Iniciar sesión: Acceso

Cartas por San Valentín.

O día 14 de Febreiro clébrase o día do AMOR e no cole de Pobra do Brollón tamén quixemos celebralo. Calqueira excusa é boa para expresar os bos sentimentos ás persoas que nos rodean e coas que compartimos tantos ratos ao longo do ano. E que mellor forma que facelo a través das palabras. 

Durante toda a semana tivemos aberto un buzón no que todos puidemos depositar as nosas cartas, mensaxes, debuxos, dedicatorias... para os nosos compañeiros, profes, etc... Así, o xoves tiñamos un montón de correspondencia. Os carteiros puxéronse a traballar e repartiron todas as cartas, ninguén quedou sen ela e os bos desexos doutra persoa. Que ben senta saber que alguén pensou en ti!

Aquí podedes ver as imaxes deste ratiño tan fermoso. Fixádevos nas caras de ilusión de todos ao recibir as cartas. 

Amor polos amigos, polos compañeiros, polo que facemos, pola familia, pola natureza... Todo tipo de amor hai que celebralo. 

A quererse moito e ben!

LIGA DE TENIS DE MESA.

Como xa vos adiantasmos, estas semana tivo lugar a liga de tenis de mesa do noso colexio. Os martes e xovesdestas últimas semanas adicamos os tempos de lecer (mañá e tarde) a coñecer un pouco máis e disfrutar deste deporte. 

Esta liga continúa o traballo que se ven facendo dende o Plan Proxecta estes últimos anos e ten un gran éxito entre os nenos e nenas do cole. Ademais, é unha maneira de achegalos aos deportes de raqueta, unha nova posibilidade. Amosaron gañas de disfrutar, de compartir momentos lúdicos cos seus amigos/as, de esforzarse, de superarse

Xogamos en tres grupos:

1º e 2º: Pretendemos que se inicien, que coñezan o tenis de mesa, que disfruten xogando.

3ºe 4º: Buscamos que o pasen ben , que sexa un momento de divertimento.

5º e 6º: Incidindo un pouco máis nas regras, en algún aspecto técnico sinxelo.

No seguinte enlace podedes ver algunhas imaxes dos encontros. 

Nesta liga decidimos que os nenos simplemente disfrutasen da súa participación e da propia progresión que mostraron, sen dar importancia ao aspecto competitivo, polo que ao final do proxecto outorgaremos un premio conxunto que todos os nenos e nenas poderán disfrutar. 

Seguimos traballando e disfrutando do deporte!.

ENTREVISTA A OLGA NOVO EN RADIO GUÍMARO

Entrevista a Olga Novo

Poéticas Diversas e mes da poesia.

O xoves, 7 de febreiro vivimos unha mañá entrañable, cargada de emocións, sensibilidade, mensaxes...

Aquí tedes imaxes desta fermosa mañá.

Escoitar a Olga Novo foi un privilexio.

Falar de atopar poesia no imperceptible, na nosa vida... é falar de Olga Novo. Se queredes emocionarvos  só tedes que escoitar a Olga  na entrevista que lle fixeron os nenos e nenas de 5º e 6º.

Olga Novo en Radio Guímaro

Pero voltará moi pronto para xogar con nós, coas palabras e coa poesía!

ESCORNABOTS EN PAZ

Con motivo do Día escolar da Non Violencia e a Paz no CEIP Pobra do Brollón deseñamos unha serie de actividades entre as que se atopaban xogos cos escornabots. Desenvolvimos dous xogos diferentes adaptados ás diferentes idades do alumnado e que a continuación vos explicamos. 

 

Xogo "Podo- Non podo":

Os nenos e nenas de infantil e primeiro e segundo curso de primaria traballaron as normas de conducta a través do libro "Cachorros & cachorros" de Isabella Paglia e Anna Laura Cantone. En base a el, creamos unha serie de tarxetas para colocar nos taboleiros do escorna nas cales se lles preguntaba aos pequechos o que podemos e non podemos facer, por moi cativos que sexamos. 

Nos documentos adxuntos tedes a información do xogo e os materiais necesarios para o eu desenvolvemento. 

Xogo da Paz:

Co alumnado máis maior do cole fomos un pouquiño máis aló e decidimos traballar as normas de convivencia que debemos ter en conta dentro da escola. Seguindo o sistema de tarxetas, os rapaces e rapazas tiñan que enfrentarse a situacións diversas e decidir que facer ante elas. As respostas que resultaron deste xogo foron moi reflexivas e convincentes. 

Aquí tedes os materiais deste xogo.

Se premedes aquí, podedes ver as imaxes do noso día de xogos cos escornabot. Sen dúbida, estes pequenos robots estanse a converter en un estupendo recurso para traballar e reforzar as nosas aprendizaxes. Esperamos que vos gusten!

TODOS COA PAZ NO CEIP POBRA DO BROLLÓN

Voltamos das vacacións do Nadal, cos mellores propósitos do novo ano que comeza: mellorar!. E é que xaneiro chega cargado de proxectos e cunha  gran data para reflexionar: O dia da Paz. Momentos que invitan á importancia de vivir en paz, medrando fortalecidos polos valores, que nos levan a convivir no respeto á diversidade, na tolerancia, na solidariedade,  pilares sobre os que contruír  futuro.

Abordamos este tema dende todas as materias e como na maioría das conmemoracións a biblioteca foi o motor central facendo as súas propostas.

Creamos o recuncho lector cos libros da biblioteca que abordan esta temática. Este recuncho colocouse na entrada do comedor.  A biblioteca saiu fóra do seu recinto e facilitou a posibilidade de ler ao alumnado surtindo os momentos de lectura ou de lecer con contos do recuncho.

Seleccionamos algúns destes contos para traballar nas aulas: hora de ler, plan lector…

Infantil: “Cachorros cachorros”, “Unha manchea de bicos” “O segredo de Flora”.

En 1º e 2º: “Cachorros cachorros”, “Cuando me hice así de pequeño” “O segredo de Flora” “A casa grande” “A manchas ou a raias?”.

En 3º e 4º: “O elefante dunha soa orella”

En 5º e 6º: “O Carteiro de Bagdag”,”O segredo de Flora”, “A casa grande” e prepararon para contar ao resto do cole: A manchas ou a raias? De Estefania de Padullés.

Creamos un poema para unha canción: Nas áreas das linguas, reflexionando sobre as mensaxes das nosas lecturas, participamos nun obradoiro de poesía para describir a PAZ. Xogamos coas palabras, as estrofas e a rima. Así naceu a 1ª estrofa dun poema en primeiro e segundo; o retrouso en 3º e 4º e as tres últimas estrofas en quinto e sexto. O profesor de música creou a melodia para despois cantar todxs xuntos unha canción cargada de mensaxe

 Poema

Música

Durante a semana do 25 ao 31 de xaneiro a hora de ler estivo organizada por actividades que nos invitaban á reflexión sobre esta gran necesidade no mundo: A PAZ!.

O luns viron na aula virtual unha curtametraxe: “A terra é miña”

O Martes viron a curtametraxe: “Tres puntadas”.

O Mércores viron a curtametraxe: “O reino”

O Xoves: Os biblioaxudantes de 5º e 6º contaron o conto de Estefanía de Padullés “A manchas ou a raias?”. Empregaron como soporte o conto en powert point.

Despois das sesión abriase un pequeno debate para facer valoracións persoais,  impresións, e sobre todo analizar  mensaxes e conclusións.

O venres colocamos un mural  realizado dende a área de plástica: contén o poema que crearon todxs e os debuxos que realizaron na sesión de plástica, no que plasmaron o que lles transmitía PAZ. Dende plástica, traballaron tamén con papiroflexia, construíndo pombas da Paz e que serviron para completar o mural e ambientar o recuncho lector da PAZ.

O venres pola tarde dedicámolo a actividades sobre a Paz na biblioteca: Cantaron a súa canción e despois xogaron cos escornabots con dous xogos creados polo Equipo de biblioteca en torno a boa convivencia, ás  boas condutas e modales  e á PAZ.

Creamos dous xogos cos escornabots para xogar en equipos.

Un para infantil e primeiro e segundo sobre o libro “Cachorros cachorros” que traballa dunha forma simpática o que fan os cachorros pero   que non debemos facer os nenos e nenas.

O xogo titúlase: Podo! Non podo!

O outro xogo está dirixido a 3º, 4º, 5º e 6º. Invita á reflexión sobre as actitudes ou decisións que se deben tomar ante diversas situacións conflictivas do día a día e traballa conceptos nos que nos pode por a vida: refuxiados, emigrantes.

Este xogo titúlase: “Xogo da Paz”

Rematamos unha semana tentando aumentar a sensibilización e o compromiso cara a necesidade de sentir a Paz empezando por mirarnos a nós mesmos e actuar implicándonos co seu triunfo paso a paso.

Como moi ben nos deixou reflexionado Gandhi:

"Si queres cambiar o mundo, cámbiate a ti mesmo."

 

 

COMEZA A LIGA DE TENIS DE MESA.

 

Un ano máis, damos comezo á liga de tenis de mesa no Ceip Pobra do Brollón. Durante as dúas próximas semanas, todos os nenos de primaria disfrutarán nos tempos de lecer deste deporte.

Podedes consultar o calendario da liga nos seguinte enlace. 

Calendario Liga Tenis de Mesa. 

Manterémosvos informados de como resultou a actividade. A XOGAR!

 

MERENDAS SAUDABLES.

 

 

Un ano máis, decidimos celebrar a semana das merendas saudables. Ao longo destes días, do 10 ao 15 de decembro, dentro do Proxecto Deportivo de Centro, realizamos un calendario de merendas durante o período de lecer.

O calendario que seguimos foi o seguinte:

Luns: Froita

Martes: Bocadillo ou sandwich

Mércores: Lácteos ou derivados

Xoves: Froita

VenresLibre

Con esta actividade tratamos de  concienciar ao alumnado da importancia dunha dieta suficiente e variada; que sexan conscientes de que alimentarse ben é fundamental para a práctica de actividade física, entre outras cousas.

FESTIVAL DE NADAL

O mes de decembro  foi moi tintenso…chega o final do trimestre: os últimos exames, concursos, o festival… estamos desbordados de traballo pero tamén é verdade que é cando se mostra o traballo colaborativo de todos, a implicación dun gran equipo para que todo saia ben e os resultados sexan os mellores.

Un día que agardamos con moita ilusión, é o festival de Nadal. Sentimos a responsabilidade de organizar unha mañá na que somos os protagonistas indiscutibles ante as nosas familias, amigos e os profesores que traballaron con nós para que ese día aflore o mellor de cada un e sexa especial para tod@s.

Celebramos o festival o 21 de decembro ás once da mañá. O comedor que fai de salón de actos vístese de nadal para acoller as familias e amigos que nos acompañaron e viñeron a disfrutar con nós das nosas actuacións. Contamos como cada ano cuns invitados moi especiais para nós cos que compartimos moito ao longo do curso, os usuarios e profesionais do centro de día.

Presentamos o festival  os nenos e nenas de 5º e 6º: Xulia, Roi, Adai e Eli e como todos os anos implicáronse todos os mestres e mestras e participamos todos os nenos e nenas do colexio.

Comezou o festival coas acrobacias de acrosport do alumnado de 3º,4º, 5º e 6º. Así bautizamos a profe de Educación física, Paula, que chegou este curso ao cole con  moita forza, enerxia e ilusión… que contaxia a raudales. Aquí tedes algunhas das imaxes da actuación. 

Despois actuaron os máis grandes do cole: os nenos e nenas de infantil, que dirixidos polo seu profe Óscar puxeron en escea a obra de teatro: “Secuestraron a Papá Noel”. Son os seus primeiros debuts en público que irán madurando nos futuros festivais dos cursos que están por vir. Pero tamén e verdade que están en moi boas máns estando con Óscar que é o profe de infantil, e polo tanto o que comeza a quentar os motores para a andaina escolar.

Os nenos e nenas de primeiro e segundo xa demostraron as súas tablas e representaron, dirixidos polos seus profes, Paco e Dori, a obra de teatro: “O boneco de Neve”. Remantaron a actuación bailando e cantando unha panxoliña de Iván Vale “Chegou o Nadal”.

Os nenos e nenas de 3º e 4º non se andan con rodeos e implicáronse a fondo convertíndose en escritores e actores cheos de humor e audacia. Dirixidos polo seu titor Pablo escribiron unha obra de teatro chea de humor e gracia….que representaron xenialmente. A obra titúlase “A banca sempre gaña”. 

A continuación Óscar e Dori entregaron as dúas cestas de nadal que se sortearon para recaudar fondos para a excursión dos nenos e nenas de 5º e 6º de fin de curso. O sorteo realizouse o día anterior no comedor do colexio. Sacaron os números os máis pequenos do cole: Marina e Dani. As rifas premiadas foron os números 906 para a cesta número 1 que lle tocou á familia de Marcos e o número 155 para a cesta número 2 que lle tocou á familia de Alejandra. Preme aquí para ver as imaxes da entrega. 

Seguindo co festival chegou de novo o turno de 5º e 6º que, dirixidos por Paula e Dori, nos sumerciron de cheo do nadal. Representaron a obra de teatro: “Tempo de Nadal” e cantaron e bailaron a panxoliña de Xabarín “Volver á casa por Nadal”.

Demos as grazas a todos os que colaboraron con nós dalgún xeito na realización do noso festival: aos profes, ao concello que sempre nos presta a megafonía,  aos asistentes e á consellería por  aportar unha nova dotación de 15.000€ para seguir coa reforma do centro. Pouco a pouco o noso colexio estase transformando dun colexio deteriorado  e anticuado a un colexio  acolledor e funcional.

Coñecemos aos gañadores do XXVIII Certame de contos de Nadal, aos que lle demos un caluroso aplauso. Recibiron o seu agasallo da man de Dori e Pamela:

En  segundo empataron: Emma e Antón

En terceiro empataron: Lola e Alejandra

En cuarto: José Ramón

En quinto: Fabian

En sexto: Adai e Roi.

Podedes ver aos galardonados premendo aquí.

Rematamos o festival cunha panxoliña, dirixida polo profe de música, Pablo que cantamos todos os nenos e nenas do cole. Así que todos ao escenario!

Titúlase: “A noitiña de Nadale” e con ela aproveitamos no cole para felicitar o Nadal.

Agardábanos unha sorpresa que foron entregando os profes titores ao baixar do escenario: Un  calendario de mesa do ano 2019 coa foto de cada grupo…así que a seguir camiñando, aprendendo e disfrutando nos días vindeiros.

Aquí tedes outras imaxes deste fermoso día. 

Despedimos o festival co desexo de Nadal do CEIP da Pobra do Brollón:

Que o Nadal chegue a todos os fogares,

Que sexamos solidarios….e coa invitación a mercar un calendario da Asociación Estiño no que colaboramos na súa elaboración. O debuxo seleccionado do noso cole foi o de Adai. A recaudación é para axuda a Nicaragua.

Que no 2019 teñamos motivos para sorrir.

Que medre o compromiso de traballar para que a Paz, a Xustiza, a Igualdade e o Benestar sexan realidade.

BO NADAL E PRÓSPERO E XUSTO 2019

SEMANA DA NON VIOLENCIA DE XÉNERO

A semana  pasada reflexionamos sobre esta lacra que que xera a humanidade:  a violencia e, en especial, sobre a violencia de xénero.  Enmarcados no 25N aproveitamos para reflexionar e profundizar neste problema que está a sufrir a sociedade no mundo.

Dende a biblioteca organizamos varias actividades encamiñadas  á concienzarnos da importancia de erradicar a violencia de xénero ou calquer tipo de violencia porque ningún acto xustifica a violencia; pola contra, os actos violentos sempre fan dano.

Abordamos este tema dende  varios ámbitos:

1. Na biblioteca creamos o recuncho dos contos que abordan esta temática para os distintos niveis. Alí están contos como “O Neno can”, “Nera a Ferreira”, “Nin un biquiño á forza”, “Artur e Clementina”, “Negros e brancos”…

2. Dende o club de lectura de 5º e 6º leron “A lagoa das nenas mudas”. A historia de Amina, unha nena nixeriana que chega a Galicia e comeza o colexio nunha clase de 5º.  Deu pé a unha sesión de reflexión e coloquio na hora do plan lector  acerca dos distintos tipos de violencia que aparecen  nesta historia. Logo elaboraron a súa reflexión e valorción persoal para lévalo á radio, o que aínda non foi posible por ter problemas co ordenador.

3. 3º e 4º leron Xela volveuse vampira. A historia dunha mestra moi alegre e implicada na súa profesión pero o maltrato cambiaráa por completo.

Se premedes AQUÍ  podedes ver todas as imaxes desta actividade.

 

4.  Seleccionamos música con esta temática e durante esa semana tivemos unha hora de ler moi especial. Cada día escoitamos unha canción  que aborda o tema da violencia de xénero na biblioteca sobre a que logo reflexionamos todos xuntos. Na aula virtual cubrirán unha pequeña enquisa, así como votarán a que máis lles gustou. Aproveitaremos para traballar coas gráficas.

O luns escoitamos Malo de Bebe. O mércores “lo que Ana vé” de Revólver. O venres escoitamos  “La puerta violeta” de Rozalén.

Podedes disfrutar das imaxes aquí.

5. Os biblioaxudantes elexiron  cada un un conto do recuncho das lecturas que prepararon durante a semana  para contarllo aos máis pequenos e reflexionar con eles sobre este tema. Esta actividade realizouse o xoves na hora de ler.

 Eli contoulles  “Cando mefixen así de pequeno” aos nenos e nenas de tres anos.

 Xulia contoulles “O secreto de Lara” aos nenos e nenas de catro anos.

Senén contoulle “Orellas de bolboreta” aos nenos e nenas de cinco anos.

Roi  contoulles “A casa grande” ás nenas de primeiro.

Adai contoulles “O segredo de Flora” aos nenos e nenas de 2º.

Fabian contoulles “A manchas ou a raias” aos nenos e nenas de terceiro.

Amanda contoulles “ Rosa Caramelo” aos nenos  de cuarto.

Mirade as fotos premendo aquí. 

6. Despois elaboramos as nosas reflexións para crear un mural no que participa todo o alumnado do centro. Podesdes disfrutar do noso mural aquí. 

Todos rexeitamos a violencia. Unha vez máis reafirmámonos en que os enfandos, os conlictos non se resolven con violencia. Non hai nada que a xustifique porque non arregla nada, pola contra fai moito dano.

As persoas temos dereito a vivir en liberdade, sen medo, pedindo axuda cando temos problemas. Se sabemos axudar, escoitar,  compartir e sobre todo respetar… Recibiremos moito máis  dos que temos a nosa carón. Indudablemente sentirémonos  moito mellor, faremos e seremos máis felices.

 

 

                                                                                                                                                       

O PRINCIPIÑO EN RADIO GUÍMARO

O  PRINCIPIÑO NO CEIP DA POBRA DO BROLLÓN

Despois dun descanso forzoso, en radio escolar,  pois tivemos o ordenador estropeado volve Radio Guímaro. Inda que con retraso iremos emitindo os programas preparados que iremos grabando.

Aquí vos deixamos o conto que creamos todo o colexio, polo Día das Bibliotecas con imaxes do Principiño de Saint Exupéry e que vos contamos tamén todo o colexio a través de Radio Guímaro.

"O Principiño na Pobra do Brollón"

 

Esperamos que vos guste!!

 

Distribuir contido