Rematou o curso 2022/23 e chega o momento de facer un pequeno balance do traballado nos cursos de 4º, 5º e 6º no que se refire ao ámbito STEAM (siglas en inglés de ciencia, enxeñería, tecnoloxía, arte e matemáticas) como base do proxecto de polos creativos. Preme nas imaxes para ver os vídeos.

• Realidade aumentada. Realizamos actividades con realidade aumentada utilizando o programa Quivervision.com dentro dun taller internivel de ámbito STEAM no primeiro trimestre para todo o alumnado do centro en grupos mixtos en idade e xénero ao longo de 10 semanas.

• Nos polos tamén traballamos robótica, como os grupos son de idades variadas imos pouco a pouco por iso o alumnado de 4º escolleu o xogo Scottie Go, un xogo físico e interactivo que nos permite programar por bloques titorizados en todo momento.

• Este curso comezamos a traballar cos xogos de mesa e programación de accións e linguaxe computacional en 4º, 5º e 6º como paso previo á programación en programas como scratch… utilizando xogos como o globe twister, mouse manía, robot turtles, scottie go, algoracing…

• Traballamos coa robótica a diferentes niveis utilizando o robot Mbot e diferentes sensores para traballar proxectos STEAM en 5º. Proxecto segue liñas.
  

• Participamos este curso en Digicraft coa realización de diferentes actividades para 5º e 6º xa que o material que utilizamos é a placa makey makey polo que o proxecto de digicraft se relaciona co de polos creativos ao compartir o mesmo material.

• En 6º tamén utilizamos os lego WeDo para facer diferentes proxectos STEAM de montaxe e programación.

Informamos que TODO o alumnado que realizou o proceso de admisión dentro do prazo ordinario está ADMITIDO.

A listaxe do alumnado está publicada no centro.

Informamos que TODO o alumnado que realizou o proceso de admisión dentro do prazo ordinario, está ADMITIDO.

O 16 de maio publicaranse as listaxes definitivas.

Aquí tedes un pequeno resumo do que foi o obradoiro de percusión que realizamos no centro este ano. Preme na imaxe para ver o vídeo.

Queridas familias.

O vindeiro martes día 14/03/22 pola tarde faremos unha pequena presentación da aula de polos creativos, un espazo de nova creación no centro neste curso 2022/23 arredor do ámbito STEAM. A presentación NON é para o alumnado, soamente para as familias. Para a presentación faremos dúas quendas cunha duración de 75 min aproximadamente en cada unha delas. A primeira quenda será en horario de 16.30h - 17.45h e a segunda quenda de 17.45 a 19.00h. Cada quenda terá unha ocupación máxima de 20 persoas e so poderán participar o pai, a nai ou pai e nai de cada alumno/a. En cada unha das quendas, faremos unha pequena presentación do material e recursos da aula e remataremos cunhas actividades de carácter lúdico utilizando algún material desta aula.

Para poder inscribirse é necesario enviar un correo electrónico a miguelotero@ceipouteirodaspenas.com indicando:

Nome do pai/nai ou dos dous:

Nome e curso do/a alumno/a:

Quenda escollida: 16.30-17.45 ou 17.45-19.00h

A participación será por orde de inscrición ata completar aforo. Se confirmará a asistencia ou non no mesmo correo.

TODO O ALUMNADO DA EEI SAN PEDRO QUE RESERVOU PRAZA NO NOSO CENTRO FOI ADMITIDO.

CHARLAS IMPARTIDAS POLA ASOCIACIÓN ÉRGUETE, ORIENTADAS AO NOSO ALUMNADO DE 6º EDUCACIÓN PRIMARIA E AS SÚAS FAMILIAS

Xa chegou o Entroido. Aquí vos deixamos os mandados do Meco deste ano!! 

• Reserva de praza Do 16 de xaneiro ao 6 de febreiro.

• Publicación da listaxe definitiva do alumnado con posto reservado 22 de febreiro.

• Publicación vacantes antes do 1 de marzo.

• Presentación solicitude admisión Do 1 ao 20 de marzo.

• Presentación documentación xustificativa en caso de baremar 10 días hábiles contados a partir do día seguinte ao remate do prazo para presentar as solicitudes de admisión. Este ano será ata o 31 de marzo.
  

• Publicación das listaxes provisionais de admitidos en non admitidos 25 de abril.

• Prazo de reclamación 5 días hábiles a contar dende o día seguinte da publicación das listaxes.

• Publicación das listaxes definitivas o 15 de maio.

• Prazo de reclamación Contra esta relación definitiva, as persoas interesadas poderán interpoñer recurso de alzada ante o Xefe Territorial, no prazo dun mes contando a partir do día seguinte ao da súa publicación.

• Centro adscrito EEI San Pedro.
  

• Centro de adscrición IES Mendiño.
  

• Formalización de matrícula en EI e EP Do 20 ao 30 de xuño.