Antes do 2022-2023

O músico Hector Lorenzo veu presentar ao alumnado de 4º e 5º de E. Primaria o seu traballo “Cousas de Papá”, con poemas musicados polo propio Hector, e que sairá do prelo no próximo outono. Coas súas cantigas tan divertidas fixo as ledicias de todo o alumnado.

Hoxe 23 de abril, Día do Libro, a escola quere sumarse a unha celebración tan importante cunha actividade proposta pola Comisión de Biblioteca en colaboración coa Comisión de Tics da escola: "Fotografíate co teu libro preferido". 

Todo o alumnado e profesorado escolleu ese libro especial, que lle fixo sentir, vivir, disfrutar, lembrar... e fotografiouse con el, á vez que explicou o por que da súa elección: que é o que ten ese libro de especial para min?

 

 

 

 

 

 

 

 

 

 

 

 

 

 

 

 

 

 

O xoves 19 visitou a nosa escola o escritor Gonzalo Moure, que co seu libro “Caramelo” achegou ó noso alumnado de 5º de E. Primaria ese mundo máxico da lectura.

O libro está adicado a Fatimetsu, unha nena saharaui que lle permitiu ver ao escritor a vida doutro xeito. El dicía que “Escribir es buscar describir de otra forma la realidad”. E deixou para o recordo unha fermosa frase:

“Los libros son el motor de tus sueños, el pedir lo imposible, la llave del futuro”.

O pasado mércores os nenos e nenas de segundo de primaria tiveron a sorte de contar coa presencia de Manuel Solla Barragáns, director da compañía de teatro "Expresións Produccións". Grazas a este gran animador pasaron un bo rato con actividades e xogos inspirados no libro "Pupi e o club dos dinosauros".

Clicade no libro para recordar algúns dos momentos compartidos:

Como cada oito de marzo a escola, coordinado dende a Comisión de Biblioteca, celebra un pequeno acto co alumnado que busca prioritariamente sensibilizar e poñer en valor o traballo feminino. Este ano proxectouse un vídeo sobre as mulleres de Mos, coordinado por Uxía Senlle e Dorinda Castro. 

A continuación, alumnas de 5º e 6º de Educación Primaria leron un Manifesto sobre a necesidade de compartir as cargas domésticas entre todos e todas para que así poidamos conciliar a vida laboral, social e profesional. 

Rematamos co visionado dun vídeo titulado "Sorkunde", producido polo goberno vasco, e que nun tono humorístico pretendía facernos conscientes das pequenas inxustizas cotiás, moitas veces encubertas, que teñen marcado as relacións e roles entre mulleres e homes.

                  FELIZ 8 DE MARZO, MULLERES DO MUNDO!

O martes 9 no suplemento A Escola do Faro de Vigo apareceu unha pequena noticia sobre a visita de Fina de Casalderrey.

Visita da escritora Fina Casalderrey a escola no día 25 de novembro

Día internacional contra a Violencia de Xénero

     Hoxe visitounas na escola unha persoa moi especial, a escritora Fina Casalderrey que dun xeito case máxico mantívo a atención dun numeroso auditorio, que quedou engaiolado coas verbas cheas de sensibilidade.

    Ela amosounos que o único imprescindible para escribir unha historia é precisamente eso que ela derrocha a mares:SENSIBILIDADE.

 Tamén nos contou que o máis importante para ela son sempre os lectores, que son os que dan sentido os seus libros.

    E deixounos unha fermosa frase para conmemorar este día:

       "A UNHA MULLER NON SE LLE PEGA NIN CUN PÉTALO DE ROSA”.