Ao longo deste curso 2021-22 levamos a cabo unha serie de actividade e prácticas utilizando diferentes recursos e materiais robóticos. Así, en infantil comezamos a traballar con Qobo un robot que introduce aos máis pequenos na linguaxe computacional dunha forma moi lúdica. por outro lado, en primaria introducimos os xogos de mesa e programación tamén dunha forma práctica e divertida e tamén diferentes actividades  utilizando a placa makey makey. O alumnado de 5º e 6º dado que están no proxecto edixgal, realizaron diferentes prácticas co robot Mbot e algúns dos seus sensores para traballar o pensamento lóxico e computacional e tamén co deseño e impresión 3D utilizando o programa de deseño Tinkercad. A continuación pódese ver un pequeno resumo destas actividades.

LIBROS E MATERIAL ESCOLAR 2022-2023

Por fin podemos publicar as curtas de animación "oso atrapabolboretas" que fixemos co alumnado de infantil e "o camiño das mazás" realizado polas aulas de 2ºA, 4ºA e 4ºB dentro da convocatoria nos tamén creamos e enmarcado todo dentro do proxecto de ceentro "o cine". Durante un mes tivemos que crear as personaxes, os escenarios, gravar as voces e montar unha curta que dera vida ao libro. Podedes ver todo o proceso de elaboración no making-off. Prema nas imaxes para ver os vídeos.

• OSO ATRAPABOLBORETAS. MAKING OFF (COMO O FIXEMOS)

• O CAMIÑO DAS MAZÁS. MAKING OFF (COMO O FIXEMOS)
  

 E para celebralo fixemos un estreno por todo o alto con entradas, copos de millo...

Ao longo desta semana, o CEIP Outeiro das Penas de Cesantes (Redondela) realizou un obradoiro de “ecopercusión” para TODO o alumnado do centro (250 alumn@s), dende os 3 anos ata 6º de E.P. O obradoiro foi impartido por Didier, un mestre de percusión cubano e ten como base a re utilización dalgúns obxectos e materias como cubos de pintura, útiles de cociña, bidóns… dende un punto de vista musical mediante ritmos de batucada. Así, ao longo de varios días, cada unha das clases realizou o seu obradoiro tal e como se das pezas dun puzzle se tratara e unha vez rematado con todos os grupos realizouse unha exhibición de todo o alumnado do centro de forma conxunta e integrada.

Este obradoiro ten a particularidade de ser unha actividade enfocada ao gran formato, así que nesta ocasión quixemos facela extensible a toda a comunidade educativa e por este motivo invitamos a participar ao profesorado, a todas as mamás e papás que quixeron involucrarse.

Preme na imaxe para ver as fotos e os vídeos.

Fondolibros e axudas adquisición libros de texto e material escolar 2022-2023 ( Orde 29 de abril do 2022 ).

Prazo de presentación de solicitudes: Do 19 de maio ao 22 de xuño ámbolos dous inclusive.

Forma de presentación:

-Presencial no centro

-Presentación a través da sede electrónica da Xunta de Galicia ( Procedemento ED330B )

Informamos a todos os responsables que fixeron solicitude de admisión para o vindeiro curso 2022-2023 que todo o alumnado foi admitido.

Seguindo coa tradición dos maios da nosa vila de Redondela e tendo en conta a situación actual provocada polo COVID, amosámosvos o traballo realizado no centro para celebrar os maios neste curso 2021-22.Todas as coplas de primaria foron feitas por cada unha das clases.

Preme na imaxe para ver un resumo e os vídeos das coplas. Para ver todas as fotos, preme AQUÍ.

Esta semana celebramos Easter en todas as clases con diferentes actividades como a búsqueda dos ovos de Pascua, xogos de preguntas e lanzamento de ovos. 

Tamén visitounos o Señor Coello de Pascua, “Mr. Easter Bunny”, quen trouxo lambetadas para adozar a mañá. O alumnado pasouno de marabilla.

A decoración, realizada nas clases de Plástica, quedou fantástica. Parabéns polo voso traballo.

Feliz Pascua a tod@s!

This week we celebrated Easter at school in all classes. We have done different activities such as an Easter egg hunt, a quizz and an Easter egg toss. Also, Mr Easter Bunny visited us and gave candy to everyone. The students had a great time.

Congrats on the fantastic crafts made in the Art lessons :)

Happy Easter!

" Dende o día 1 ata o 21 de marzo ábrese o prazo de solicitude de admisión para o vindeiro curso 2022-2023 para todo o alumnado que entra por primeira vez no sistema educativo así como para aqueles alumnos de Educación Infantil e Primaria que desexen cambiar de centro escolar sempre que haxa prazas dispoñibles.

Unha vez pechado o prazo de solicitudes, as listas provisionais de admitidos e excluídos publicaranse o día 25 de abril, as definitivas antes do 15 de maio e os prazos de formalización de matrícula serán do 20 ao 30 de xuño para os alumnos de Infantil e Primaria.

Cómpre lembrar que a Consellería de Educación pon á disposición das familias unha ferramenta informática, a aplicación admisionalumnado, que posibilita que os proxenitores cubran a solicitude na aplicación e poidan presentala de forma presencial no centro ou por vía electrónica a través da propia aplicación".

Todo o alumnado da EEI San Pedro que reservou praza no noso centro foi admitido.

Todo o alumnado de novo ingreso  para o vindeiro curso 2022-2023 foi admitido no noso centro.