O pasado mércores tivemos a sorte de ter na nosa escola o grupo galego "Uxía lambona e a banda molona" que nos fixo vibrar coa súa música. Este é un resumo do que foi este concerto. Clica na imaxe para ver o vídeo resumo e para ver todas as fotos fai clic AQUÍ.
A semana pasada tivemos a sorte de recivir a visita de Sito, artesán musical da zona e pai de Xenxo. Así, o alumnado de infantil tivo a sorte de ver como é o proceso de construción de diferentes instrumentos como a pandeireta ou coma a gaita e as súas partes. Moitas grazas a Sito pola seu tempo e dedicación e tamén a Vanesa, a nai de Xenxo que nos acompañou no taller e tocou a pandeireta.
Aquí deixamos un breve resumo do que foi a saída do alumnado de E. Infantil ao camping Freitás en San Vicente do Mar.
O pasado venres visitou o noso cole o grupo "o viravai" co seu libro disco "As andanzas de Paio". Moitas grazas a tod@s el@s. Fai clic na imaxe para ver un resumo.
O venres 5 de maio visitounos Jaureguizar, o autor de "Os sabuxos divírtense no Museo Prohibido". Neste libro o autor transpórtanos a un universo de intriga e maxia a través de Nica,a detectivesa que se adica a resolver misterios coa axuda dos seus amigos"os sabuxos".
Os alumn@s de 5º e 6º de Primaria escoitaron moitas das anécdotas contadas polo autor e puideron facerlle moitas preguntas sobre os seus libros e a súa paixón por escribir.
Jaureguizar quedou encantado cos carteis que lle prepararon os alumn@s.Moitas grazas pola visita. Fai clic na imaxe para ver as fotos.
Aquí vai un pequeno resumo do que foi o noso festival das letras galegas. Clica na imaxe.
Así despedimos o último día de cole antes de irmos de vacacións, con 3 talleres de inglés: buscando pistas no "easter egg hunt", tentando encestar ovos de pascua no "Easter egg toss" e facendo unha manualidade ben chula no "Easter arts and crafts". "I loved the Easter bunny envelope". Queredes ver as fotos? fai clic na imaxe.
Un ano máis para festexar a Festa dos Maios e darlle así a benvida á primavera organizamos a exposición "Maios no prato", esa versión do maio en miniatura nun prato. Todos os anos as vosas achegas son realmente espectaculares , pero de verdade que non deixades de sorprendernos, moitísimas grazas pola vosa participación, entusiasmo e como non, a vosa " ARTE". Para ver as fotos fai clic na imaxe
Tralo éxito doutros anos o venres pasado volvemos a desfrutar dunha mañá de apadriñamento lector con motivo da semana do libro. Coma ben sabedes nesta actividade os alumn@s de cursos superiores apadriñan a un alumn@ dos cursos inferiores para lerlle un conto. Por iso para poder ser bos padriños e madriñas o día anterior os maiores visitan aos máis pequenos para coñecerse mutuamente e saber dos seus gustos.
Que paisaxe máis bonita todas as nenas e nenos lendo xuntos nun día de sol!! Bo traballo padriños e madriñas!!! En breve subiremos a presentación con todas as fotos.
Hoxe 27 de abril tivemos a sorte de recibir no noso cole a autora de "Rubicundo", libro que o alumnado de 3º e 4º de Primaria traballou durante este curso. A súa presenza permitiunos afondar en todas esas curiosidades que se atopan detrás do traballo da elaboración dun libro: de onde partiu a túa inspiración?Por que o nome de Rubicundo?Cómo imaxinabas a Erea?...
María compartiu con nós os seus pequenos segredos e deixounos ansiosos por descubrir o seu novo libro: "A cazadora de estrelas". E que mellor regalo que agasallar a cada neno/a cunha mensaxe personalizada que fará do seu libro algo único.
Moitas grazas María. Fai clic na imaxe para ver as fotos
Xunta de Galicia - Consellería de Educación, 2013 | ||
