para este xogo. Estes días tivemos a oportunidade de de bailalo peón e descubrir que moitos dos nenos e nenas son capaces de facelo moi ben. Ademais, compartiron o seu saber cos demais nenxs axudándolles e ensinándolles trucos para que a buxaina xirase.
  • A goma: Este xogo da goma elástica foi todo un descubrimento. Os rapaces e rapazas de infantil descubrimos o xogo en Educación Física e puideron ensinárllelo aos seus compañeiros. Ademais, varias compañeiras trouxeron cantigas que lles contaron na casa como “Chicle, chicle” ou “O patio”.

A semana dos xogos tradicionais foi toda unha experiencia que nos permitiu descubrir xogos novos que en moitos casos estaban esquecidos, e ampliar o abanico á hora de disfrutar dos tempos de lecer. Ademais, fomos capaces de investigar sobre os xogos de Galicia, recoñecendo a nosa cultura como un valor moi importante como pobo. A pesar de que foi a primeira vez que incluiamos esta actividade no Plan Proxecta, esperamos poder mantela en vindeiros anos dada a incrible aceptación por parte de todo o colexio e os bos resultados obtidos.

Podedes disfrutar de todas as imaxes desta semana de Xogos populares aquí.

SEMANA DO DEPORTE.

Un ano máis chegou unha das nosas semanas preferidas do curso, a Semana do Deporte. Con esta actividade buscamos o fomento da práctica da actividade física entre todo o alumnado

A actividade física é fundamental no desenvolvemento integral dos nenos e nenas xa que nos permite inculcar valores importantes como o traballo en equipo, a superación ou o emprendemento e ten moitos beneficios para o noso organismo. 

Aquí vos contamos todo o que disfrutamos. Se premedes nos títulos podedes ver as imaxes de cada actividade. Disfrutádeas!

Luns: Miniolimpiadas I. 

O primeiro día estivo adicado ao deporte rei, o atletismo, o cal combina habilidades básicas que facemos de forma innata. Así, todos os nenos participamos en carreiras de velocidade, carreiras de resistencia e carreiras por relevos. Competimos en grupos mixtos por cursos e os gañadores de cada unha das carreiras puideron pasar unha segunda volta se ben o importante non é ser o vencedor, se non participar e compartir cos nosos compañeiros. 

Martes: Miniolimpiadas II. 

Continuamos co deporte rei, neste caso con outras especialidades e foi o momento dos saltos de altura, o lanzamento de peso e as carreiras de valados. No pavillón fixemos un circuito con tres estacións que estaban dirixidas polos nenos e nenas de sexto que nos axudaban no control e organización de cada actividade. Os demais distribuimonos en tres grupos mixtos e comezamos a disfrutar. Na carreira de valados tiñamos vallas de diferentes alturas para poder salvalas e todos nos animamos a subir un pouco a altura, incluso os máis pequenos. No salto de altura tivemos que sortear unha goma elástica para caer sobre o quitamedos. Cada vez que o intentábamos subíamos un poquiño a altura e todos fomos capaces de superarnos as nós mesmos. Por último lanzamos o peso o máis lonxe que puidemos. Os máis pequechos tiraron un balón pequenos pero os maiores atrevéronse cun de dous kilos e tod@s o fixeron moi ben. 

Xoves: Sobre rodas!

Despois do éxito dos anos anteriores estabamos ansiosos porque chegara este día. Os profes convertiron o pavillón en un gran circuito cheo de carreteras, rotondas, pasos de peóns... e nós, con todos os nosos vehículos circulamos por el respectando as normas de seguridade vial. Monopatins, bicicletas, triciclos, patíns... todo valía. Cada un de nós tiña un carné con doce puntos e os mestres convertéronse en gardas civís e multáron cada vez que se incumprían as normas. Algún ata tivo que correr arredor do pavillón para recuperar algun punto e poder seguir participando. 

Queremos agradecer as familias a súa colaboración para traer e recoller todos os vehículos e que así puidésemos disfrutar desta actividade. 

Venres: Sobre rodas, volei e partido!

Para despedir a Semana do Deporte tivemos un día do máis completo. 

Despois do recreo tivemos con nós a visita de Manolo Martínez e Noelia, dous adestradores do Clube de Voleibol Ribeira Sacra de Monforte que nos viñeron a ensinar e a iniciar neste deporte. Primeiro, os nenos e nenas de 3º a 6º aprendemos o toque de dedos, de brazos, o saque e incluso iniciámonos no remate. Despois tamén viñeron os máis pequenos que xogaron cos balóns de volei e incluso se pasaron por riba da rede do patio. Todos e todas disfrutamos moito. Agradecerlle a Manolo e a Noelia a súa presenza neste día e todo o que nos ensinaron. Esperamos tervos connosco noutras ocasións. 

Xa pola tarde e dado que o día anterior quedammos con ganas, volvemos a repetir a actividade "Sobre rodas" e temos que dicir que cada vez o facemos mellor e respectamos máis as normas viarias. 

E para despedirnos, nada mellor que un partido mestres- alumn@s. Todos nos calzamos as zapatillas e animámonos co fútbol sala. Ademais, contamos con dúas visitas moi especiais, Vanesa e Julio, os profes que marcaron o ano pasado e que non se quixeron perder a actividade. Todos xogamos, rimos, compartimos e algún mestre que xa anda algo maior ata se nos lesionou, aínda que mereceu a pena o esfrozo. 

 Así despedimos unha semana deportiva coa que quedamos moi contenos. Un ano maís foi unha experiencia moi positiva e que esperamos manter en nos próximos anos por ver as caras de diversión e cariño dos nenos e nenas do cole. 

 

ALMORZO SAUDABLE NO COLE.

 

 

O día de hoxe comezou con moi bo pé para os nenxs e mestrxs da Pobra do Brollón xa que, como tódolos anos, compartimos un ALMORZO SAUDABLE. 

Todxs sabemos que o almorzo é a comida máis importante do día xa que nos aporta os nutrintes necesarios para afrontar a nosa xornada. Por eso, un almorzo completo debe conter froita, lácteo, hidratos de carbono, proteínas e graxas saudables. 

O noso almorzo consistiu en zume de laranxa, fresas e uvas (froita); torradas con xamón e tomate (hidratos e proteína); leite (lácteo); e cereais (hidratos). 

Como podedes ver nestas imaxes, todxs disfrutamos dun almorzo xenial e comezamos a xornada con enerxías renovadas. Tamén comentamos os nosos hábitos á hora de alimentarnos pola mañá e démonos consellos uns aos outros naquelas cousas que podemos mellorar. 

Sen dúbida, foi un comezo de día xenial. 

Liga de Brilé.

A pasada semana xogamos unha liga de brilé nos tempos de lecer do martes e o xoves. Despois de introducir este xogo nas clases de Educación Física, sobre todo nos primeiros cursos de primaria, os nenos e nenas dividíronse en equipos e puxéronse a xogar. 

Houbo dúas liguillas

  • 1º, 2º e 3º de Educación Primaria.
  • 4º, 5º e 6º de Educación Primaria. 

Os equipos fixéronos os propios nenos e nenas coa condición de que fosen mixtos e co alumnado de diferentes cursos mesturados. Fomentamos así a responsabilidade e que sexan xustos á hora de distribuir aos seus compañeitrxs para que sexan equipos igualados. 

Como podedes ver nestas imaxes, pasámolo moi ben con este xogo e, unha vez finalizada a liga moitos dos nenos e nenas continuaron disfrutando. 

A seguir xogando!

LIGA DE TENIS DE MESA.

Como xa vos adiantasmos, estas semana tivo lugar a liga de tenis de mesa do noso colexio. Os martes e xovesdestas últimas semanas adicamos os tempos de lecer (mañá e tarde) a coñecer un pouco máis e disfrutar deste deporte. 

Esta liga continúa o traballo que se ven facendo dende o Plan Proxecta estes últimos anos e ten un gran éxito entre os nenos e nenas do cole. Ademais, é unha maneira de achegalos aos deportes de raqueta, unha nova posibilidade. Amosaron gañas de disfrutar, de compartir momentos lúdicos cos seus amigos/as, de esforzarse, de superarse

Xogamos en tres grupos:

1º e 2º: Pretendemos que se inicien, que coñezan o tenis de mesa, que disfruten xogando.

3ºe 4º: Buscamos que o pasen ben , que sexa un momento de divertimento.

5º e 6º: Incidindo un pouco máis nas regras, en algún aspecto técnico sinxelo.

No seguinte enlace podedes ver algunhas imaxes dos encontros. 

Nesta liga decidimos que os nenos simplemente disfrutasen da súa participación e da propia progresión que mostraron, sen dar importancia ao aspecto competitivo, polo que ao final do proxecto outorgaremos un premio conxunto que todos os nenos e nenas poderán disfrutar. 

Seguimos traballando e disfrutando do deporte!.

COMEZA A LIGA DE TENIS DE MESA.

 

Un ano máis, damos comezo á liga de tenis de mesa no Ceip Pobra do Brollón. Durante as dúas próximas semanas, todos os nenos de primaria disfrutarán nos tempos de lecer deste deporte.

Podedes consultar o calendario da liga nos seguinte enlace. 

Calendario Liga Tenis de Mesa. 

Manterémosvos informados de como resultou a actividade. A XOGAR!

 

MERENDAS SAUDABLES.

 

 

Un ano máis, decidimos celebrar a semana das merendas saudables. Ao longo destes días, do 10 ao 15 de decembro, dentro do Proxecto Deportivo de Centro, realizamos un calendario de merendas durante o período de lecer.

O calendario que seguimos foi o seguinte:

Luns: Froita

Martes: Bocadillo ou sandwich

Mércores: Lácteos ou derivados

Xoves: Froita

VenresLibre

Con esta actividade tratamos de  concienciar ao alumnado da importancia dunha dieta suficiente e variada; que sexan conscientes de que alimentarse ben é fundamental para a práctica de actividade física, entre outras cousas.

LIGA DE BALONCESTO.

Esta semana finalizou a liga de baloncesto, que se celebrou  os martes e xoves no tempo de lecer da maña. Debido ao mal tempo que nos acompañou durante o mes de novembro, non puidemos respectar o calendario previsto (xa que as canastras se atopan no patio descuberto), o que fixo que tiveramos que retrasar as datas dos partidos. Pero esto non nos impediu difrutalas ao máximo. 

Tivemos 2 grupos:

• Alumnado de 1º, 2º e 3º

• Alumnado de 4º, 5º e 6º.

Os equipos son mixtos, contando polo menos cun neno e cunha nena; ademais deberán ter un participante de cada curso (por exemplo, un neno/a de 1º, un neno/a de 2º e un neno/a de 3º).

En cada recreo xogáronse dous partidos de 10 minutos. O sistema que levamos a cabo foi o de liga, onde todos os equipos se enfrontaron entre si.

A última semana fixemos un partido libre para despedir a que xa é a cuarta liga de baloncesto do colexio.

No seguinte enlace podedes ver o documento resumo da organización da liga, así como as imaxes destes días.

Cal será o seguinte xogo? Seguiremosvos contando. 

 

Distribuir contido