Actividades

Hai "Palabras Bonitas", cada un ten as súas. Son palabras que polo seu significado, pola súa sonoridade ou por calquera outra razón, transmítennos seguridade, alegría, un sentimento agradable...

No Día da Paz queremos compartir con vós as nosas palabras bonitas para que vos enchan o corazón.

Para descargar o vídeo só clicade enriba da palabra: PAZ

A palabra do ano 2015 é "Refuxiado": persoa que vive fóra do seu país, ao ser obrigado a abandonalo por desastres naturais, conflitos armados, persecucións políticas, relixiosas ou por motivos de sexo ou raza.

Imaxinades deixar atrás a vosa casa, os vosos amigos e amigas, os vosos avós, os lugares coñecidos e queridos?

Oxalá que NUNCA MÁIS "refuxiado" sexa a palabra destacada de ningún ano!

Deixámosvos o conto "A flor máis bonita do mundo" de José Saramago.

O martes 1 de decembro o alumnado de 5º Educación Primaria tivo o privilexio de recibir unha visita moi especial: a escritora viguesa Ledicia Costas que veu a presentarnos o seu libro "Escarlatina a cociñeira difunta". 

No blogue da biblioteca temos máis información sobre este momento tan especial e máxico. 

Os alumnos e alumnas de 1º de Educación Primaria fomos de visita a Naturnova, un Centro Interactivo de Educación Ambiental. O seu principal obxectivo é estimular o coñecemento do mundo que nos arrodea e a difusión da súa importancia, co fin de que aprendamos a valoralo, respectalo e querelo. Nadie quere aquilo que descoñece.

Durante a visita tivemos dúas actividades: por un lado, unha actividade de arte que rematou coa visita da "Exposción de arte, tradición, cambio e innovación". Por outro lado, percorrimos a sala do Universo, na que nos explicaron as fases da lúa, os movementos da Terra, o Sistema Solar..., sen esquecer a viaxe que fixemos no submarino pola ría de Vigo. Sempre acompañados de Pintafontes, a mascota do museo.

Ao estar nun museo as fotos que nos permitiron sacar foron moi pouquiñas, pero as xustas para que vexades que impresionante e interesante foi a saída!

O martes 10 de novembro festexamos o Magosto no colexio.

Todo comezou coa aparición de Casilda e Hermenexilda, que vos pedían colaboración para converter o cole nunha galería de arte chea de natureza.

Con todo o material listo, xa estabamos preparados para dar comezo a celebración. Primeiro observamos como se prendían dúas fogueiras para, posteriormente, bailar arredor delas.

Despois elaboramos as nosas obras de arte cos elementos da natureza recollidos e, finalmente, degustamos as castañas que, como todos os anos, Juan nos asou con moito agarimo.

Deixámosvos fotos na GALERÍA da páxina web e un pequeno vídeo cos mellores momentos dese día. 

Esperamos que vos guste!

NORABOA POLO GRAN TRABALLO!

O pasado mércores 21 de outubro as nenas e nenos de 6º visitamos o Centro de Investigación Forestal de Lourizán situado na locaclidade de Marín. Foi creado en 1949 baixo a denominación de Arboreto. 

Destacar o valor científico, constituíndo un banco de probas para testa-la adaptación ás nosas condicións climáticas; valor pedagóxico, sendo unha visita obrigatoria para a comunidade educativa; valor estético, especialmente destacado en primavera e outono, e valor sociolóxico, contribuíndo o espallamento dos habitantes da zona, sendo destacable o elevado número de parellas recen casadas que acoden a facer as súas primeiras fotos.

 Alí puidemos apreciar parte da gran diversidade de árbores de todo o mundo, pasar por unha gruta, beber na fonte dos espellos, pasar polo invernadoiro e mesmo ver un hórreo de 1798.

Disfrutamos moito!

O martes 20 de Outubro o alumnado  de 5 de primaria realizamos unha visita moi interesante a Lourizán. Alí puidemos fixemos un recorrido por todo o seu Xardin Botánico, que posee especies exóticas e autóctonas e foi creado en 1949 baixo a denominación de Arboreto e  que reúne aquelas especies plantadas no xardín dende o século XIX ata a actualidade.

Ademais das especies que pola súa importancia a nivel natural, paisaxístico e cultural están incluídas no Catálogo Galego de Árbores senlleiras, coma o cedro do Líbano, a Metasequoia glytostroboides e a formación de castiñeiros xaponeses e chineses, destacan tamén outras especies forestais coma o olmo holandés, as palmeiras raíñas ou a avenida de magnolias.

Despois de camiñar durante casi dúas horas, tomamos a ben merecida merenda nas escaleiras do Pazo, onde viviu Montero Ríos e que foi construido por Jenaro de la Fuente.

En fin, unha visita moi interesante e motivadora para escomenzar a aprender cousas sobre os bosques.

Os alumnos de 5 anos estamos rematando a nosa etapa en Infantil. Chegamos ao cole moi pequeniños e agora, despois de moitas experiencias e aprendizaxes, xa estamos preparados para unha nova andaina na Educación Primaria.

Este venres 12 de xuño, celebramos un emotivo acto de despedida: representamos un teatro de sombras cun texto elaborado polo nenos e nenas, bailamos, visualizamos unha vídeo-montaxe recordatoria destes tres anos e a modo simbólico saltamos un pódium.

As titoras estamos moi agradecidas coas familias polo seu apoio e tamén coa colaboración das mestras que nos axudaron para que este festival fora posíbel. É díficil para nos despedirnos porque xa formamos unha gran familia, pero rememorando as palabras dos nen@s:

"SEMPRE VOS LEVAREMOS NOS NOSOS CORAZÓNS"

O martes 26 de maio, o alumnado de 2º de Educación Primaria visitamos as instalacións de Chapela do periódico Faro de Vigo.

Unha vez que chegamos, Julia recibiunos na entrada das instalacións para explicarnos e guiarnos na nosa visita. Poidemos vivir de primeira man o funcionamento do diario pasando pola zona de administración, de redacción, rotativas...

Tamén, con moita paciencia, responderon a todas e cada unha das nosas dúbidas e contáronnos moitos datos interesantes como: o mínimo de páxinas dun periódico, o por que os anuncios son máis caros segundo a páxina na que se publique, a que hora comezan a imprimirse e o reparto, o programa que empregan para a súa edición, como se organiza a redacción...

 Recordámosvos que o martes 9 de xuño sae a nosa foto no suplemento A ESCOLA do periódico!!